今日係最後一日假期，聽日又要返工喇。。。而啲人今日都係返會展，我本來都諗住同家姐去，不過我怕去完趕唔切返嚟買餸，最後都係冇去到！我好想見到佢…

其實呢段日子我覺得好寂寞，好想身邊嘅佢會主動關心我，會同我傾吓計。。。不過見親面就算我幾開心都好，佢都冇乜嘢同我講😞甚至有時會。。。久而久之我都唔知自己可以做啲乜！

今日我其實好唔開心，當佢打俾我嘅時候，我冇咗之前好興奮嘅感覺，或者因為呢幾日每當我想揾佢時，我發現佢都 online 緊，但就冇揾過我，我個心就有啲唔舒服∼又或者打俾我就提我煮飯俾佢，而又冇其他嘢想同我分享，我就更唔知點…我明白呢啲可能係穩定咗，我唔應該亂諗嘢，只不過曾幾何時當佢得閒嘅時候，佢第一個諗起嘅就會係我。

今晚我哋好唔開心，我喊佢亦都喊。。。大家講咗好多感覺出嚟，佢覺得我變咗，甚至覺得個心好攰∼而我又何嘗唔係咁諗？當我聽到佢話個心覺得攰，我就諗我一直以嚟嘅堅持到底有冇錯？我留住佢又有冇錯呢？

你話買小丸子俾我，係想小丸子可以陪住我，但你又知唔知我最想可以陪住我嘅依然係你。。。 

 今日放假喇。。。尋晚不知不覺咁瞓著咗，但今朝起身之後，依然覺得好攰，周身都好熱同無力∼

啲人今日要返工，除咗晏晝打咗個電話俾我之外，就冇乜點揾過我喇😞而我今晚又要去阿妹到打邊爐，所以我下晝就整定啲人嘅晚餐先出去。。。

今晚食完飯就趕返嚟，我整好晒啲嘢就過佢到，我哋冇乜嘢講過，我陣係服侍佢食埋飯同按埋摩，我就返屋企喇。。。其實我好想攬住佢同佢一齊放假😣

 終於都到星期五喇。。。返埋今日可以放兩日假，不過啲人要返工，呢兩日假只可以一個人渡過∼

今日都係好忙，忙到兩點先食飯。。。食飯嘅時候啲人打過俾我，每次啲人打俾我，都可以令我叉叉電😌😌啲人對我真係好重有∼

今晚收工我落銅鑼灣接佢，接佢之前我去咗GU 買咗件衫俾佢，我好想佢會覺得開心，亦好想佢會覺得苦中一點甜，我知佢返工都有壓力，只係唔講我知，我希望做小小嘢會令佢知凡事都有我響佢身邊！

今晚啲人八點半先收工，我哋食完嘢行咗陣就返去，我知佢都攰同熱，但佢都肯陪我去行。。。其實佢肯陪我行，我真係覺得好滿足，我好想同佢一齊放假癡實佢！

今朝好擔心啲人，因為我8點幾揾佢，佢都，冇覆過我。。。我真係驚佢會有事∼到咗成9點終於都揾到佢，安心晒！始終都係佢比任何嘢都重要！

今日都係好忙，點幾先有飯食，我已經攰到死~晏晝返到去一直忙到收工，成個人散晒😴收工之後又行錯路去地鐵站，結果行咗好多路，不過行到上次我同佢掃街嗰到，我真係好掛住佢。。。

返到去我就嗱嗱臨去買餸，呢兩日都有煮飯俾啲人，雖然係攰啲，但每晚可以煮飯俾佢，其實我已經覺得係幫自己減壓。。。坦白講依家返工話冇壓力就假，我又去番每晚渣實個拳頭同個口咬到好實咁瞓…我唯有揾方法幫自己可以放鬆啲啦！

今晚啲人收工就返咗，我拎埋啲飯就過佢到，有人買咗企鵝咕𠱸俾我，仲餵我食布甸同睇電視😍我今晚真係好開心。。。好想快啲到聽晚，因為啲人帶我去街街❤ 

 今日依然都係要返工，好攰。。。返到去就已經開始做嘢，加上食咗藥就攰上加攰~不過食飯嘅時候同啲人傾咗一陣電話就冇哂嘢喇！

收工之後知道啲人話收7點幾，我好開心。。。因為以為可以接啲人收工，但佢叫我返去先，其實都有啲唔開心~返到嚟我就預備今晚同聽日lunch 俾佢，不過佢好夜先返😞😞我就等到十點幾先見到佢。。。但我已經好攰😴😴服侍完佢食飯，睇咗一陣電視就要走喇😣😣