今日依然都係好辛苦，朝早痛到醒咗去食藥，跟住就再瞓過∼原本今晚諗住去接啲人收工，慶祝我們的五十個月，但最後都因為頂唔順而冇出到去∼

晏晝我頂住痛而去煮定飯盒俾啲人聽日，不過真係頂唔順，由原本六個餸，最後只係得翻三個餸同一個炒飯。。。對唔住呀！聽日要難為你食呢個飯盒∼煮完佢個飯盒，我就去睇醫生。。。醫生話我如果再唔好，聽日就要入醫院~呢一刻我好想啲人響我身邊，我真係好唔舒服！

夜晚啲人都係好夜先返，我只係陪佢響樓下食咗餐飯就各自各返屋企。。。低能仔，我好掛住你！ 

 尋晚食咗啲藥不知不覺咁瞓咗，到咗今朝六點幾又痛醒咗，食完藥見到啲人揾過我，我覆翻佢之後，佢就打俾我同我傾咗一陣。。。

醒翻嘅時候都已經十二點幾，婆婆叫醒咗我去飲茶，咁啱啲人都打俾我，不過我冇同佢講我塊面比尋日更腫更痛∼飲完茶我就買埋餸返屋企，其實我已經好辛苦，食咗藥又暈又痛，我嗱嗱臨煮完俾佢就返上床瞓咗陣……

今晚啲人都係夜返，但就帶咗兔兔俾我∼不過我係想嗲啲人多啲囉。。。其實今晚我真係冇乜力，個人好攰好攰，我陣係想扮癱己癡住佢唔郁∼唔知點解今晚行返屋企好似特別遠咁。。。

 今日啲人冇打過電話俾我，我望住電話等咗好耐都冇響過，我有啲覺得唔開心😞

晏晝出咗去買餸，其實我已經知自己有啲唔妥架喇！不過我冇理到自己左邊面痛，返到屋企依然嗱嗱臨煮飯俾啲人，但越煮越辛苦，開始覺得越嚟越凍，同埋越嚟越痛∼搞掂晒啲嘢之後，我頂唔順返翻上床，但爸爸返嚟見我面腫晒，就要我去睇醫生。。。好討厭自己一個睇醫生😞

醫生話我三叉神經線發炎兼且發高燒，又要食抗生素喇！睇完醫生就趕返屋企拎飯俾啲人，因為佢已經返咗去等我，所以我除咗藥之外，就乜都冇食過∼其實嗰一刻我有諗過，點解我咁緊張佢，但佢又好似唔係咁嘅？

 今日終於都簽咗約喇。。。一切都已經搞掂好晒，悠長假期只係剩番幾日，下星期一就要返工喇！有啲唔捨得做煮飯婆呢段日子∼同時亦開始有啲擔心。。。

簽完約之後都已經成點鐘，啲人今日好忙，佢打俾我嘅時候，我咁啱響 sogo 買緊嘢俾佢，原本以為要今晚先俾到佢食，點知個傻佬話落嚟見我😍好開心好開心真係好開心∼一見到佢我已經攬住佢唔放，我真係好掛住佢呀！雖然只係見咗一陣，但我都已經好開心…

見啲人咁好，我就決定今晚煮好啲俾佢，我響銅鑼灣買埋餸先返去，其實今日買咗漢堡扒，不過我冇留到俾啲人，因為我成日都會煮俾佢食，但爸爸就一次都未試過，我知道爸爸想食好耐，每次我煮俾低能仔，佢都會話好香，同問我係咪和牛漢堡扒😂😂😂我見嚟緊之後，我都會好小煮飯俾爸爸食，所以我響 Jason 買咗和牛漢堡扒返去俾爸爸食，如我所料佢真係好開心😌

為咗補償番啲人今晚冇漢堡扒食，我就為佢預備咗兩份7個餸嘅便當，我仲專登買咗兩款唔同嘅肉煮俾佢，等佢可以一次過食到唔同嘅嘢。。。今次個便當，全部都係佢鍾意食嘅嘢。。。唔知當我返咗工之後，佢會唔會掛住我煮嘅嘢呢？

今晚啲人好夜先返到，不過就買雪膠返嚟俾我∼服侍完佢食飯，我哋一齊睇咗陣電視我就返去喇。。。其實我唔捨得咁快走！

 尋晚我食咗啲藥成晚都冇瞓，今朝恰咗一陣9點幾就醒咗陪爸爸食嘢，之後就去香港仔買餸煮啲人嘅飯盒∼今日成日都落大雨，買餸嘅時候淋到濕晒。。。結果今日成日食咗藥成身都依然好熱，冇退過燒，加上個咀痛得好緊要，心情差到爆😞