今日都係要返工，起身嘅時候依然好攰，左邊膊頭痛得好緊要。。。返到公司已經有嘢做，做到點半先食飯，不過啲人已經食咗飯喇。。。聽唔到佢把聲好唔習慣同更掛住佢！

下晝時間過得好快，因為我瞓咗響到做 model 俾同事練習，我做做吓都瞓著咗💤不過一到按摩我就痛醒咗，因為左邊痛得好緊要，其實尋日左手已經係咁震，一舉高隻手同用力都已經好痛~結果 Miss 即刻過嚟幫我睇，佢話我膊頭腫咗，有機會係拉傷咗，仲話假如呢兩日搽咗嘢貼咗啲膏布都唔得，就應該要睇醫生。。。

今晚啲人出旺角同我去拍拖，其實呢幾日我哋都過得好 sweet ，本身啲人話帶我韓燒，不過我嫌貴，所以我要佢請我食美心，美心啲海南雞飯都好好味吖😍因為有佢答住陪我食嘛！食完飯同啲人行街，啲人知我返工做客要有錶，佢就買咗隻好貴，我又想買好耐嘅牌子嘅錶俾我，呢隻錶係佢第一隻送俾我嘅錶，我真係好鍾意。。。以後做客都可以有佢陪住我喇！低能仔，我好愛你😘😘😘唔係因為你買嘢俾我，而係因為你真係對我唔同咗∼

雖然今晚只係行咗一陣就返去，但唔緊要啦。。。仲有兩日就放假，我又可以見佢耐啲喇！

今日依然都係返工，起身嘅時候真係超攰，周身都好似散晒咁，返到公司又係超忙。。。今日點幾先食飯，幸好食飯嘅時候啲人同我傾咗一陣咋。。。我先有力捱埋個下半晝！低能仔，你是最好的😘😘

收工又嗱嗱臨趕返去買嘢煮飯，我唔知啲人原來聽日唔使返寫字樓，所以我煮咗兩個飯盒。。。啲人今晚成十點幾先返到，掛死我喇！呢兩日我都對佢唔同咗，因為嗰晚嘅每日一篇，同埋我都想唔咁癡身，可以獨立啲，就算佢之後去咗韓國，我起碼都可以無咁辛苦，雖然仲未知佢係咪唔去！

今晚雖然好攰，但我都有幫佢按摩埋，因為我真係唔捨得見到佢攰，我寧願我攰都唔想佢辛苦！

聽晚啲人可以收早，話帶我去街同 gogogo 。。。我好想快啲到聽晚，咁就可以見佢耐啲喇！ 

 尋晚啲人終於都有每日一篇喇😍雖然佢send 俾我嘅時候，我已經瞓著咗，但今朝一醒咗就見到，我覺得有一陣温暖嘅感覺，兼且仲令我知佢諗緊啲乜，每日一篇其實真係幫咗我哋好多，就好似小妹當日為咗令大大知佢諗乜，而畫嘅畫一樣，所以有好多時我寧願將自己嘅感覺寫出嚟，都唔會當面講俾佢知，係因為我唔想我哋之間有任何沖突，但又可以令佢知我諗乜∼

今日返工完全唔係狀態，個人好攰，個頭又痛咗成日。。。今日我同啲人一樣帶飯，其實有少少唔習慣，因為太多同事一齊食飯，我鍾意自己一個食孤獨飯多啲，最起碼嗰段時間係真正屬於我嘅私人時間，而且當低能仔打俾我時，我唔使俾人偷聽我講乜先。。。我諗我要慢慢習慣先得！

收工之後我嗱嗱臨返去買餸同外賣，因為唔夠飯嘅關係，我只係整咗聽日午餐俾佢，而晚餐就食外賣。。。啲人今晚好夜返，陰公豬∼一定好攰喇！見啲人咁可憐，我今晚除咗服侍佢食飯之外，我仲幫佢按埋摩同嗲咗佢一陣！我陣係想每一晚都可以咁。。。可以攬實佢唔放！

