一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34241

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 34

累積人氣： 34241

2017 年 5 月 6 日星期六


	老婆炒飯

今日去咗旺角。。。家姐同我去買衫，而啲人就返工！我好掛住啲人，好想陪住我嘅係啲人～

今晚我好想煮叉燒炒飯，不過返到嚟冇叉燒，唯有叉燒轉做腸仔啦！但炒飯原來唔係咁容易，幸好最終都煮到，我幫個炒飯改咗個名叫 sica炒飯😂其實我想改個名叫老婆炒飯架！

今晚啲人本來話買雪膠返嚟俾我，但最後雪膠變咗蛋膠。。。不過我都好開心架喇！今晚啲人好嗲唔俾我走，個傻佬好小會咁嗲，搞到我好冧😍😍你聽日乖乖哋俾心機温書，我夜晚煮飯俾你食！

分類: 我們的生活點滴

[ 訪客留言(0) ] [ 編輯日誌 ]

2017 年 5 月 5 日星期五


	計劃一吓。。。

今日啲人要返工，而我就一早起身去買餸煲湯煮飯。。。返到屋企就乖乖哋預備定啲餸同煲落湯等啲人返嚟！

今晚煮咗蒜香紙包骨、咖喱肉醬雞扒、蒜蓉炒介蘭苗同清補涼湯！啲人收工交收埋就返咗嚟～其實我當然知啲人食嘢簡單，但為咗佢我真係願意學整唔同嘅嘢。。。假如都係整簡單嘅嘢，個個都煮到嘅話，咁好容易俾其他人取代架喎！我寧願學整唔同嘅嘢，等佢習慣食我嘅嘢，佢就會永遠都記得我，我更想係當佢肚餓想食嘢時，會掛住我煮嘅嘢！

今晚啲人同我講24号響東京同佢媽咪慶祝生日，其實我已經好緊張同有啲期待，話晒拍咗拖四年，第一次同佢媽咪過生日，加上好想藉住今次可以修補吓啲關係，我都希望佢媽咪會鍾意我同佢個仔一齊架嘛！希望過到去可以買到一份佢媽咪鍾意嘅禮物，同時亦要計劃一吓除咗食飯外，仲要抽多一日時間約佢媽咪出嚟帶佢玩一日，呢樣係我最想做嘅一件事，低能仔好冇呀？

分類: 我們的生活點滴

[ 訪客留言(0) ] [ 編輯日誌 ]

2017 年 5 月 4 日星期四


	當我想起你

今日啲人要考試，我好驚騷擾到佢，所以我一直都唔夠膽揾佢，直到考試完我先揾佢！

今晚啲人同我去睇戲，我專登扮靚啲去見佢，好想佢會有眼前一亮嘅感覺！不過佢好似冇乜反應咁～我臨見佢之前去咗買芋頭酥氹佢，想佢知道其實我一直都十卜緊佢～同時亦希望佢笑多啲！

今晚我哋睇春嬌救志明，呢套戲嘅前兩集我都有睇過，亦好鍾意呢套戲。。。今集講咗好多女仔個心諗緊嘅嘢，同時亦令我了解多咗有時男仔個心諗乜～我同佢睇到咁上下都不其然拖實對方！如果每個女仔都會遇上一個張志明，我諗我嗰個張志明就係低能仔。。。我好想我都可以余春嬌咁，等到張志明願意為佢定落嚟，組織屬於我哋嘅家嘅一日！

曾在我心如此深深愛戀中

遺下憶記在腦中

從當天起永都不可忘記

當我想想起你

仍像昨天一般深愛你

分類: 我們的生活點滴

[ 訪客留言(0) ] [ 編輯日誌 ]

2017 年 5 月 3 日星期三


	開始。。。

今日啲人放假喇。。。啲人醒咗就揾我，原本話去街，不過最後都冇出到去，我哋買咗外賣返屋企撐枱角～但等啲人等咗好耐都冇覆，我以為佢又瞓番，嗰刻有啲失望，諗住唔理佢，自己去食嘢！！

晏晝我同家姐去咗剪頭髮，由長髮變短髮～其實我之所以會剪短都係因為佢，當初我識佢嘅時候，我啲頭髮都係短架！我好想將自己變番當日咁，等佢可以記得當初嘅我哋，我想佢可以做番當初嘅佢！

今晚我返到嚟我哋落咗海怡食麥記，之後去咗百佳濕平！我見佢依然都係好緊張，每行過嘅地方都要行多次睇下有冇跌嘢。。。其實我好無奈，兼且有啲難受😞

見到佢係咁，我今晚就訂咗東京嗰個温泉，好想佢可以放鬆一吓，同時亦俾自己放鬆，因為我都俾佢令到我一齊緊張😣我又開始番控制唔到食嘢，同埋瞓覺、行街都渣實個拳頭喇！我真係唔知可以再做啲乜令佢好啲喇。。。我開始頂唔順～

分類: 我們的生活點滴

[ 訪客留言(0) ] [ 編輯日誌 ]

2017 年 5 月 2 日星期二


	發夢

尋晚發夢見到啲人，響夢裡面啲人好似以前咁，無論去到邊都拖實我、攬實我。。。仲要對我無微不至添！真係好掛住以前嘅日子～

今日去咗買餸煮俾啲人，啲人扭計要食辛辣麵，要煮兩餐唔同嘅嘢，所以有啲忙。。。加上條頸又開始好痛喇！

今晚啲人收工就返咗，但見到佢個樣冇乜表情，我哋都冇乜嘢講過～服侍完佢食飯同按摩，我哋睇咗一陣電視之後，我就諗住走，不過啲人扭計要攬住瞓一陣，嗰一刻真係好冧，因為佢好耐都冇攬住我瞓喇！

仲有19日就去東京喇！等我要揾吓去邊同佢放鬆一吓先。。。希望呢個甜蜜之旅令佢會好好多，同時我哋感情可以更加好啦！因為我唔想冇咗佢～

分類: 我們的生活點滴

[ 訪客留言(0) ] [ 編輯日誌 ]

« | 107 | 108 | 109 | 110 | 111 | 112 | 113 | 114 | 115 | 116 | ... | 384 | »