jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34189 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 60
累積人氣： 34189
RSS Feed
2017 年 7 月 10 日  星期一   晴天
温柔
二人世界完之後，今日一切都要回復番正常。。。好掛住尋日朝早一睜開眼就見到啲人，啲人醒咗又會對住我笑~唔知要等幾耐先可以每日都有呢啲日子呢？

尋晚睇完佢嘅每一日癲之後，我覺得個心好痛。。。因為無論我做啲乜，佢都變唔番以前咁，雖然我好愛以前嘅佢，但今日我哋已經相處咗四年幾，佢響我個心到已經佔咗一個好重要嘅位置，我又點可能因為一啲改變而離開佢？我最後可以做嘅，亦只有陪佢一齊行落去，無論發生乜嘢事都留響佢身邊照顧佢直到老~

今朝啲人好早就揾我，係佢返呢份工後第一次咁早揾我∼今日啲人晏晝嘅時候打過俾我，啲人好似特別温柔咁，同佢傾咗一陣，我就出去買嘢煮飯同啲人聽日嘅便當∼我仲買咗啲大福俾啲人拎番屋企俾佢媽咪帶番日本。。。因為我都幾掛住佢媽咪嘅∼

夜晚啲人收工就返嚟食飯，有人氹我開心仲買咗雪糕返嚟添。。。今晚杯雪糕特別好味，因為啲人對我特別温柔嘛！食完飯仲帶咗我去百佳任買😂買咗全部我最鍾意食嘅嘢，多謝你呀bb😘😘 


分類: 我們的生活點滴
 [ 訪客留言(0) ] [ 編輯日誌 ]

2017 年 7 月 9 日  星期日   晴天
甜蜜之旅@澳門2017” Day 2

二人世界話咁快就完。。。尋晚攬住啲人瞓，種感覺好舒服∼不過唯一唔習慣係啲人要開燈瞓，所以瞓得唔係太好，今日成日都好頭痛。。。


今朝我醒咗就整好晒嘢，仲幫佢整埋牙膏牙刷添。。。然後先叫醒佢，好有老婆嘅感覺！check out 之後，我哋去賭場玩多一陣，就搭車出去過埋最後一日二人世界∼

今日天氣好熱，啲人又著住長袖衫，我知佢一定好辛苦。。。我哋食咗餐好好食嘅日本嘢，就開始揾爸爸要嘅杏仁餅，揾咗好耐先揾到。。。啲人塊面已經有啲黑黑哋，冇晒表情，我見咁樣就冇乜講嘢∼陣係想早啲帶佢返香港，所以我哋行多一陣，就搭車返碼頭……

我哋搭530班船返香港，返到嚟佢就響海怡等我，而我就拎嘢返阿麻到∼阿麻唔記得我去咗澳門，所以煲咗我最鍾意飲嗰隻魚湯俾我，返到去阿麻一見到我就好開心咁拎湯俾我，我飲咗兩碗，好好味呀😋😋😋搞掂啲嘢就落海怡揾啲人食‘甸拿’。。。啲人終於都笑番，仲餵我食薯條添∼食完嘢我哋又去夾公仔，啲人又夾到傻咗😅😅玩完就返屋企喇。。。

分類: 我們的生活點滴
 [ 訪客留言(0) ] [ 編輯日誌 ]

2017 年 7 月 8 日  星期六   晴天
甜蜜之旅@澳門2017“
今朝我8點幾就起身喇！因為今日係我哋一連兩日嘅甜蜜之旅@澳門2017”。。。我化定妝同著咗件新買嘅衫去，我好重視呢兩日一夜，好想同啲人儲好多好多嘅回憶，同好想同啲人影好多好多嘅相∼

今朝我哋十點幾就見面，去到上環拎完船飛同食完嘢，就開始我哋嘅甜蜜之旅。。。去到氹仔我哋就去酒店 check in ，入到間房我已經好興奮，因為種感覺好舒服兼且張床好大∼一諗到夜晚可以攬住啲人瞓，我就覺得好開心！響房抖咗一陣之後，我哋就去百老匯睇低能仔展覽😆

其實去到嘅時候本來大家都好開心，但一入到去就好似唔同晒，佢又變番唔再出聲，唔再笑嘅低能仔😞😞嗰一刻我有啲無奈。。。但我知佢好就我，勉強咁迫自己同我影相∼其實我只係希望可以有好多我同佢開心嘅相！睇完展覽我哋就玩鬆弛熊嘅攤位遊戲同夾公仔，玩嘅時候啲人先開始笑同有嘢講，兼且仲買咗隻似狗嘅低能仔仔俾我，好鍾意呀！

玩完我哋就響美食街揾嘢食，終於都試到度小月，呢間嘢響台灣好出名，香港開咗嘅時候，我已經好想帶啲人去試，估唔到澳門都有，仲可以試到添。。。佢食擔擔麵，而我專登叫魯肉飯，因為啲人鍾意食，我想佢可以試晒。。。不過真係好好味，唔知啲人鍾唔鍾呢？食完度小月我哋仲食咗超好味嘅串燒添。。。

夜晚我哋去咗JW食自助餐，我所有安排都係為咗想你放鬆，開心。。。但都係冇用！食完嘢我哋就返酒店玩，有人陪我玩老虎機，估唔到會贏錢😱贏咗幾百蚊，我開心到捉住啲人即刻走😂😂 


分類: 我們的生活點滴
 [ 訪客留言(0) ] [ 編輯日誌 ]

2017 年 7 月 7 日  星期五   晴天
終於

 終於都到咗星期五喇。。。我等咗今日好耐，因為啲人返埋今日就連放兩日假，可以帶我去玩喇！我又可以日對夜對住啲人，諗起都覺得爽呀！


今日都仲係要食藥，食咗啲藥依然好攰，瞓咗響張床到冇郁過∼啲人 training 完就打俾我，聽到佢把聲我就覺得冧。。。幸好我一早已經入晒貨，咁啲人收工返嚟就可以有飯食喇！

今晚啲人成9點先返到，我哋只係見咗一陣就要走喇！我好唔捨得佢…我返到屋企啲人 whatsapp 我，話我想要嗰張咭樓下有得買，結果個傻佬等埋我落去，仲幫我整埋添∼

低能仔，好希望聽日我哋有個兩日一夜嘅甜蜜之旅，可以開開心心咁玩返次，唔好好似響日本咁，好冇？

分類: 我們的生活點滴
 [ 訪客留言(0) ] [ 編輯日誌 ]

2017 年 7 月 6 日  星期四   晴天
病。。。

 尋晚食咗啲藥，不知不覺咁瞓咗∼今朝十點幾就起身。。。見到啲人依然都係冇揾我，我就食埋藥再瞓過∼瞓到啲人打電話俾我，我再起身食藥∼之後一直瞓瞓到五點幾先起身！


今日食咗啲藥成日都好攰同好暈，結果我冇煮到飯，而啲人都係8點先返到，返嚟接我落海怡食飯，我哋行咗一陣就返去，我估啲人應該都攰。。。而我食咗啲藥又吽吓吽吓，我唔想佢以為我唔開心，唯有早啲返去俾佢休息吓∼

好想快啲有我哋嘅家，咁我就可以攬住佢瞓同嗲佢喇∼

分類: 我們的生活點滴
 [ 訪客留言(0) ] [ 編輯日誌 ]


« | 94 | 95 | 96 | 97 | 98 | 99 | 100 | 101 | 102 | 103 | ... | 384 | »