一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34217

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 10

累積人氣： 34217

2017 年 6 月 15 日星期四


	究竟。。。

今朝一早9點幾唔舒服到醒咗，我食咗藥之後就瞓多一陣，我要抖足精神去陪啲人去玩～

今日終於都收到電話，下個月可以上堂喇！好開心可以揾到嘢做，只有做美容師，我先可以揾多啲錢去迎接我同低能仔嘅將來～雖然我唔知將來同佢會點，但我都希望可以為佢努力多一啲，加上揾到嘢做，有樣嘢都好，希望我同佢小啲見，感情可以更加好啦！

今日同啲人去咗銅鑼灣，啲人帶咗我去食嘢，仲帶我go!go!go! 不過我仲未退燒，食咗藥個人好吽同好暈，但我都撐住同啲人玩。。。因為我想啲人可以放鬆啲，聽日見工先有好表現！

夜晚啲人去咗揾奸夫，而我就揾個地方坐住等佢，因為我真係好辛苦，等啲人嚟接番我之後，我就陪啲人去買裇衫同褲聽日去見工，買完嘢我哋食埋飯就去埋sogo就返去，不過啲人唔知點解突然又黑面，我響到扮低能想氹佢都冇用。。。你究竟做乜呀😣

分類: 我們的生活點滴

[ 訪客留言(0) ] [ 編輯日誌 ]

2017 年 6 月 14 日星期三


	好燒。。。

尋晚因為太燒，成晚都冇瞓過～今朝啲人約咗朋友去玩，佢出去前 whatsapp 叫我如果仲有燒就要睇醫生，我嗰刻其實好辛苦，好想佢響我身邊！不過啲人尋晚已經講咗會晏返～

我瞓響床瞓到點幾，啲人打電話俾我話佢已經唱完K，佢仲話返嚟帶我去睇醫生，我就拿拿臨換衫出香港仔等啲人，我見啲人未到，我就自己去咗睇醫生先。。。醫生話我淋巴線太腫，發炎得好緊要，所以發高燒～

啲人出到嚟接我摸我個頭好熱，佢就攬到我好實。。。好耐都未試過咁實在嘅感覺喇！之後啲人帶我去食嘢，仲同我去咗 go! go!go! 玩完之後我哋就各自返屋企，我瞓咗一陣，而佢就出去交收～

夜晚啲人7點幾返咗嚟，我沖完涼8點幾先揾啲人，啲人帶我去海怡食嘢，我好鍾意一路食嘢，一路將隻腳放響佢隻腳到～咁樣食嘢我會食得開心啲😂食完嘢又去咗go! go!go!跟住又去咗扭蛋。。。我終於都扭到小丸子喇😍😍我個玻璃櫃又多咗啲小玩意喇！好開心～

分類: 我們的生活點滴

[ 訪客留言(0) ] [ 編輯日誌 ]

2017 年 6 月 13 日星期二


	唔知點解。。。

風雨過後，晴天無出到嚟，依然係陰天大雨😣

今朝本來約咗人12點幾響中環交收，但我想啲人瞓多陣，我就將個交收改晏啲，等佢可以抖多陣～我哋約咗2點幾一齊出去，我好期待同啲人今日拍拖，因為啲人話帶我去睇小丸子同 minions 。。。

一見到佢我已經好開心，不過唔知係咪暴風雨過後，仲係天陰陰嘅關係，啲人心情麻麻，而我見到咁樣，我差啲發皮氣😩我知道我如果真係發咗皮氣出嚟，一切都返唔到轉頭，所以我選擇咗唔出聲忍落去～我陣係想一切都唔好再變差落去！

去到尖沙咀我哋去咗睇 minions 同小丸子，啲人想買嘢俾我，但我唔捨得買！而且公仔俾唔到我想要嘅我。。。我亦唔想嘥錢買呢啲只係可以令我開心一時嘅嘢😖我需要嘅係一世嘅開心！

