尋日同啲人過咗一個超飽嘅佢嘅生日後，今日又要返工喇∼不過今日返工真係好唔開心，除咗因為俾佢哋班祈福黨祈咗我＄230外，仲因為。。。但唔緊要啦，我撐得住架！

今晚啲人收早咗，企咗響我樓下等我，一放工就見到佢真係好😍因為我真係好掛住佢！啲人今晚請我食飯，食完仲帶我行咗陣先搭車返去，其實有啲人響身邊我覺得實在好多架！加上聽完佢今晚所講嘅嘢後，我更加想快啲同佢有自己嘅家…

 今日係放假日，亦係啲人嘅生日，本來諗住可以瞓晏啲，但最後好早俾阿嬸嘈醒咗😫點解又係咁架？

晏晝同婆婆去飲茶，之後就買嘢返去煮飯俾啲人！雖然好攰，但都要煮俾啲人嘛😘煮好晒我就嗱嗱臨沖涼化妝出街。。。因為我要預備個驚喜俾啲人嘛！

今晚我預備咗一份我知啲人好鍾意嘅禮物俾啲人！呢部機係之前啲人話好鍾意架。。。我一直都冇出聲，只係認住部機個樣，希望等到生日先俾個驚喜佢，其實我預咗佢會話我，但幸好佢係開心咁話我😘

我哋去咗 the sky bar 食飯，不過嗰到啲嘢似啱我多過啱佢，我有啲內疚架！話晒係佢生日嘛。。。冇理由我食得仲開心過佢😞食完嘢啲人同我行咗陣，啲人買咗部 hifi 俾我聽 c allstar 😍我好鍾意呀∼雖然同理想中嗰部唔同，但呢部我都勁鍾意，因為真係好靚，最緊要係平啲嘛！買完嘢我哋就返去喇。。。

低能仔，生日快樂呀😘

今日要上堂返十點鐘，我就等埋啲人一齊返工。。。上完堂就嗱嗱臨趕返去開工，結果三點先有飯食，食完飯個頭已經開始痛，食咗藥都冇用，唯有撐住去執貨同接客😪結果做完最後個客就嗱嗱臨收工走人…

今晚啲人早咗收工，我哋一齊去食飯，不過因為我太頭痛，所以我冇食過嘢！我哋今晚食完嘢行咗陣就走…今晚我講咗俾佢知我嘅感覺，我覺得佢冇咁愛我，可能係因為時間耐咗，開始覺得厭同淡咗。。。但其實呢一切我都係一樣😔

返到嚟佢陪我行咗陣，我哋行咗去我哋以前成日坐嗰到，已經好多年冇嚟過，嗰一刻我諗番起我第一次攬住佢喊得好厲害嘅時候，當時佢同我講（只要妳一日仲係低能妹，我依然都係低能仔）諗番起我就好自然喊咗出嚟，因為我真係唔知自己仲係咪屬於佢嘅低能妹喇。。。 

今日係呢個月最後一個星期日放假，原本以為可以同啲人去玩，不過最後啲人唔得閒，所以依然係孤獨假期😞

今朝8點幾就起咗身，又係瞓唔番😥我知道係自己壓力太大，但我一直都冇出聲，因為我知道講咗都冇乜用~不過每日都扮到冇乜嘢，夜晚又瞓唔好，結果搞到每日都冇精神個人好攰，返工幫人日按夜按，按到個人更加攰😪

今日同爸爸食完早餐就去買餸，家姐同我去759行，結果又買咗好多嘢食，我又變番嗰個當日響 im嘅我，壓力大到不停買零食減壓喇🙄返到屋企就煮定啲人嘅飯盒，然後就 On 居居響屋企唔知做乜，夜晚就返阿麻到食飯，好耐都冇陪過阿麻，阿麻今晚特別開心咁！

好唔容易先等到8點幾，諗住就快見到啲人，所以好開心。。。不過啲人最後都要遲返，我哋成十一點先見到！今晚一見到佢我就攬實佢，我好想好想攬住唔放，因為嗰一刻我先覺得實在~呢啲日子仲要捱幾耐？我幾時先可以有自己嘅家？

 話咁快又到星期六喇。。。今朝其實早咗少少起身，因為啲人話要拎番個餐盒俾我，但依然有啲趕，始終趕住化妝返工！不過有人送我返工，其實我係開心嘅。。。

今日超忙，返到去食完早餐就即刻開工，點幾食完飯之後，就一直冇停過，工接工咁做到收工💤收工之後就見到啲人響樓下等我，但我真係好攰，而且頭痛到爆。。。我哋食完嘢就行一陣先返去！

其實一直以嚟我都知道佢愛我，但唔知係咪因為佢啲情緒比較飄忽，我覺得我哋之間嘅距離越嚟越遠，我好難感覺到佢諗乜，雖然我哋每晚都見，但真正傾計真係冇，所以我都唔知可以點！