三日假期完咗，今日要返工喇！不過今日返一點，可以瞓到十一點先起身∼

今日返工又係超忙，五點幾食完飯又一直做到收工！個人散晒，加上條頸好痛，痛到有啲想嘔😪😪

今晚收工啲人已經企咗響到等我。。。好耐都冇試過喇！平時多數我收工等埋佢架嘛。。。啲人病咗，咳得好緊要，但又唔聽話要食辛辣麵🙄🙄又唔知人擔心佢！其實每次佢病我都好擔心，因為佢又唔肯食藥同睇醫生，想佢抖吓更加冇可能😪😪我真係好想佢可以錫自己多一啲∼ 

又大一歲喇。。。今日都係好 hea咁過∼朝早醒咗之後，就煮定聽日飯盒俾啲人∼之後婆婆就同我去飲茶慶祝生日！

夜晚我就專登扮靚啲同啲人去食飯，因為我好期待今晚同啲人出去。。。本來我哋去食放題，但我嫌貴，最後我哋去咗食魚生飯！簡簡單單已經好滿足…加上唔食放題就可以多啲時間同啲人行吓嘛！

食完飯我哋行咗一陣就返去喇！啲人好攰∼我的確有啲唔開心，其實我唔需要好貴嘅禮物，好大扎嘅玫瑰花，甚至好貴嘅晚餐，我只係唯一好想同佢開開心心咁過一晚，可以笑住咁拍吓拖，唔使等…… 

 今日係放假第二日，尋晚攰到十一點幾瞓咗∼瞓到八點幾醒咗食藥，不過個人好攰好暈。。。食完藥再瞓過，瞓到十二點幾就醒咗！

聽日就係生日，我當然希望有啲人陪我，不過佢好忙，所以只可以夜晚帶我食飯∼啲人話帶我去食放題，但其實我食乜都冇所謂，只係想啲人響我身邊，食完飯行吓街，開開心心咁過一日。。。

今日係三日假期嘅開始，但朝早要返去開會，原本想唔返，不過一諗到要拎飯盒俾啲人，所以堅持返去~

開完會我就買埋餸返屋企，我攰到散晒。。。結果頂唔順瞓著咗∼醒咗就嗱嗱臨煮飯俾啲人，因為今晚爸爸帶我去食生日飯！

今晚食完飯就睇醫生，食咗藥我越嚟越攰，等啲人返嚟，我叫佢響樓梯口食飯，不過啲人話唔想食，其實我有啲無奈。。。

今日返工返十點，朝早帶埋個飯盒俾啲人，然後一齊返工。。。不過今日真係好攰，因為返朝十晚十😣除咗一點食飯嗰一個鐘可以抖吓，其他時間都冇停過∼一直做到十點！

今晚收工就去揾啲人，其實我已經又餓又暈。。。加上今日返工有好唔開心，所以心情有啲差∼企咗響到等佢嗰半個鐘，其實我有啲憫，直到見到佢先好啲，我好想好想嗲佢！

今晚食完嘢就返去，我依然好暈好暈，同埋隻左手俾同事用度門夾到，已經瘀晒，加上勉強幫客按摩後就更加痛😞😞