今日都係返工。。。一早買定早餐等啲人，然後就同啲人一齊返工∼

今日成兩點半先食飯，之後4點半又要返到寫字樓，所以我唔食飯住，出到銅鑼灣先食，加上我要幫啲人買嘢，所以襯嗰段時間搞掂晒先，咁收工嘅時候就可以直接揾靚仔醫生！

今日五點半就收工，我見條頸後面腫咗一舊嘢，而且又發燒，我就去睇醫生，醫生話係淋巴發炎😖睇完醫生就搭車返去買小小嘢煮俾啲人食！今晚啲人9點幾先返到，我拎埋嘢就過佢到！

有人今晚講咗啲嘢好啱，其實我一直都知自己過份緊張佢同愛佢，會令佢有好大壓力。。。或者我係時候要令自己都放鬆一啲，甚至愛佢小一啲！咁樣可能會令大家都好過一啲~ 

倒數。。。

今朝都係返荃灣，我依然買定早餐等啲人，計埋今日得番三日可以同啲人一齊返工😞😞我好唔捨得喇！今日成日個頭同頸椎都好痛，好唔舒服…收工之後就嗱嗱臨返屋企煮飯俾啲人！啲人今晚好夜先返到😞我哋只係睇咗一陣電視就返屋企喇！ 

 今朝一直以為係最後一日同啲人一齊返工，所以我一直都好唔捨得，冇乜出聲，我好想對住啲人耐啲！好想同啲人永遠都一齊。。。。

返到公司一直都好忙，朝早開會開咗成三個鐘，下晝又考試，個人超攰。。。臨收工前公司就通知我，暫時繼續返番荃灣，我超開心呀！因為又可以同啲人一齊拖住手返工，雖然只係得番幾日，但我都好珍惜~

收工之後就去揾 Tiff Tiff 佢哋食飯，我已經有半年冇見過佢哋，今晚其實都好開心，但個心好掛住啲人，因為唔知啲人收工未？好掛住佢。。。其實呢排我多咗自己出去，係有原因架！我好想知我哋少見啲會唔會令我同佢都會開心啲？會多啲嘢講番同少啲黑面？想同佢一生一世就要諗方法磨合，等大家都會掛住大家多一啲，唔知佢有冇掛住我多咗呢？

今晚十點幾就返到去，啲人叫咗我上佢到，今晚我哋睇咗一陣電視就返屋企喇！好想攬住佢瞓。。。

經過兩日嚟嘅眼淚同嘆氣，今日終於都返工喇。。。今朝依舊買定早餐等啲人，同啲人一齊返工！

今日返工好攰。。。好難先捱到收工！收工後就趕返去買餸，因為要煮定三餐，所以要買嘅都多啲，加上尋日又打風根本買唔到。。。又重又攰😞搞掂晒啲嘢就過咗啲人到，我哋睇咗陣電視同食咗薯片就返屋企喇！

呢兩日除咗眼淚同嘆氣，

好似就冇其他。。。

點解會搞成咁？

點解會已經變得唔再一樣？

點解會越嚟越遠？

已經唔想再繼續咁落去…

已經唔想再繼續寫落去…