今日星期四喇😍返埋聽日可以一連放三日假，又可以痴住啲人，真係開心呀！今日返工上晝好忙，但下晝嘅時候可以瞓吓，加上啲人又打俾我，我就可以精神一陣，不過收工都係散晒，因為做機做到好頭痛呀！

收工返到嚟就去咗睇阿麻，阿麻又煲咗魚湯俾我，最鍾意飲阿麻煲嘅湯😋返到屋企我就趕住煮嘢俾啲人今晚同聽日，雖然啲人成十點先返，但佢明明攰都依然對我好温柔，兼且仲應承我中秋同我一齊同屋企人做節~呢樣係我最開心嘅事，因為人月兩團圓嘅日子，我都好想佢響我身邊嘛。。。低能仔，多謝你今晚為所做嘅一切！愛你~ 

呢兩朝家姐都要早起身返工，佢早起身搞到我都跟埋佢一齊起身，因為佢整嘢嘅時候太嘈，連我都嘈醒埋😩呢兩日都勁攰。。。

今日返工原本下晝先做model ，但我真係太攰，所以我同同事對調，瞓咗一陣都仲係好攰，幸好啲人食飯打俾我，等我可以叉叉電！

晏晝返到公司，我開始好忙，一忙就忙咗一個下晝，我決定一次過考晒四部機，因為今個星期仲有一部機要考，我想今晚可以同啲人去街去得開心啲，所以我豁出去死就死，結果出嚟嘅成績都好好😆

收工之後，我就去揾啲人尋晚 tag 我嗰個芋頭酥，只要係佢鍾意我都會揾俾佢，可惜間嘢冇開門。。。我之後就返旺角等啲人接我！啲人8點幾就出嚟接我，我哋去咗食101，好耐都冇食喇！食完嘢我哋就去行咗一陣先返去~響車嘅時候，我攰到瞓著咗，我隱約感覺到啲人一手將我攬過佢身邊俾我瞓，好 man呀😍

好期待星期六可以二人世界同攬住佢瞓。。。 

今日先星期二。。。睜開眼之後覺得好失落，因為好想快啲放假癡住啲人！最後都係死死氣爬返工😩

今日上晝學機。。。聽住啲理論好似催眠曲咁，睡魔不停呼換我🙈🙈幸好上晝有兩個半鐘可以瞓吓，下晝先真正開工，不過時間超難過😩

今晚收工都係返去煮飯，啲人話今晚唔係太肚餓，但我又怕佢夜啲會餓，所以都整埋飯盒俾佢，啲人話我想佢肥囉！其實佢肥定瘦對我嚟講都冇所謂，最緊要係佢健健康康就得，最多以後夜晚未必煮飯轉食蕃薯加埋餸，我都唔想佢乜都唔食！

呢幾晚啲人都好 Sweet ，Feel到我成身都熱就主動睇吓我係咪發燒，同埋。。。但我真係擔心佢會太攰，我唔捨得佢辛苦！因為我好在乎佢∼ 

今日要返工喇。。。不過醒咗之後，心情特別好∼而且今日返工，特別掛住啲人，不停諗翻起尋晚，我覺得好開心，開心嘅感覺真係可以好簡單！

今日返工都好忙，一直忙到收工，收工之後就響荃灣買埋餸先返去！今晚又冇冇飯食，爸爸買飯盒返嚟，我食完飯就嗱嗱臨煮飯俾啲人返嚟同聽日午餐…

今晚個傻佬9點就返到，我帶埋啲嘢就過佢到，今晚依然過得好開心同sweet ，我發現我愛佢又多咗一啲，或者係因為多咗安全感！同時我更加知道我離唔開佢，好想成晚都攬住呢個人瞓，好想以後身邊都只有佢陪住我！ 

今日係星期日，又係最後一日嘅假期喇😞今朝醒咗就即刻睇電話有冇每日一篇，但最後都係冇。。。

今朝爸爸家姐同我帶阿豬搭的士出去，因為隻衰豬又啲骨痛，行路嘅時候有一隻手落唔到地，我諗佢應該好痛。。。其實我好心痛，因為佢由細到大身体都好差，細個嘅時候可以生存到，真係已經好好，或者因為咁我哋成家都特別錫佢，特別爸爸，爸爸有乜嘢好嘢食都會預埋佢（其實爸爸以前好憎狗，唯獨肥豬佢先咁錫）

放低咗阿豬之後，我哋食完嘢，我就趕去買嘢返去煮飯，然後先再接阿豬！今日我特別忙同攰，因為完全冇抖過，攰過返工😅😅我要響跌低嘅地方企返起身，啲人之前話金菇，雞扒同卡邦尼都唔好味，所以我今日要特別整呢三樣，希望可以塞住啲人把口😂😂

啲人今日自由活動，佢自己出咗去影相，我唔知佢會幾點返，所以本來諗住煮定夜晚等佢，而我就返阿麻到，點知個傻佬早返嚟，仲嗲我同佢響屋企撐枱腳。。。好冧呀！我梗係同佢撐枱腳啦~今晚我哋特別開心，好耐都冇試過咁癲，原來呢種感覺好實在好舒服，但只要嗰個係佢，我就好開心架喇！

低能仔，我都想煮一世飯俾你食，做你眼中嘅一個入得廚房出得廳堂嘅老婆！其實由尋晚到晏晝，當你唔係點彩我嘅時候，我唔開心架！特別係尋晚你好冷淡咁對我😞