今日都係返工，終於可以瞓得好啲，瞓到鬧鐘響先醒。。。

返到公司已經有嘢做，食完飯返去就要做客。。。今日接咗三個 hand treatment ，敷手蠟嘅時候，因為啲蠟太熱，唯有頂硬上，結果做到第三個時，我兩隻手已經又紅又腫，超痛😭幸好清潔姐姐有燙火膏，仲幫我搽添咋！

今晚準時收工，我whatsapp 啲人，但啲人原來未收工。。。我就等埋佢！我哋食完飯行咗陣就返屋企喇。。。啲人話聽晚接我收工，仲話幫我交收添😆好想快啲到聽晚二人世界，希望可以開開心心啦！ 

今日返12-9。。。可以瞓晏少少，但都係好早醒咗~醒咗見唔到啲人嘅 whatsapp，有少少失望！

今日好早就食晏，因為四點又要返寫字樓開會，六點又有個 training ，七點幾又有個客，一做就做到收工。。。仲要遲咗收工😥好攰呀！

收工之後就等埋啲人一齊食飯，食完飯就去買埋早餐就搭車返去，返到嚟啲人扭計要我幫佢按摩，按完之後就返屋企，其實好想啲人可以陪吓我傾計同開心咁行街！ 

今日係放假日，朝早8點幾又自動醒咗，食咗個生果同藥之後又再瞓過。。。瞓到十二點幾起咗身，本來想再繼續瞓，但最後都堅持起身，因為要出去買嘢煮俾啲人食！

返嚟煮完飯我就繼續響屋企 hea。。。啲人今晚又係好夜先收工，我就等埋佢返嚟，我哋只係見咗一陣就返去喇！我好想同啲人一齊放假呀。。。 

 今日都係返早，暫時最後一日可以同啲人一齊返工，因為下個月開始，我基本上都係返12-9😞唔捨得同唔到啲人一齊返工！

今日響公司都好忙，上晝除咗開會之外，仲要響到温書。。。幸好啲人食飯打過俾我咋！食完飯就返去繼續幫人做機同按摩，一搞就搞到收工！超攰呀😴

收工之後我就去咗靚仔醫生到覆診，因為仲有氣速，佢話食完5日抗生素都仲未好晒，就要返去聞氣😥兼且仲話依我嘅情況嚟睇，應該都有3-4成機會要聞氣！

今晚啲人好夜先收工，我響佢樓下企到十點幾，其實我已經又餓又攰，仲有啲暈暈哋。。。我望住買俾佢嗰份早餐，我好想食咗去，因為真係好餓，不過一諗到佢見到應該會好開心，我就唔捨得食忍住等佢！今晚我哋食完嘢就搭車返去。。。仲有17日啲人就要去韓國喇😖我已經開始好唔捨得！

今日返早。。。我發現每逢之後嗰日要返工，我都會一早扎醒😥兼且雙手同個口都會好攰，因為我又係握實個拳頭同咬實個牙骹瞓，我知我又好大壓力，所以先咁樣… 好想揾個方法減吓壓😖

今日返工好忙，好快就到食飯！而下晝又 train 咗半日~ train 完去埋個廁所都已經收工喇~收工已經散晒，嗱嗱臨趕返去煮飯俾啲人！不過今晚啲人好夜先返，我好掛住佢。。。啲人今晚買咗牛角包俾我聽日做早餐，好sweet呀！但我哋只係見咗一陣就要走喇。。。希望聽晚可以見耐啲啦！