有人應承我星期三帶我去街，好期待呀😆😆

 尋晚有人應承我每日一篇，我響到等佢等到最終瞓著咗覺。。。自從冇咗每日一篇之後，除咗覺得好失望之外，仲令我小咗一樣了解佢諗乜嘅方法，因為我覺得越難越知佢諗乜喇！

今朝醒咗就同爸爸去飲茶同買餸，因為啲人應承上嚟陪爸爸食飯，所以爸爸買咗好多餸今晚煮俾佢！臨返屋企前，我響百佳付近見到佢，我冇理啲嘢有幾重，我好開心咁跑去揾佢，不過我跑得太慢，佢已經入咗去喇。。。我即刻打電話俾佢，想話佢知我好開心見到佢！只可惜…

返到屋企抖咗陣，我就過咗佢到，但由我見到佢直到返屋企嗰一刻，佢對住我都係縐住眉頭同無講過嘢😞我真係覺得好辛苦，我知一切都已經返唔到轉頭喇！

見完佢之後，我依然有整佢聽日嘅飯盒，同佢最鍾意食嘅餸俾佢今晚，為咗佢今晚上嚟，除咗爸爸親自下廚之外，我仲買定佢最愛嘅布甸同茶俾佢，我好想好好維繫番我哋之間嘅關係，我知再咁落去，我哋最後只會分開。。。只不過最後佢都冇上過嚟食飯，我忍唔住流咗眼淚出嚟，因為我真係唔知佢想點？我只知我唔知由幾時開始我咁黑佢憎？

夜晚我拎埋啲嘢過佢到，不過我唔知應該點面對佢？我唔知佢究竟會唔會又黑面？會唔會又縐住眉頭呢？會唔會又唔再講嘢呢？甚至又會唔會話我呢？原來咁樣真係令人精神好緊張。。。今晚陪佢食飯，睇咗陣電視同幫佢敷埋個 mask，我就走喇。。。低能仔，多謝你今晚嘅蛋糕，好好味真係好好味！

原來除咗煮飯之外，我已經唔知自己仲有乜存在意義？

今日放假喇。。。但9點幾就起身去抽血∼而啲人就響屋企繼續瞓，抽完血我買埋早餐返屋企，因為醫生要我抽咗血一定要食嘢！不過佢抽血真係抽得麻麻哋，因為我今日成隻手都好痛😪

啲人今日成十二點先起身，我哋本來約咗兩點出街，但佢話塊面唔知做乜？所以我上咗去睇完就幫佢做咗個 facial 。。。之後我哋就去咗旺角 gogogo ∼

今日gogogo又玩咗好多錢喇！我開始覺得gogogo同賭錢冇乜分別，會令人沉迷落去，只要你贏過一次之後，你就會覺得贏係必然，然後就會越拎越多錢出嚟，最後可能係俾你拎到你想要嘅嘢，但付出嘅總俾得到嘅更多，睇嚟我哋真係要節制一吓喇！加上我唔想每次出街都陣去gogogo，我好想可以平平淡淡咁行吓街，食吓嘢，拍吓拖。。。

今晚玩完之後，我哋又唔係幾開心。。。又係為咗佢要去韓國😞😞結果我大喊咗出嚟~唉！有啲嘢我係驚就真係驚…冇安全感就真係冇安全感…我好想唔好咁，但我真係做唔到。。。我成日都會覺得，佢去咗之後我就會冇咗佢😭我好想佢明白我嗰種感覺，但我知道佢唔會明白！嗰一刻佢話帶我買隻求婚介子，但我冇去到。。。因為我好想佢係自願咁娶我，想佢係覺得唔可以再失去我先同我結婚，而唔係我迫佢。

之後我哋返咗香港仔，去食嘢之前我去買藥俾佢，啲人傷風得好緊要。。。食完嘢我俾藥佢食之後，我睇佢係咪真係吞咗（只因為狼來了）佢突然好忟咁話我，我有啲唔知點，我又冇出聲喇！本來諗住等大家都唔好 keep住啲唔好嘅情緒，我叫佢自己去拎鎖匙，而我就返屋企先，不過佢唔俾，最後我哋一齊去咗佢婆婆到。。。其實跟佢過去嗰一刻，我真係好驚，好驚大家又會唔開心架！