jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34548 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 35
累積人氣： 34548
RSS Feed
2017 年 6 月 10 日  星期六   晴天
加勒比海盜
今日啲人都係要返工，而我又係一早醒咗，個傻佬返工前打俾我😍好鍾意咁樣�H佢！

下晝我就落大街買嘢幫四嬸整嘢食，我又抖唔到氣，而且個心臟位都係好痛，咁啱啲人打俾我，我唔捨得佢擔心，我又係乜都冇講。。。

今晚啲人收工就返嚟帶我睇戲，我為咗慳錢，就響屋企拎咗啲響日本買�H零食落去，有薯片、朱古力、薯條同百力支。。。咁就可以慳番啲買嘢食錢！啲人同我食完晚餐，我哋就去睇戲喇∼開頭啲人驚我唔鍾意睇，但我想講其實唔係陣係陪我睇我鍾意睇�H戲，我都想同你睇你鍾意�H戲架∼

套加勒比海盜其實都好好睇，我好鍾意尊尼特普，好靚仔呀！而且做戲做得好好、好可愛。。。但啲人睇得唔係好開心，因為後面有個女仔係咪都響到大聲笑，搞到啲人投入唔到睇戲。。。不過個傻佬冇因為咁黑面（有進步👍叻豬）反而攬得我更實，得閒無事錫吓我😍而且當我睇到有啲位覺得驚�H時候，佢都主動捉實我，好冧。。。

睇完戲佢就拖實我行返屋企，有人細心到見咁夜，就送埋我返屋企。。。好感動呀😭😭如果以後都係咁就好喇！ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 9 日  星期五   晴天
總算
今日啲人返工喇。。。而我終於都好啲，尋晚三點幾就瞓著咗，今日瞓到十二點幾先起身，醒咗又可以見到啲人 whatsapp 我，真係好！

今日本來同媽咪去食嘢，不過媽咪見我個頭好熱，就叫我留響屋企唔好出去，佢買嘢返嚟俾我食∼下晝啲人打俾我，佢話下星期帶我去小丸子😍好開心呀！

今日終於都的起心肝執我個玻璃櫃，我將啲人呢兩年響日本夾俾我�H公仔、扭蛋同買俾我�H嘢都放晒落去，鬆弛熊真係多到擺唔晒，但最開心係可以有一格擺蛋黃哥同小丸子，雖然只得好小，但我都已經好開心！唔知我哋將來個屋企，又可唔可以放個玻璃櫃擺我哋啲公仔呢？

今晚我陣係煮咗雞扒麵俾啲人，我怕佢唔夠飽，所以響7仔買咗啲魚蛋、燒賣同腸仔俾佢！今晚雖然唔係見咗好耐，但我哋都過得開心∼有人拎番部遊戲機俾我返屋企玩，不過我玩咗一陣就冇玩喇！原來冇佢陪我玩，我覺得一啲都唔好玩。。。 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 8 日  星期四   晴天
撐唔住
尋晚又冇瞓過。。。又係今朝早先瞓，幾日都係咁，我就快癡線喇！

今日係啲人一連四日假�H最後一日，今朝啲人9點幾揾過我，我睇完個 whatsapp就瞓番。。。直到十二點幾！

今日我哋響海怡食咗嘢先，因為我唔想啲人捱餓。。。所以諗住食咗嘢，等佢可以開心啲！食嘢�H時候，我一直揾話題，因為尋日啲人話我靜，我唔想啲人覺得我唔出聲，我就睇到啲咩得意嘢，就俾佢一齊睇。。。點知∼其實我真係覺得好大壓力，甚至開始覺得自己有啲抑鬱，我唔知可以點算？！我亦冇諗過會咁坦白同佢講“我唔知點樣同你相處”😞

