尋晚成晚都冇瞓過，成晚陣係不停咳同流鼻水，好辛苦。。。今日仲要係一個超忙嘅星期六，由返工做到收工，中間連飯都冇得食。。。呢種忙係響銅鑼灣未試過架！未到收工已經散晒。。。

今日收工有人嚟中環接我，不過個傻佬去錯地方，企咗響對面街等😂我落到去本來想打俾佢，但離遠見到有個傻佬響對面街望住嗰座唔知乜嘢大厦時，我忍唔住笑咗出嚟~原來啲人上網 search 錯地址😂😂不過都算有誠意架喇！

今晚啲人帶我食好西，餓咗成日一見到嘢食我就忍唔住∼超好食超好食真係超好食呀！食完嘢我哋就搭車返去，因為啲人唔舒服，雖然有少少失望，但唔緊要啦！最緊要你冇事吖嘛。。。返到屋企我就煮定飯盒俾啲人😘

 今日返十二點，一返到去已經有客喇！忙咗成個下晝，四點先食飯~食完飯返去又要開會，加上食咗啲藥，成個人都超攰，超眼瞓😖

今晚準時9點收工，收工就落銅鑼灣等啲人，結果一等就等到差唔多十一點。。。其實個人咳到有少少憫，加上個袋又重~所以見到之後就即刻去食嘢，食完嘢就嗱嗱臨搭車返去，因為聽日要返好早，同埋成身都仲係好痛😞

今日醒咗都仲係咁咳，啲鼻水仲係不停咁流，把聲都係變晒。。。醒咗就嗱嗱臨食藥，成個人好攰😞

晏晝我出咗去食啲嘢，見到啲人鍾意食嘅栗子卷，我就買嚟氹吓佢，好想佢會覺得開心！今晚啲人都係夜返，我叫佢食埋嘢先返，呢兩日我哋都冇乜點見，又冇乜點揾我，我好掛住佢。。。 

 今日第一日返中環，起初好擔心，因為要適應一個新環境對我嚟講係一件難事，幸好返到去一切都可以平安渡過！

今日星期日，係最後一日嘅假期😞聽日開始又要到一個新嘅地方返工，係我最唔想嘅一日。。。

今朝同爸爸家姐食完早餐之後，家姐就同我出咗銅鑼灣行咗陣，同返公司執嘢。。。返到公司執嘢嘅時候，啲同事個個都叫我唔好調鋪，其實我都好唔捨得，始終用咗兩個幾月去適應一個地方，依家又要調去另一到，我都唔知適唔適應到😞我的確係一個好慢熱嘅人∼原來只係做咗兩個幾月，我響公司嘅嘢有好多。。。好在家姐同我一齊出嚟，如果唔係都唔知點拎返屋企？！

返到嚟響樓下見到啲人，真係好。。。啲人陪我行咗陣百佳，我哋就各自返屋企喇！夜晚我先拎飯過去俾啲人食，啲人陪我睇咗陣電視，我就返屋企食飯喇。。。好想繼續二人世界呀！

喂。。。我嘅每日一篇呢？？