一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34193

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 64

累積人氣： 34193

2017 年 6 月 5 日星期一


	一連四日

今日開始啲人一連四日都放假喇！啲人十二點幾就揾我，話今日帶我去拎阿 Bob 返屋企～其實我好期待今日嘅二人世界。。。所以我專登著響日本買嗰件衫～只係想佢留意我多一啲咋！

我哋約咗成三點先出去，我餓到食晒啲奇異果。。。出到去陪啲人影咗一陣相，我哋就去食嘢～唔知係咪我心情仍然未平伏嘅關係呢？今日每當佢有意無意咁話我時，雖然我知佢係講笑，但唔知點解我都會選擇唔出聲好耐，好似返唔番以前咁😞

夜晚我陪佢交收完，我哋就去咗旺角接阿 Bob ，行咗一陣就去食飯，今晚我哋去咗食“一風堂”……其實我都知道貴，不過我好想我哋大家都諗番響東京二人世界嘅時候，我好想大家都會變番好開心😭😭

今晚有人因為話我就諗住氹我話任買，傻佬，其實我唔係要呢啲，就連現金獎都只係講笑，因為唔屬於我嘅錢，我係唔會要！或者你會問賣相機嗰1500蚊，點解我又會收番？因為我計過真係我架。。。加上我好想留番嗰啲錢同你去澳門，我知道如果唔留起嗰1500蚊，我哋又會去唔成澳門架喇😞我唔想又去唔到。。。又或者又會好似上年咁唔開心！

其實今日有樣嘢好冧架！我著嗰件衫係露膊衫，啲人起初都冇乜嘢，但唔知點解行行吓佢將我件衫扯番高，露膊變短袖😓😓每一次我將佢扯番低，佢都好快手咁扯番高😂啲人話爛船都有三斤釘喎😰😰乜真係咁差咩？

呢幾日我成日都睇啲小玩具，其實我係想自己可以開心一啲！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 4 日星期日


	唔知做乜。。。

今日唔知點解成個人都好攰～兼且冇乜精神。。。

今朝一早俾爸爸摷醒去完飲茶同幫啲人買完嘢同餸之後，返咗屋企就係冇乜力咁，瞓響張床到都覺得暈暈哋。。。晏晝撐住過阿麻到睇吓佢，跟住返到屋企個人散晒～

啲人晏晝打過俾我，不過我扮冇嘢咁繼續同佢傾，我唔想佢返緊工都要擔心我！所以我乜都冇講，夜晚都照煮嘢俾佢食。。。但我因為太攰，6點幾瞓著咗，遲咗整嘢佢食！結果上到去見到啲人面黑黑咁食緊響日本買嗰啲蛋糕。。。啲人乍形話我遲囉！

今晚服侍完佢食嘢，我哋睇咗一陣電視、食咗雪膠同小小零食就幫啲人按摩完就走～聽日啲人放假，唔知佢又會唔會瞓死咗呢？

我好掛住 Bob 同 Tim ，好想可以快啲接佢哋返屋企呀！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 3 日星期六


	存在感♡

尋晚成晚都瞓唔著。。。明明好攰但不停諗住啲人同不停睇番佢尋晚嘅每日一篇仲有我哋嘅相～結果今朝好唔容易先瞓著咗！

今朝我發咗個夢，好真實架！夢裡面我趕住去揾啲人而跌親行唔到，仲要發高燒入咗醫院，啲人好實細心咁照顧我，抱我行出行入，只要我想去邊佢都抱實我～我醒咗之後，自己都響到笑！或者現實中我真係希望佢會成日攬實我，無論發生乜嘢事都唔會放開我～所以發到呢個夢，我真係覺得好 sweet～

醒咗之後就見到啲人 whatsapp 我，隔咗一陣仲打電話俾我，明顯地經過尋日，有人對我真係唔同咗。。。因為佢記得提我今日我要做啲乜？買啲乜？所以我今日心情的確好開心，諗起佢都會笑😊

今晚有人專登就我，一齊上咗浠浠屋企打邊爐，我知道換轉之前佢一定唔會上去，今晚佢肯同我一齊去，我感覺好實在，眼見爸爸佢哋都對佢好，我都覺得好開心！不過我知佢好悶。。。

食完嘢有人遵守承諾帶我去食甜品，好耐都冇食過咁好食嘅甜品喇！雖然食完就趕住返去，但今晚啲人都陪咗我好耐。。。響車嘅時候，我俾佢睇我尋日喊緊時撞瘀咗嗰到，我第一次見佢縐晒眉頭仲有少少惡咁問我“做乜又撞瘀晒”時，其實我覺得好開心架！直到佢問我有冇藥膠，我就答佢你摸吓就冇事～其實我要嘅只係當我嗲佢時佢會有反應咋，真係咁簡單！只要用心我就足夠～其他都唔再重要！

