jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34230 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 23
累積人氣： 34230
RSS Feed
2017 年 6 月 20 日  星期二   晴天
我們的49個月
今日係我們的49個月∼啲人要返工，而我就自己響屋企。。。

個胃依然係好唔舒服。。。今朝五點痛醒咗，起身食咗次藥，但都成9點幾先瞓得番😞

啲人下晝打過電話俾我，有人驚我冇嘢食，但媽咪已經去買外賣俾我。。。食完嘢就食多次藥之後，我就去買餸煮俾啲人食∼今晚煮我�H失敗之作“卡邦尼意粉”。。。雖然係好唔舒服，但我好俾心機煮呢一餐架！話晒係我們的49個月嘛。。。

啲人終於都見成咗寫字樓份工，28号就返工喇！以後佢只係返星期一至五，逢六、日都放假，其實我有啲唔知點咁，以後我哋可以一齊放假�H機會越嚟越少。。。我好驚會 keep 唔到😣亦因為咁我先好想有啲嘢可以定落嚟，要面對一個新開始，我真係好驚。。。因為我唔可以冇咗佢！ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 19 日  星期一   晴天
提早的49個月
尋晚瞓得好差。。。來來回回起身去食胃藥😴不過都係止唔到痛！最終今朝攰到瞓到兩點先起身∼

今日啲人應承帶我去街，提早慶祝我們的49個月，我梗係扮靚啲見啲人啦。。。本來啲人好想帶我去食千層蛋糕，但嗰到啲人冇覆仲有冇，不過唔緊要啦！其實有佢陪住我已經足夠∼加上我今日食乜都痛，如果去食�H話，真係掃佢慶😞

我哋去咗深水埗行咗陣，起初都好哋哋，但唔知點解食完嘢開始佢又變番唔講嘢？！其實我真係唔知點適應。。。我覺得距離真係好遠，遠到我有啲覺得好似自己出街咁，點解我會覺得寂寞？！

今晚睇完醫生就去食飯，不過一路食個胃一路痛。。。啲人即刻拎藥俾我，嗰一刻我忍住啲眼淚，其實除咗痛，仲因為唔開心😣我唔想再係咁喇！！！！ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 18 日  星期日   晴天
爸爸節
今日係爸爸節。。。朝早爸爸叫醒我去飲茶，不過當我整好晒所有嘢之後，突然乜都睇唔到，係咁標冷汗，搞到面青口唇白，嚇到爸爸呆咗∼結果邊到都冇去，留咗響屋企抖！一路瞓個人一路好唔舒服，個胃痛一吓，背脊就痛一吓😖食極止痛藥都唔得……痛到好想喊！

十二點幾啲人打過俾我，我真係好掛住佢。。。但我都冇響嗰一刻話佢知我好唔舒服，只係死撐扮冇嘢咁同佢繼續傾∼

今晚我哋只係買外賣返嚟同爸爸慶祝，但我冇乜點食過嘢，因為一食就覺得痛！我怕啲人冇嘢食，我就煮咗響日本買�H拉麵，炒蛋同留咗啲乳鴿俾佢∼

啲人收工就返咗嚟，今晚終於都好啲，有嘢同我講、陪我睇電視，仲同我玩添∼啲人聽日放假，有人話帶我去太子食千層蛋糕，好開心😍啲人20号要返工，唯有當聽日係我們的49個月啦！

唔知幾時你先可以用屋企人�H身份，同爸爸一齊過“我們的父親節”呢？ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 17 日  星期六   晴天
何時？
今日啲人都係要返工，而我仲係好燒，8點幾醒咗食藥又再瞓過∼

今日成日都行雷同落大雨，好想啲人響我隔離呀。。。下晝啲人打過俾我，不過我把聲變咗，啲人唔認得我😧同啲人傾咗一陣，我就食藥瞓覺，瞓到6點幾先醒∼

今晚啲人買埋布甸返嚟∼不過啲人今日心情又係麻麻，我成晚就 on 居居咁坐響到，啲人都冇講過嘢😞食完布甸我好快就走，而啲人就去交收。。。我哋幾時先可以好似以前咁？ 


分類: 我們的生活點滴
 [ 訪客留言(0) ] [ 編輯日誌 ]

2017 年 6 月 16 日  星期五   晴天
痛
尋晚又成晚燒到冇瞓過😖今朝七點幾瞓咗一陣，十點幾又醒番∼好攰呀！而啲人今日要去見工，我因為太攰。。。所以連加油都起唔到身同啲人講！

啲人見完工就返咗嚟陪我食嘢。。。雖然只係食大快活，但只要啲人響我身邊，我已經好滿足！食完嘢啲人就返工，而我就要去買餸、睇醫生同幫四嬸整泰式鳳爪∼

食完藥個人好攰好暈，但冇得瞓。。。因為要幫四嬸整嘢！今日切完辣椒後，我隻左手俾啲辣椒整到好痛好熱，就算用冰水浸、洗手、用醋、酒精抹手……所有方法都冇用，沖涼用暖水簡直攞我條命😣爸爸見我咁已經幫我揾茶浸，不過都係咁。。。最後揾糖幫我洗手，先叫做好啲！但隻手已經腫晒∼

今晚等咗好耐，啲人都未返😞我whatsapp佢，佢又冇覆。。。結果成十一點幾先返到！返到嚟我哋又冇乜嘢講，你話唔驚佢有第二個就假🙄我一直都好驚佢轉新工，有新�H開始後，好快就連感情都有新開始∼

低能仔，其實我今日咁興奮俾ig張相你睇，我真係想你讚吓我。。。因為我係為咗想同你有共同興趣，而好努力咁去試架！一切都係因為你。。。 


分類: 我們的生活點滴
 [ 訪客留言(0) ] [ 編輯日誌 ]


« | 98 | 99 | 100 | 101 | 102 | 103 | 104 | 105 | 106 | 107 | ... | 384 | »