一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34203

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 74

累積人氣： 34203

2017 年 5 月 11 日星期四


	嘟嘟聲

今朝8點就醒咗，一直瞓響張床到諗緊佢，點知電話突然響，嗰個係佢，不過當我聽電話嘅時候，另一邊傳嚟“你嘅電話會再被接通，請稍後片刻！”我等咗一陣就收線再打番俾佢，今次係打緊電話嘅嘟嘟聲，我嗰刻有啲無奈，究竟佢係想打俾另一個，但打錯俾我？還是。。。直到我再打到俾佢，佢又好似好愕然咁！我真係好驚～

其實直到今日，我都仲好似啱啱拍拖嗰陣咁，無時無刻都好掛住佢，好想見到佢同好想佢響我身邊，呢啲我一直都冇變過～但我發現好多嘢都唔再一樣喇！有啲嘢我變咗嘅時候，佢亦都改變咗。。。甚至我個心已經覺得攰，佢應該一樣都覺得攰！

為咗繼續keep住可以行落去，呢排我真係好俾心機煮佢嘅晚餐，今晚都唔例外，我煮咗四餸一湯，坦白講每日咁煮其實真係好攰，基本上由我買完餸返嚟一直冇停過，直到佢收工返嚟！我真係陣係想佢會愛我多一啲，留意我多一啲，甚至會掛住我多一啲。。。我唔想陣係留得住個胃，但留唔住個人😭我真係好愛佢！

今晚我哋睇完電視，互相幫大家按摩完就走喇！希望去完個旅行，一切都會變好～希望我愛嘅人，依然只係愛我一個！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 10 日星期三


	好攰

今日真係好攰好攰。。。一早起身就去炮台山拎番張票，然後就趕返香港仔食埋早餐就買餸！

今日成個下晝都好忙，我炒定咗兩個飯俾啲人同家姐，跟住就忙住同嗰十幾隻雞翼玩遊戲😵因為啲人唔鍾意食雞翼有骨，而我又唔想陣係煮雞扒咁悶，想煮多啲唔同嘢俾佢食，所以就幫嗰十幾隻雞翼拆咗啲骨，然後再釀啲蝦膠入去，咁佢就可以試到更多嘅嘢～不過呢個餸足足玩咗我幾個鐘，仲要切親隻手😭兼且雙手攰到冇乜力！

今晚啲人收工去交收完就返，佢帶我買埋雪膠就一齊返屋企，今晚我哋冇乜嘢講。。。就連睇電視都各有各睇😣我試過睇到啲好笑嘢而撩佢睇，但佢都係冇乜反應😞結果我同佢按摩完我就返去。。。其實我真係好攰！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 9 日星期二


	加油

今日啲人最後一日考試，我一早較定鬧鐘同啲人講聲加油，之後又不知不覺瞓番。。。

今日我哋約咗點半響深水埗等，我著咗套新衫同化埋個妝去見啲人，好想啲人會鍾意！今日個傻佬好唔同，對我都係好嗲，仲記得我鍾意嗰個曲奇，臨響西九走嘅時候，仲買埋俾我添！我哋兩個今日好似濕平咁，佢仲帶我去食雪膠～其實我哋今日過得好開心，不過因為佢嘅精神緊張，我食多咗煙😞夜晚返到嚟食完飯，我見佢又係咁叫佢去睇醫生時，但佢唔肯去，我忍唔住發佢皮氣，其實我冇心架！我知佢都唔想會咁，不過我真係好驚佢有事，我好驚會冇咗佢。。。低能仔，我真係好愛你！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 8 日星期一


	玫瑰餃子

今日啲人考試喇。。。我趕唔切佢考試前 whatsapp 叫佢加油，我真係冇用呀！仲要佢考完試之後打俾我添～

啲人因為夜晚要交收，所以下晝留響學校温書（應該係）……而我就出去買餸煮飯，我決定要包餃子！下晝我響屋企好努力咁包玫瑰餃子，好想啲人食得開心！

今晚啲人8點幾就返到，我整埋啲嘢就過佢到，仲買埋雪膠過佢到同佢一齊食！啲人食完飯仲陪我睇咗一陣電視，同埋撐枱角咁食雪膠，真係特別好味同甜😍其實見你會鍾意食我整嘅嘢，係我煮飯嘅一種動力嚟架！

返到屋企啲人突然打俾我，原來個傻佬見落大雨驚我未返到，傻佬你好 sweet 呀！今晚加油呀。。。捱埋今晚就得架喇！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 7 日星期日


	老婆私房菜

今日啲人放假，我同爸爸、家姐去飲茶，之後就去買餸同啲人鍾意食嘅朱朱力，而啲人就食自己兼留響屋企温書，因為佢星期一、二都要考試，我冇煩住佢，由佢靜靜哋自己温書！不過我買餸買到一半已經覺得好暈同好燒，我諗係我耳仔痛嘅關係，而引至發燒。。。

見佢温書咁辛苦，我今晚決定煮啲佢鍾意食嘅嘢俾佢。。。今晚老婆私房菜嘅菜式有：蒜蓉炒西蘭花、豆腐雞肉餅、腸仔玉子燒、魚香茄子同咖喱肉醬！除咗魚香茄子之外，其他全部都係佢鍾意食嘅嘢，我都留晒俾佢。。。

今晚上到佢到，我又係響門口罰企😭whatsapp 佢唔覆、打俾佢冇聽兼且拍佢門唔應～嗰一刻我真係憫，我知我係因為攰同唔舒服先咁！今晚服侍咗啲人食飯之後，啲人帶我落街買嘢食，買咗兩盒家庭裝Dreyer's 雪膠同媽咪麵俾我，我知道個傻佬話想我執屋先買俾我係藉口，只係佢呢排都冇時間理我，買嚟想氹我開心。。。因為佢知道我係咪都會幫佢執屋架嘛！個傻佬除咗買雪膠俾我之外，仲送埋我返屋企，呢個傻佬真係好 sweet ，你以後都要對我咁 sweet 架！

分類: 我們的生活點滴

[ 訪客留言(0) ] [ 編輯日誌 ]

« | 106 | 107 | 108 | 109 | 110 | 111 | 112 | 113 | 114 | 115 | ... | 384 | »