今日終於都有人同我一齊放假，我十點幾就俾爸爸叫醒咗去食嘢，然後落咗海怡買嘢∼而啲人就出咗去先，我搞掂啲嘢就去揾佢！
今日啲人原本想帶我去荃灣，不過我知佢應該想睇吓啲二手嘢，我就決定去旺角唔去荃灣∼因為只要有佢響身邊，我去邊又有乜所謂？！
陪佢食完嘢我哋就去咗旺中夾公仔，有人夾咗隻兔兔俾我，我好鍾意嗰隻兔兔，好可愛呀∼之後我哋去咗朗豪坊行街，行行吓突然有把好_�H聲叫佢，原來係無著衫嗰個∼今次係我第二次見呢個人，唔知點解我都仲係好有戒心，或者因為我好愛佢，加上無著衫嗰個又靚咗，我好怕佢會睇中嗰個女人∼
今晚有人買咗個銀包俾我，佢知我其實鍾意三百幾蚊嗰個星星銀包，佢想買俾我架∼不過我嫌貴同冇 discount ，最後我揀咗另一個佢之前揀俾我�H銀包，只要係佢幫我揀，我都好鍾意😍個銀包仲有得放相，咁就可以放我哋�H相啦∼
見啲人咁好，我梗係請佢食番餐好啦！我哋今晚食日本嘢∼食完嘢睇咗一陣佢啲嘢，我哋就返屋企喇！我唔捨得咁快就過咗有佢響身邊�H假期，我想癡實佢、攬實佢咁過！
分類: 我們的生活點滴 |
