今日終於都同啲人去咗睇醫生喇。。。總算放下心頭大石∼醫生話佢有焦慮症，其實我知道呢個病好普遍，不過假如唔正視，後果都可以好嚴重！坦白講，其實自從佢啲性情改變咗之後，我真係好攰，我唔係介意要遷就佢，只係有時遷就得多，我都會有捱唔住嘅時候，當然我都明白佢都唔想，但單方面咁去討好一個人，都會有死心嘅一刻！希望啲藥真係可以幫到佢啦…我只係想要返原本嗰個低能仔~

 今日啲人一連三日假嘅第一日，十一點幾就醒咗喇！我哋點幾就出去旺角玩喇😍今日我專登著裙仔出去見佢，因為我曾經上網睇過，如果一段感情太耐，身邊嘅人會對自己已經習慣咗，冇咗新鮮感，假如想感情可以升温，就要響同對方出街時突然扮靚啲，著啲同平時唔同嘅衫，就好似剛開始拍拖時，會為對方刻意打扮一吓，令佢有種眼前一亮嘅感覺，希望從而令佢望自己多一啲，開心多一啲∼不過唔知啲人鍾唔鍾意？因為佢見到我之後陣係講咗句『妳今日做乜著到咁？』

今晚啲人都係夜返，我煮定飯等佢返嚟。。。今晚係我哋二人世界嘅開始，因為啲人媽咪返咗日本，啲人就可以唔使咁辛苦咁響樓梯口熱住咁食飯∼雖然我哋可以見耐咗少少，但我哋都係無乜嘢講，其實我每晚只係等佢返嚟可以見佢同埋好想可以好好同佢傾吓計咋。。。 

今晚啲人都係夜返😞我好掛住好掛住佢…因為呢排我哋每晚都見得好小~我連攬佢耐啲嘅機會都無！我知啲人想我開心，每晚都帶我去百佳行吓同買嘢俾我食氹我，不過我最想係可以每晚都煮飯俾佢，攬住佢瞓，甚至每朝第一個見到嘅都係佢！其實我已經認定咗佢… 

今晚啲人成9點先返，我好掛住佢呀！我服待完佢食飯之後，就幫佢按摩咗陣，我嗲佢話我聽日冇錢買餸😂其實我只係想同佢揾多啲話題∼希望大家都可以開開心心，一齊笑吓咁過！啲人又帶我去百佳行…我哋見咗一陣又要走喇😞我好唔捨得佢走，因為我真係好掛住佢，好想攬住佢！