分類: 我們的生活點滴

[ 訪客留言(0) ] [ 編輯日誌 ]

2017 年 6 月 2 日星期五


	崩潰

尋晚啲人瞓死咗。。。我今朝扎醒咗見到啲人半夜揾過我，但我冇覆到佢～因為有啲嘢我一直諗緊！

十二點幾再睇番電話，見到佢揾過我幾次，我覆番佢之後，佢就打俾我！其實我冇嬲過佢尋晚，只係有少少唔開心，又或者應該話我近呢一年都覺得好寂寞！

呢兩日我好掛住納豆嘅味道，因為佢媽咪帶我食納豆嗰晚，係佢對我最温柔，亦令我最幸福嘅一晚，我好想揾番嗰種味道，所以尋晚我買咗一盒返屋企，希望可以揾得番嗰種感覺，但可惜揾唔番嗰種味道，一切都已經揾唔番！

下晝我出咗香港仔買餸，搭車返嚟嘅時候，我見到佢 FB tag 我話我知佢開咗個新 IG ，當我禁入去見到佢 follow 咗一部份人，其中一個係高 ling 。。。嗰一刻佢將我呢段日子所諗嘅嘢，一一兌現晒響佢身上，響車到我啲眼淚忍唔住不停咁流～

可能你會問點解因為係高 ling？其實呢個只係催化劑，我一直都覺得我已經變得可有可無，佢對我亦愛理不理，呢種感覺好痛苦！我好想我自己感覺錯，所以呢段日子我有意無意都會放相上IG & FB ，有啲只有IG有，有啲亦只得FB先有。。。我好想知佢仲有冇留意我？有冇會想了解我而開嚟睇😞但原來係冇架！除咗高 ling。。。所以當我見到佢一新開 ig follow 嘅係佢，而唔係我呢個所謂嘅女朋友，我就不停諗番呢一年所發生嘅嘢，呢段日子嘅愛理不理，甚至已讀不回，我徹底崩潰兼死心！

我 whatsapp 完佢之後，我就除低晒所有頸鏈同介子，第一次會咁做。。。我嘅眼淚亦冇停過咁流，我知道冇咗佢之後，我唔會適應得到，因為我未試過咁愛一個人！但望住佢依然已讀不回，我無辦法叫自己冷靜得到，我煮飯切嘢切親手，連小小胃口都冇😭對住爸爸同家姐陣係勉強咁笑。。。

今晚我帶番啲嘢俾佢，仲有最後一餐飯。。。我見到佢個心好痛，不停諗番以前開心嘅嘢，佢以前寫俾我嘅嘢～佢氹咗我好耐，佢為咗要我帶番隻介子，不停捉住我隻手打佢塊面時，我靜咗落嚟。。。我不停咁問自己佢又會好幾多日呢？我應唔應該原諒佢呢？直到佢同我講，如果呢一刻諗起嘅係佢，就乜都唔好諗。。。我的確諗起嘅係佢！但我真係好驚，好驚一切都會打回原形～

今日我睇番晒所有我同佢嘅相同日記，原來笑容一早已經唔見咗！好掛住當初會攬住我影相笑得好開心嗰個佢～

分類: 我們的生活點滴

[ 訪客留言(0) ] [ 編輯日誌 ]

2017 年 6 月 1 日星期四


	Lonely

今日啲人影畢業相，其實我有啲唔開心，因為佢咁重要嘅日子，我都冇份同佢一齊見證😞我都想陪響佢身邊！佢點幾就返咗嚟同我食嘢，跟住行咗陣佢就返屋企抖一陣，話今晚陪我出去交收。。。而我就自己落香港仔幫爸爸買嘢！好期待今晚二人世界～

返到屋企我一直拎住電話啲人，我好驚我攰得滯瞓著咗聽唔到電話響，所以我拎住冇放手，仲較大聲個電話唔夠膽瞓著。。。不過啲人一直都冇打過俾我！

今晚我腹部一直好痛，我落咗李娟睇醫生，醫生話我發炎所以先咁痛，幫我打咗支針同開咗消炎藥俾我，加上我食埋今朝嗰粒藥，成個人好暈～我打過俾啲人，不過我知佢唔想出嚟，所以我冇話佢知我好辛苦，自己撐住出去交收！

今晚我以為佢瞓多陣就會起身，所以我冇食嘢諗住等埋佢一齊先食，但我等咗好耐都等唔到佢～其實我知道佢係攰，我應該體諒佢。。。但我真係好掛住佢，好想好想見到佢！

分類: 我們的生活點滴

[ 訪客留言(0) ] [ 編輯日誌 ]

« | 101 | 102 | 103 | 104 | 105 | 106 | 107 | 108 | 109 | 110 | ... | 384 | »