一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34195

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 66

累積人氣： 34195

2017 年 4 月 1 日星期六


	煮餐勁

尋晚終於都瞓得著，不過又係好早醒咗。。。究竟幾時先可以瞓番一覺好嘅呢？

今日搞掂啲嘢就去太古城揾家姐，家姐陪我散心～仲同我食日式丼添。。。好好味呀！好耐都冇煮過餐好飯俾啲人食，響吉之島買咗啲雞扒、腸仔、羊架同豬手，返去煮餐勁俾啲人今晚做晚餐，我知道我已經好耐冇煮過啲好嘢俾啲人食，嚟緊呢段日子，我會煮番啲特別啲嘅嘢俾啲人食～要留住啲人個胃吖嘛！

今晚啲人收工就返嚟，服侍完啲人食飯同按摩後，我哋睇咗陣電視，我就返屋企。。。因為想上網睇吓明天煮乜餸俾啲人，同睇吓東京嘅嘢吖嘛！

Bb miss you so much!

分類: 我們的生活點滴

[ 訪客留言(0) ] [ 編輯日誌 ]

2017 年 3 月 31 日星期五


	多謝你

尋晚都係冇乜點瞓～唔知要過幾耐先回復番正常嘅我呢？今日有人放假陪我，有幾耐冇試過一齊放假呢？仲要係一齊搭車出去添～

有人今日成日都好就我，佢話帶我出去玩，佢問我想韓燒定唱k？我知自己心情仲係好差，所以我叫佢揀，其實對我嚟講，只要有佢響我身邊，我一切都會好！結果啲人帶咗我去唱 k ，我玩得好開心架！以前我成日都覺得當我有事嘅時候，佢都會對我愛理不理～但今日當我望住佢好努力咁氹我時，我感受到我真係唔係自己一個～有個傻佬仲帶我去西環 hello kitty 嗰間一田到，話帶我去濕平任買喎！雖然去到我乜都拎上手玩，乜都睇一餐，但我冇扭佢買嘢～

今日佢做咗啲嘢令我覺得好實在，我唔需要用物質去令佢知我嘅存在！今日嘅佢同平時好唔同，佢會拖得我特別實、攬得我特別緊，仲有講唔完嘅話題，我覺得好實在，感受到自己真係響佢嘅心裡面！而且啲人仲話出年就會同我結婚，我好想快啲有份安穩嘅工，我好想真真正正咁做馬太～

我知你今日成日都問我開唔開心，係因為你感覺到我勉強咁笑出嚟，但其實我心裡面真係覺得好 sweet 架！好想每一日都可以俾你攬到咁實、拖到咁實，甚至有講唔完嘅話題，好想你永遠都係我嘅波鞋爸爸！

分類: 我們的生活點滴

[ 訪客留言(0) ] [ 編輯日誌 ]

2017 年 3 月 30 日星期四


	。。。。

呢段日子係我最難過嘅日子，我一直都冇同任何人講過自己嘅感受，包括低能仔同家姐都冇講過，我一直對住任何人都話自己響到做得好開心，每日放工都對住佢哋笑，扮到好開心，我唔想佢哋擔心我。。。因為我以為自己捱到落去，我以為只要捱過就乜事都冇！原來係我高估咗自己～當今朝家姐打俾我時，我嘅壓力已經控制唔到，一次過爆晒出嚟，直到低能仔打俾我，我啲眼淚不停咁流晒出嚟，我覺得嗰一刻我完全冇力行番公司。。。如果當上帝真係關起一扇門，祂會開啟一扇窗。咁我嗰隻窗係咪都一樣會開？我今日成日心情都好差，就算啲人返咗嚟陪我，我都一樣唔想講嘢。。。

分類: 我們的生活點滴

[ 訪客留言(0) ] [ 編輯日誌 ]

2017 年 3 月 29 日星期三


	好怕

今日都係返夜，雖然可以瞓晏啲，但就冇乜時間同啲人一齊～唔似以前返觀塘咁，可以多啲時間見到啲人，好掛住好掛住啲人～

今日返工唔算太忙，因為得兩個客。。。但做完第一個客都要成四點半先食飯，餓到有啲暈暈哋～今晚七點幾有另一個客，做完之後就差唔多收工，其實我開始諗，我係咪應該要轉過另一間美容院喇！

今晚收工就趕返嚟揾啲人，不過我頭痛咗成日，所以冇乜胃口食嘢！我就陪啲人食七仔。。。但啲人講咗啲嘢令我有啲唔開心，其實聽完佢講嘅嘢，我真係介意架！我介意我襯佢唔起，我介意我冇佢眼中其他人咁靚，我一直好怕嗰個問題會出現，甚至會令佢嫌棄我😞或者因為我真係好愛好愛呢個人，所以先覺得好冇安全感，好怕失去佢！好怕有人會取代到我😭

分類: 我們的生活點滴

[ 訪客留言(0) ] [ 編輯日誌 ]

2017 年 3 月 28 日星期二


	死🐱

今日都係返十二點。。。不過尋晚瞓得好差，明明好攰，但三點幾醒咗之後，到六點幾先瞓得番，不過9點又起咗身～

今日成日都係 training ，到615先有客！不過今日響公司食咗隻死🐱，雖然睇得清一個人係點，亦知道以後會避開呢個人，但個人真係好唔開心，不過算啦！多一事不如小一事～反正都食咗呢隻死🐱兼且我知道只要我學晒我要學嘅嘢，我都會走架喇！

今晚收工我嗱嗱臨換衫，因為有人響下面接我，我見到啲人已經覺得好安心～我嘅唔開心即時冇晒，亦冇同佢講我返工嘅嘢！

我哋今晚食麥記，我好想食雪糕甜一甜，食完我哋就搭車返去喇！低能仔，我好想嗲你耐啲，好想癡住你～

分類: 我們的生活點滴

[ 訪客留言(0) ] [ 編輯日誌 ]

« | 114 | 115 | 116 | 117 | 118 | 119 | 120 | 121 | 122 | 123 | ... | 384 | »