出到旺角有人同我去咗朗豪坊，本來陣係諗住食薰衣草雪膠，點知仲去咗豪玩夾公仔😥雖然最後帶咗我好鍾意嗰隻蛋黃哥返屋企，但就用咗好多錢。。。

去完朗豪坊，我哋就拎埋團購啲嘢，就返咗海怡食嘢，我幫隻蛋黃哥改咗個名叫安仔，食完嘢我哋就帶埋安仔行咗陣就各自返屋企！

返到屋企家姐、媽咪又嘈唔停，家姐仲要發皮氣拎嘢掟到我。。。嗰一刻我辛苦到喊咗出嚟，點解響屋企又係咁，同啲人出去都係咁😖我就快撐唔住喇！ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 7 日  星期三   晴天
C allstar
尋晚成晚都冇瞓過，抖氣有啲辛苦，兼且左邊耳仔好痛，成個人都好熱。。。今朝食咗啲藥，9點幾先瞓著咗∼十二點幾就聽到啲人 whatsapp揾我，我冇話俾啲人聽我冇瞓過，陣係攬住小丸子自拍咗張相嗲啲人，要啲人叫醒小丸子😍啲人就打電話俾我！

有人今日帶我去香港仔食下午茶，去咗尋晚啲人本來話食放題嗰間，我見下午茶唔係太貴，就應承去嗰到食∼不過因為呢排抖氣好辛苦，所以吞嘢有啲辛苦。。。

食完嘢啲人帶我去買今年�H最後一份禮物 “c allstar 演唱會”，仲要係最貴嗰張。。。啲人話可惜唔係最前，其實我可以同佢一齊睇c allstar 我已經好滿足，最前嗰幾行要貴成＄1000，我真係唔捨得，不過我真係好多謝你送我一份咁好�H禮物！

今晚我煮飯俾啲人食，我好想氹佢開心，所以就整咗個蛋黃哥飯盒俾佢。。。仲煲咗咸蛋娃娃菜粉絲雲吞湯、泰式雞翼同雞扒俾啲人∼啲人幫蛋黃哥影咗張相，仲應承我放上網添！因為佢好耐冇咁氹我。。。

今晚我響佢到喊得好勁，因為我唔小心打到佢啲唔應該打到�H部位，佢好大聲喝咗我一聲。。。我喊到收唔到聲，唔係因為佢喝我，而係我好驚佢會好痛，我係驚先喊得咁勁😞 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 6 日  星期二   晴天
陪著“我”走
今日係啲人放假�H第二日，佢朝早就去咗同奶媽飲茶，下晝就去咗交收，而我就自己一個響屋企。。。

今晚有人約我7點響香港仔等，臨出去之前佢都有打過俾我，不過。。。出到去有人帶咗我去冒險樂園玩，我一直都陣係捉佢夾公仔，唔係因為我好鍾意啲公仔，而係夾公仔可以令佢好似放鬆啲，兼且我哋最開心�H時候，係響台北、日本夾公仔�H時候∼我想佢可以諗番我哋開心�H嘢。。。假如我真係夾到妳係咪會嫁俾我先？

本來有人話帶我食放題，我唔捨得食咁貴，所以去咗食車仔麵∼車仔麵都係我最愛！食完嘢啲人去拎埋淘寶，我哋就返屋企∼但又發生咗啲唔開心�H事😞最後我喊住走咗。。。

返到屋企同佢 whatsapp 傾咗一陣，其實我打定輸數大家最終會選擇分開！今晚我一直聽住“陪著你走”，一路諗番我哋之間�H嘢。。。佢響時代同我避雨時錫我，落住大雨拖我去揾的士！當初響屋企我喊住同佢講，不如我應承同那些年結婚，因為我愛�H人愛�H唔係我，而佢嗰一刻答我佢愛�H係我，直到依家�H一切，我忍唔住喊咗出嚟。。。

如果 走到這世界邊端
我倆已是無力前行

跟我一起飛去 


分類: 我們的生活點滴
 [ 訪客留言(0) ] [ 編輯日誌 ]


« | 100 | 101 | 102 | 103 | 104 | 105 | 106 | 107 | 108 | 109 | ... | 384 | »