一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34244

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 37

累積人氣： 34244

2017 年 6 月 25 日星期日


	照顧你

尋晚又係冇乜瞓過，到今朝六點幾瞓。。。不過9點幾就起身陪爸爸飲茶！而啲人今日就冇返工，因為病咗。。。佢一瞓就瞓到點幾先起身～

本來今日買定晒嘢諗住整大判燒俾啲人食，不過有個傻佬話想見我，而我又唔放心佢一個去睇醫生，所以我就過咗佢到～病咗嘅佢特別嗲、特別扭計，好傻呀～

我同啲人去咗海怡揾醫生睇同埋食嘢，不過海怡啲醫生可能太有錢，冇一個開門。。。最後我哋去咗香港仔睇醫生，啲人一路探熱一路講嘢，真係唔聽話。。。醫生話啲人係淋巴線發炎，但真係慶幸佢冇發燒，如果唔係佢一定好辛苦～

睇完醫生啲人又帶我去gogogo 。。啲人夾公仔俾我，同埋一齊擲彩虹，我終於靠自己隻右手，擲咗個蛋黃哥返嚟～大獎大獎係大獎呀😱😱種感覺好似完成一項壯舉咁！因為我用自己隻手贏咗啲人最愛嘅公仔，所以我情緒特別高脹😝而啲人都讚我叻👍

夜晚就返咗阿麻到食飯，返到阿麻到都有啲窩心嘅嘢發生咗，姑姐今日過咗嚟飲茶同食飯，但我冇去到飲茶，姑姐話阿麻一去到茶樓就問我響邊？知我冇嚟到就好似想走咁😂😂今晚開飯嘅時候，我同阿麻坐，阿麻就拖實我隻手😍仲煮咗好多我鍾意食嘅餸添！

食完飯我就趕返去煮飯俾啲人食，煮完就即刻過咗去，點知我過到去拍咗半個鐘頭門，都冇人應我😭😭😭我知佢一定瞓咗，所以我諗住打埋最後一個電話，如果都冇人聽，我就返屋企架喇！點知呢一刻個傻佬醒咗。。。服侍完啲人食飯，就幫啲人按摩咗一陣，個傻佬陪我食雪糕😋睇電視～睇完啲人食埋藥，就算幾唔捨得，我都要返屋企。。。因為我想啲人可以早啲沖涼、早啲瞓💤bb，你要快啲好番呀！我唔捨得你病，我寧願病嗰個係我🤒

分類: 我們的生活點滴

[ 訪客留言(0) ] [ 編輯日誌 ]

2017 年 6 月 24 日星期六


	唔捨得

今日啲人依然要返工，而我就盡番啲人女朋友嘅責任，去咗買餸煮飯俾啲人食😋

今晚啲人放工就返咗嚟，我搞掂啲嘢就過去佢到～啲人開始唔舒服，陰公豬。。。見到佢唔舒服，我冇嘢可以做到！唯有只希望佢乖乖哋聽日睇醫生，兼且唔好陣係掛住打機啦。。。

今晚啲人買咗雪糕同我一齊食，可以一齊響屋企撐枱腳食住雪糕嘅日子，剩番冇幾多日喇😞我唔捨得呢啲二人世界嘅日子喇！唔知仲要幾耐我哋先有屬於自己個家呢？

分類: 我們的生活點滴

[ 訪客留言(0) ] [ 編輯日誌 ]

2017 年 6 月 23 日星期五


	假如

尋晚個胃又痛番。。。結果又冇瞓過！今朝瞓咗兩個幾鐘，就俾啲人叫醒咗，因為今日要阿信的故事～

今日過去幫啲人大掃除，太耐冇執過，結果就係好污糟😣為咗令佢住得舒服啲，唯有俾心機打掃啦！不過今日啲人同之前有啲唔同，平時如果我打掃嗰日，佢多數都唔會揾我～但今日佢一有時間就揾我，我的確係開心啲。。。不枉我咁俾心機幫佢執屋同打地蠟～

整到七點幾我就返屋企沖涼，等啲人接我去食飯。。。原本諗住煮飯俾佢，不過真係好攰！今晚啲人收工就返嚟，佢同我去咗 pizza hut 食嘢，好好味～因為啲人今晚冇黑面，所以我覺得啲嘢特別好味！

