假期永遠都係咁快完結，今日又要返工喇！不過依然好攰好攰~尋晚成晚都瞓得唔好，不停咁發惡夢😪😪瞓吓醒吓，好似冇瞓過咁。。。今朝搭地鐵嘅時候，有人打電話俾我，我嗰一刻以為自己發緊夢，同時又好愕然，因為佢好小會咁早揾我。。。但都開心嘅！

今日返到公司已經有嘢做，因為我想朝早做晒啲嘢，等下晝可以抖吓。。。不過最折磨嘅應該係俾張床你瞓響到，但唔可以瞓著覺😵😵簡直係人生最悲哀嘅事！

食飯嘅時候我打俾啲人，我見佢十分鐘前 whatsapp 我話食飯，我以為佢得閒，不過佢冇聽到電話，雖然好失望，但好快就冇事。。。今日同啲同事一齊響公司食飯，佢哋食晒我煮嘅嘢，而且仲話低能仔好幸福，望住佢哋好滿足嗰個樣，我響到諗唔知低能仔食我煮嘅嘢又會唔會咁呢？

今晚啲人要去影相，我收工已經散晒，返到去買咗啲餸就煮定聽日 lunch 俾佢，煮完之後諗住可以瞓響到唔郁，點知家姐又要我整兩份泡菜玉子燒俾佢返工，煮完更熱更攰😴但都撐住等啲人返嚟。。。好掛住你，你幾時返呀？

 低能仔，

好耐都冇寫過信俾你喇！唔知你收到會有咩感覺呢？會唔會諗番當日我第一封寫俾你嘅信嘅情景呢？

唔經唔覺我哋拍咗拖都四年幾，諗番好似尋日嘅事咁。。。你知嘛，到咗今日我依然覺得自己襯唔起你，但同時依然係好想可以同你一生一世，同初初識你一樣冇變過，好想你可以俾到愛情我之餘，亦可以俾到將來我！不過，最近我哋好似起咗變化。。。

可能你會問我，點解會覺得你收埋另一個？呢種感覺令你好大壓力。。。或者因為你以前做得太足，又或者依家呢個先係原本嘅你！其實呢段日子我集中唔到精神返工，每日我都覺得好攰∼其實除咗關於我嘅嘢你唔再留意之外，呢排每逢出街當你拎住個電話，我一望過你到時，你就會好快熄咗睇第二啲嘢，直到尋日我問你借電話睇嘢，你嗰種眼神真係令我覺得驚😔好似有嘢唔可以俾我知咁。。。而且你有冇發現多咗自己出去？又或者明明收咗工都夜返咗呀？你知嘛，呢啲時間你好似失咗蹤咁，我係揾唔到你架！就連你自己響屋企都係一樣😭甚至你好容易會發我皮氣同話我，呢一切我都覺得好辛苦，好似抖唔到氣咁∼可能係我太依賴你，甚至係太愛你。。。

低能仔，我發現呢段日子，原來我自己一個都可以生活得到，獨立得到，但好驚再咁落去我冇咗你依然都可以好好生活。。。我唔想咁，好驚變到咁😔

 今日終於都放假喇。。。我一早起身食藥再瞓過，因為我怕同啲人出街嘅時候仲係唔舒服，為咗要快啲好，唯有係咁啦。。。

我瞓成點先起身，啲人已經自己出咗去先，我搞掂晒啲嘢就出去等佢，啲人本來帶我去韓燒，不過我聲都變埋，梗係唔食啦！加上咁貴，我邊捨得要佢俾。。。食完嘢我哋去咗 GU，買咗一長一短嘅褲俾佢，不過啲人唔肯試，最後返到屋企發現係唔啱著😣😣聽日好拎去換喇！我想你有新褲返工著，更想你著埋件新衫🙄🙄

行完之後我哋去咗 gogogo，不過啲人玩到發皮氣😖😖我有啲不知所措。。。佢話因為太多人同太嘈，搞到玩到冇心機，其實我明白，不過到我哋走之後，佢都係維持住唔講嘢，唔再笑同冇任何表情喇😔😔我只能夠唔出聲跟住佢。。。

夜晚我哋去咗灣仔，啲人帶我去食熱辣辣嘅卡樂b，而且仲買咗兩盒熱浪 Jagabee 俾我，呢個係我想試好耐架😋😋多謝你呀bb😘我哋行埋188就去食埋嘢返屋企喇！其實我唔知應唔應該上佢到，因為佢唔出聲我有啲唔知點咁，但最後佢都帶咗我返屋企，我哋一齊睇埋電視，同幫佢按摩埋，我就返屋企喇！

今朝起身依然流鼻水得好緊要，周身都好熱同膊頭都仲係好痛，有一刻我真係想去睇醫生同繼續瞓，不過一諗起想同啲人有將來，我就爬返公司喇！

今日係星期五，又係好忙嘅一日，加上響公司一直咁打乞嗤同流鼻水，個人更加攰，兼且食飯嘅時候都冇乜胃口😞但幸好啲人俾我嗲咗一陣，如果唔係真係頂唔順！

下晝忙完一輪好快就收工，跟住嗱嗱臨返去睇醫生，醫生話我頸椎至膊頭都腫晒，佢叫我俾同事按要小心啲，因為假如頸椎用錯力，有機會會導至癱😖😖😖不過今次幸好係整親啲肌肉同根！

啲人今晚由7點幾話收工返嚟，但最後都9點幾先返，其實我好唔開心。。。因為我等咗佢好耐😞佢返到嚟我陪佢去食飯，之後好快就返屋企喇！今晚我哋又冇講過嘢喇…

希望聽日大家都放假會好啲啦… 

 今日依然左邊個膊頭好痛，而且仲伸展到連條頸都腫埋😞好痛。。。真係好痛呀∼返到公司 miss 見我咁，就叫同事唔好幫我按肩頸，不過我做療程嘅時候，都依然好痛，好似連用力都有問題咁∼

今日帶住啲人買俾我隻錶返工，一路做嘢一路睇住隻錶好似啲人陪緊我咁。。。我好掛住佢呀！收工之後我就嗱嗱臨返去買嘢煮飯∼今晚啲人9點幾先返到，我就拎埋啲嘢過佢到，啲人除咗買雪膠返嚟俾我，見我傷風仲俾錢我買藥添…低能仔，我好愛你！