一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34453

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 24

累積人氣： 34453

2017 年 1 月 20 日星期五


	我們的四十四個月@一刻戀上

我們的44個月

今日原本放假，但因為下星期就新年，加上今日又要返貨，結果今日好忙，忙到喉嚨痛到想飲啖水都唔得～

今晚本來6點都未收得工，其實我都可以留耐啲，因為啲人收8點，不過我唔想再幫阿容做埋佢嗰份，所以我寧願早啲走，出去等啲人收工～

今晚啲人真係想帶我去韓燒，但我又係扭完之後又唔去，我要去食扭扭薯條同麥樂雞。。。我最鍾意就係食呢啲～食完嘢有人帶我行街，我哋見到兩隻小丸子好靚，一隻靚啲但又貴啲，另一隻平啲不過又好似小妹！個傻佬知我其實好鍾意，佢話買俾我。。。仲買咗最貴嗰隻添！

低能仔，我覺得好開心！我真係好鍾意呢隻小丸子，你放心啦。。。佢會每晚都陪住我瞓架！不過我最希望可以帶埋小丸子一齊同你有個 sweet home ～

從前天生天養

遇著你先知我的理想

一個人一生一對象

一刻戀上

分類: 我們的生活點滴

[ 訪客留言(0) ] [ 編輯日誌 ]

2017 年 1 月 19 日星期四


	專心

今日本身放假，但臨時要過NFP盤點，搞到個人好攰！搞掂晒就要去見工，行咗好多路先揾到～

見完工就返銅鑼灣揾啲人，不過我開始覺得唔舒服，個人越嚟越攰，同個人開始好燒，不停咁咳。。。啲人同我食完嘢就帶我睇醫生～啲人知我想慳錢，就話資助我睇醫生，最後我都冇要到啲人嘅錢，因為佢肯咁講我已經好開心～食咗藥個人更攰，之後又陪佢去交收，我攰到開始連嘢都唔想講！搞掂晒啲嘢我哋就去食嘢，然後就搭車返屋企！

其實今晚食完藥後，見佢行吓停吓，又趕住要交收，我真係有啲憫～我只係想佢專心陪我！每次要趕交收，好多嘢都要遷就時間而做唔到！

分類: 我們的生活點滴

[ 訪客留言(0) ] [ 編輯日誌 ]

2017 年 1 月 18 日星期三


	攰

今日返尖沙咀，原本有人幫我計好時間可以瞓到8點半先起身，不過因為爸爸唔舒服，我7點幾就起咗身喇！

今日依然好忙，忙到個人勁攰～收工後就搭地鐵落銅鑼灣接啲人收工……我好掛住佢，一見到佢就想攬實佢！今晚我哋去咗 sogo 食嘢，食我最愛嘅章魚燒，好好味～我最鍾意整晒啲八爪魚出嚟留到最後先食，食到最後一粒我要啲人餵我，啲人話我懶囉。。。但我想講你餵會好味啲！

食完嘢我哋行咗一陣就搭車～今晚啲人好似有啲憫憫哋。。。所以我行到咁上下選擇唔出聲，我唔想最後搞到佢又憫而我又喊！我明白佢都係攰～

分類: 我們的生活點滴

[ 訪客留言(0) ] [ 編輯日誌 ]

2017 年 1 月 17 日星期二


	我好想你

今日返上環，第一次返嗰到，本來以為要早啲起身，但有地鐵可以唔使驚巴士塞車，咁就可以瞓到9點半，仲可以食埋個早餐添～

有人今日都要返工，自從佢媽咪返咗發生嗰件事之後，我覺得我同佢嘅感情好似好咗～佢今朝會主動關心我，又會揾我時講多咗嘢。。。而我就特別掛住佢，比起平時更加想見到佢！

今日返工好忙，因為第一次過嗰邊，所以有好多嘢要處理，仲要收埋啲數先走得，結果個袋好重～收工後就落銅鑼灣等啲人，啲人收工要返咗屋企拎嘢先再出嚟，我唯有乖乖哋響到等佢～我哋今晚只係食完飯，就食埋魚蛋就返屋企，今晚啲人講咗佢媽咪所講嘅嘢後，其實我好擔心，我好擔心有一日我再吸引唔到佢時，佢真係會帶其他人返屋企～一諗到咁，我就好驚喇！

分類: 我們的生活點滴

[ 訪客留言(0) ] [ 編輯日誌 ]

2017 年 1 月 16 日星期一


	唯獨你是不可取替

今日係佢媽咪返嚟嘅日子，啲人特登放假接佢媽咪，而我就依然返工～有人今朝一早就 whatsapp 我，我覆番佢嘅時候，佢已經冇再應我喇！我知佢一定係再瞓番，我有猶豫過打唔打俾佢，因為今朝真係好凍又落雨，我唔捨得佢咁早陪我食早餐！最後我決定打去如果冇人聽，就由佢繼續瞓，點知啲人竟然有聽電話。。。

每次佢媽咪返嚟嗰日，佢都會盡可能抽多啲時間陪我，今朝佢特登早起身同我食嘢，然後就送我搭車返工～

今日返工都好忙，可能臨近新年，所以特別多人買嘢，但其實我心不在焉，因為我好擔心佢媽咪返嚟後會話低能仔，同時亦好驚我做得唔夠好，佢媽咪會唔鍾意我～

有人今晚嚟接我收工，佢講咗俾我知佢媽咪所講嘅嘢，我真係覺得好大壓力，假如我唔重視佢、唔重視呢段關係，我根本唔會咁大壓力同緊張佢媽咪點睇我～所以我今晚冇乜點講嘢！但我知道佢好緊張我。。。

佢係一個好緊張自己嘅人，但今晚佢返到屋企同佢媽咪傾嘅時候，佢為咗我，佢媽咪開出嚟嘅條件佢全部應承晒（希望係為咗我😂）其實我真係好想可以同佢搬出去，有一個我哋嘅空間，咁樣佢就可以舒舒服服咁生活！希望呢啲日子可以快啲到～

低能仔，“唯獨你是不可取替”呢首歌，我真係想送俾你架！

分類: 我們的生活點滴

[ 訪客留言(0) ] [ 編輯日誌 ]

« | 128 | 129 | 130 | 131 | 132 | 133 | 134 | 135 | 136 | 137 | ... | 384 | »