一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34205

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 76

累積人氣： 34205

2017 年 3 月 7 日星期二


	我只想

今日係最後一日返旺角，心情好似特別好，因為終於都可以落鋪揾錢喇！咁就可以快啲諗結婚嘅嘢😍我真係好想同啲人結婚生bb，有自己嘅一個家～咁我就可以名正言順咁照顧啲人嘅起居飲食喇！

今晚收工要將公司啲嘢搬走，所以有啲重。。。等埋啲人嚟接我，我哋就去食嘢～見到啲人又係冇乜講嘢，我就諗住食嘢就返屋企，點知啲人帶我去咗夾公仔，傻佬，其實我陣係想同你一齊嘅時候開開心心，今晚我問你係咪陣係對住我先死氣沉沉，我真係想你諗清楚～我唔想你將習慣當成愛我，我亦唔想你勉強同我一齊，我更加唔想見到你唔開心。。。只係因為我真係好愛你！

分類: 我們的生活點滴

[ 訪客留言(0) ] [ 編輯日誌 ]

2017 年 3 月 6 日星期一


	Exam

今日終於都考試喇！因為咁尋晚緊張到冇乜點瞓，幸好今日一切都順利～家姐今日上我公司俾我考試，其實幫家姐做 facial 都幾開心，因為第一個收錢嘅療程，係幫自己親人做～

今晚有人嚟接我收工，我見到啲人真係好開心，因為呢排我哋都見得好少，加上佢又成日心不在焉，所以我更珍惜見佢嘅時候～今晚我哋食飯嘅時候，佢開始冇乜講嘢，食完飯出去時又冇乜表情，嗰一刻我好無奈，兼且即刻冇講嘢同拖住佢嘅時候，都唔想再用力拖～直到佢問我做乜？我講完我最近嘅感受就喊咗出嚟。。。因為我都想我面對緊最大壓力嘅時候，見親佢都會開開心心，始終同佢一齊時係令我感到最放鬆嘅時候，我唔想由最放鬆變為更大壓力。。。

分類: 我們的生活點滴

[ 訪客留言(0) ] [ 編輯日誌 ]

2017 年 3 月 5 日星期日


	已經好多晚了。。。

今日星期日，原本諗住可以抖吓，但最終都係冇得抖。。。功課多到嚇死人！尋晚又瞓得三個鐘，搞到個人更加攰～

今朝有人醒咗就揾我，仲上咗我到拎嘢，一早可以見到佢，係我最開心嘅時候！今朝同爸爸食完嘢就返去整定早餐俾啲人聽日食，之後就開始做功課同預備晚餐俾啲人～

今晚服侍完啲人食飯我就走咗喇！返到屋企又不停做功課，因為聽日考暫時最後一個試，好攰喇！！！做到咁上下我好掛住啲人，我打俾佢不過佢冇聽電話，我估佢又瞓咗😞。。。已經好多日係咁喇！我好掛住佢，好想同佢講 goodnight ，好想佢會氹吓我～依家夜晚好多時揾唔到佢，其實我好驚架……因為佢呢排對住我成日都心不在焉咁😭

分類: 我們的生活點滴

[ 訪客留言(0) ] [ 編輯日誌 ]

2017 年 3 月 4 日星期六


	掛住你

終於都星期六喇！！！返埋今日可以休息一吓～我決定聽日要做番煮飯婆😁😁我要啲人食番我煮嘅飯同早餐！

今晚收工就趕落銅鑼灣揾 Oreo 朱朱力，因為啲人好鍾意食，加上又買一送一，所以我要買俾啲人氹吓佢！等到啲人收工之後，我就陪啲人去食飯，之後我就去食魚蛋～簡簡單單真係好好味……

今晚啲人應該好攰，成晚都冇乜出聲，雖然有啲唔習慣，我想見到精精神神同好熱情嘅佢，希望佢可以早啲瞓啦。。。

分類: 我們的生活點滴

[ 訪客留言(0) ] [ 編輯日誌 ]

2017 年 3 月 3 日星期五


	發皮氣

終於都到星期五，返埋聽日就可以抖吓喇！

今日都係要考試，一切都好順利，時間亦俾之前嘅快～不過亦都有唔開心嘅嘢發生，兼且亦好嬲～嬲到我響公司發皮氣。。。不過算啦！我有低能仔明我，我就足夠架喇！其實我唔鍾意依家呢份工，但為咗我同低能仔嘅將來，我點都會忍落去架！

今晚收工我就去銅鑼灣接啲人，我見到佢之後，就忍唔住講俾啲人知今日嘅事～我講完嗲完佢之後，就乜事都冇喇！今晚啲人俾咗個驚喜我，原來啲人買咗部同佢一樣嘅平版電腦俾我，我好開心呀！不過我其實用之前佢買俾我嗰部都好開心～

我知今晚啲人想我開心，就帶我行咗一陣，仲要係帶我睇啲我鍾意嘅嘢，兼且臨返去前佢仲同我去咗玩，我所有唔開心嘅嘢都放埋一邊，低能仔，你真係我嘅鬆弛熊嚟架～冇咗你我真係唔知點算好～

分類: 我們的生活點滴

[ 訪客留言(0) ] [ 編輯日誌 ]

« | 119 | 120 | 121 | 122 | 123 | 124 | 125 | 126 | 127 | 128 | ... | 384 | »