今日返十二點，返到去已經有客，做到兩點幾先有時間食飯，因為之後就要一直做到收工。。。成個人散晒😞

收工嗱嗱臨去買咗支嘢俾啲人飲，因為栗子奶露對啲人成日攰好有用，而且對佢成日咳都會好！買完之後就趕落銅鑼灣買定麵包聽日，我亦買埋俾啲人。。。不過啲人好似唔多開心咁！其實我有少少覺得最近我做乜都好似唔合佢心意咁…

低能仔，我最近真係唔多開心，我會覺得自己做乜都迎合唔到你，你會覺得習慣咗自己一個人，好多嘢都會自己面對。。。但我想講呢差唔多五年嚟，我真係覺得自己係同你一齊行，不過聽完你講嘅嘢之後，我先發現原來係我諗多咗，同時亦真係好想知究竟我哋係咪可以共同行落去？！或者你冇發現我最近拖住你，已經冇以前咁用力喇！兼且我亦揾小咗你好多。。。就好似冇咗動力咁😞

今日終於都放假，成個人都好攰。。。瞓到成點先起身，醒咗之後就同婆婆飲茶，跟住就買餸煲湯煮飯俾啲人∼

返到屋企除咗攰仲覺得好寂寞。。。因為今晚啲人都係夜返∼我哋響樓梯口食飯，其實我知啲人攰，但我哋再咁冇溝通落去，以後嘅路真係好難行架！佢一句話唔鍾意講自己嘅嘢，我就冇嘢可以講。。。話晒我哋依家真係各有各忙，除咗返工嘅嘢仲有啲乜可以分享？其實佢越冇嘢同我講，我就越驚有另一個😞唉。。。 

 今日都係返工日，返十二點半。。。返到去已經有嘢做，做到兩點幾就食飯！返到去又開始做過…

今日其實係我做咁耐美容師最開心嘅一日，因為主管同我考試嘅時候，佢同我傾咗一陣計，佢話我知，我由1-14号響二百幾個美容師當中，我賣療程排第三。。。我嗰一刻呆咗，仲未知發生咩事！但主管真係好開心，解釋完俾我知係咩事之後，我都好興奮！好想第一時間同啲人分享。。。

今晚我做埋最後一個客就補鐘走，然後就落銅鑼灣接啲人，其實連踩六日個人已經散晒，因為呢到俾起銅鑼灣更忙，我每日都冇停過，所以個人散晒。。。見到啲人之後，我就好精神，好想同啲人好好傾吓計食吓飯，不過啲人都係冇乜出聲，其實我有啲無奈。。。兼且唔知仲可以點！始終我哋依家各有各忙，越嚟越小溝通喇！

今日都係返工嘅一日，但幸好返晏，可以瞓到十一點先起身，不過個人都仲係好攰，好想快啲放假瞓足一日呀！

今日下晝唔算好忙，兩點就食飯，食完飯就返去開始做，一做就做到收工。。。收工就趕返落銅鑼灣等啲人，我哋食完嘢就返去！今晚我哋都冇乜講嘢😞 

今日都係返早。。。。尋晚又係咳到冇瞓過，已經連續兩晚都係咁😑我就快癡線架喇！

今返工唔算忙，十二點就食飯！食完飯返去有客，一做就做到收工！幸好我仲有OT鐘可以補，今日收530😁趕得切返嚟睇林德华😌希望食咗啲藥今晚可以好好瞓一覺啦~因為聽日都係返早呀！

收工睇完醫生後，啲人就同我去食嘢。。。我哋只係響海怡食，食完之後啲人要去交收，原本想我坐響到等佢返架！不過我唔肯，我扭計要跟埋去，我好想癡住佢，我哋最近真係見得好小，我好想見佢耐啲呀！當然最後佢都係俾我跟住佢啦😌今晚我終於都買到隻杯俾佢返工，我想佢返工都可以飲吓暖水，又或者買茶包沖茶飲，咁樣都可以慳返啲買嘢飲錢嘛！但個傻佬話我嘥錢囉…

啲人帶我買完759之後，我哋就一齊返咗屋企，有人服侍我食藥，我就幫啲人按摩，啲人仲同我玩添。。。最開心係響佢到走嘅時候，有人仲送我返屋企，雖然只係為咗拎飯盒，但我都覺得好幸福！不過今晚啲人有啲唔同，佢係咪冇咁鍾意我喇？定還是我做錯嘢？