今晚返到海怡時，當啲人響東海堂門口好努力咁睇緊自己有冇跌嘢時，我發現有個男人拎部電話影我隻腳，到啲人揾完自己有冇跌嘢之後，個男人已經走咗。。。後來我講番俾啲人知，啲人唔係好信我講嘢，仲話我隻腳冇乜特別，可能係我 feel錯！其實佢唔信我，我已經覺得係一種傷害，加上嗰一句令我覺得好無奈～無奈到唔想再講嘢😩原來我響佢心裡面係嗰種，除咗佢之外，應該無人會睇得上我嘅人😟

分類: 我們的生活點滴

[ 訪客留言(0) ] [ 編輯日誌 ]

2017 年 6 月 12 日星期一


	8号風球

今日啲人本來約咗人去玩，不過就俾人放飛機，咁我就可以順理成章咁霸住啲人喇！而我隻腳亦已經好番好多，只係仲有痛同瘀。。。但我撐到同啲人出去架！

天文台一早已經話下晝會掛8号風球，好無奈呀！因為我想同啲人去玩。。。但啲人都帶咗我去北角，出到去已經開始好大風，而且仲落大雨添喇！

出到去食完嘢，啲人就帶我去奇趣天地，但我想買嘅阿愁都冇喇！行咗一陣，啲人要去交收，我就企定定等佢返嚟接我，不過我見好大雨，我好想過去揾佢，等佢唔使行過嚟，但佢又冇覆我，我唯有繼續乖乖哋等佢！

返到去我哋就各自返屋企，我知道打風啲人實冇嘢食，我夜晚就煮定嘢帶過去俾佢，希望啲人見我8号風球都做外賣妹，會愛我多一啲啦！服侍完啲人食飯，啲人陪我玩咗陣、又睇電視同夾公仔啲片～其實咁樣簡簡單單都好開心。。。今晚啲人仲送埋我返屋企添😘呢個8号風球，我過得好温暖～

分類: 我們的生活點滴

[ 訪客留言(0) ] [ 編輯日誌 ]

2017 年 6 月 11 日星期日


	嚇死我呀！

今朝要同爸爸去飲茶，所以好早就起身，而啲人見我早起身，就打電話俾我。。。呢兩朝都收到啲人嘅電話，搞到我越嚟越掛住佢！

食完嘢我同爸爸、家姐響石排灣行樓梯返香港仔時，我行到一半叉錯腳扭親隻腳。。。嗰一刻我呆咗兼且好驚，爸爸佢哋應該俾我更驚！幸好扶得切嘢冇碌落樓梯，如果唔係我都唔知仲有冇命見到低能仔！不過隻腳就好痛好痛，痛到嗰刻好想喊😭😭😭本來我唔諗住話俾啲人知，但我應承過佢有乜都要話佢知，加上我又好想嗲佢，所以我就 whatsapp佢。。。

返到屋企隻腳越嚟越痛，行又痛、坐又痛，就連瞓響到都痛。。。結果我今晚決定唔過四嬸到，亦都冇煮飯，我落街買外賣同爸爸二人世界，當然要買埋俾我 bb chu啦！

今晚啲人收工就返嚟，接埋我一齊去百街濕平，然後就返屋企。。。啲人返到去就即刻搞我隻痛腳幫我按摩，而我服待完佢食飯都幫佢按摩埋，今晚啲人好攰，瞓響我隻腳上面瞓著咗，我見到佢咁，我就自己返去俾佢休息。。。本身佢堅持要送我返去，但你咁攰，天氣又熱，我邊捨得你行嚟行去！反正我慢慢行都返到屋企嘛～

分類: 我們的生活點滴

[ 訪客留言(0) ] [ 編輯日誌 ]

« | 99 | 100 | 101 | 102 | 103 | 104 | 105 | 106 | 107 | 108 | ... | 384 | »