食完嘢我哋就去咗百佳濕平，有人買咗布甸俾我，返到屋企又幫我按摩、餵我食布甸，仲同我打機添。。。不過我真係好攰喇😴😴假如以後啲人都好似今晚咁，唔會突然黑面就好喇！

有一天“我”字丢了一撇，

成了“找”字，為找回那一撇，

“我”問了很多人，那一撇是什麼？

現在我终於明白了，

那一撇原本是個”一”，

這段話的意思應該是這樣的：

『”一”但丢了，你就再也”找”不到“我”了』

分類: 我們的生活點滴

[ 訪客留言(0) ] [ 編輯日誌 ]

2017 年 6 月 22 日星期四


	好辛苦

今日啲人最後一日放假，我哋都係三點幾先出去。。。陪佢拎啲嘢落海怡乾洗，再去銀行開户口，咁啱見到仲有最後一本小丸子，啲人就買咗俾我。。。

去完海怡，我哋就落香港仔，途中啲人除咗冇反應外，仲完全冇理過我。。。就連我拖佢，佢都好快縮開手😞兼且佢有佢行，我有我跟尾～由佢縮開我隻手到完全唔理我開始，我亦再冇笑過、講過嘢。。。我只係覺得好難受～

去到食嘢我依然冇出過聲，而佢亦好似“答”枱咁……除咗坐同一張枱外，我哋再冇任何交流😣呢一刻我發現自己除咗難受之外，仲真係堅嬲😢😢我知自己嗰一刻嬲到有句說話好想講出口，但最終我都忍住冇講，不過眼淚就忍唔住😭😭

食完嘢我依然冇講過一句嘢，啲人開始氹我。。。佢帶我去gogogo，去到嘅時候，我真係頂唔順大喊咗出嚟！個心一直諗，點解每一日都話會改，但每一日都係咁？點解佢唔諗吓我嘅感受？既然每日都係咁，點解仲要留住我？

之後陪啲人買完日用品，我哋就返去。。。我唔知啲人原來唔想我跟住佢，直到佢問我點解唔返屋企，我真係呆咗😓😓我真係唔知有乜反應！

今晚本來我唔想過去，因為我真係好驚又係咁😩但佢一話想見我，我又心軟喇！最後帶咗啲飯就過咗佢到。。。

分類: 我們的生活點滴

[ 訪客留言(0) ] [ 編輯日誌 ]

2017 年 6 月 21 日星期三


	我還能愛誰。。。。？

今日啲人放假，距離二人世界嘅日子得番一個星期。。。唔計星期五、六、日，就只係得番兩日咋！我好唔捨得，我亦更珍惜呢幾日時間！

今日我同啲人成三點幾先出街。。。食咗啲藥個人好眼瞓！但我都好開心咁同啲人出去～出到去啲人就帶我去食嘢，食完嘢就去咗行街，不過又有啲唔開心嘅事發生咗！

我為咗想啲人會開心，我就得閒就嗲吓佢。。。想佢覺得我會温柔咁對佢～但點知佢同我講佢唔鍾意人嗲佢😣呢四年裡，我一直都唔了解佢。。。我嗲足佢四年，原來佢唔鍾意！其實係佢一直唔鍾意人嗲，定唔鍾意我嗲呢？我記得以前我嗲親佢，佢都會好冧咁，但依家竟然。。。我覺得好辛苦，我做乜都係錯，我忍唔住喊咗出嚟😭😭😭

今晚我冇乜點講過嘢，我覺得個人好攰，我唔知點面對佢。。。呢段日子佢咁樣，我真係覺得佢有另一個，所以我不停咁改變自己去遷就佢，不過我做乜都冇用，我覺得佢好似越嚟越唔鍾意我咁，加上佢又揾到份新工，可以見嘅時間又更少，我真係冇信心可以繼續落去😩

分類: 我們的生活點滴

[ 訪客留言(0) ] [ 編輯日誌 ]

« | 97 | 98 | 99 | 100 | 101 | 102 | 103 | 104 | 105 | 106 | ... | 384 | »