jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34753 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 35
累積人氣： 34753
RSS Feed
2017 年 1 月 5 日  星期四   晴天
喊。。。
尋晚成晚冇瞓過，個頭痛得好緊要，我食極止痛藥都止唔到痛∼到咗6點幾先勉強瞓到一陣，不過都係瞓吓醒吓，直到低能仔打嚟叫醒我！

今日有人帶我去旺角，起初因為個頭好痛，所以我冇乜心機，幸好揾到嗰隻神經線藥，食咗先好啲！當心情慢慢好番時，屎人、阿容同家姐�H whatsapp 令我跌入谷底，平時有低能仔響身邊，就算我遇到啲乜嘢唔如意�H事，我都會吞晒落肚，但今日我好冇用，響佢面前我喊咗出嚟∼個傻佬以為因為佢自己係咁玩電話而整喊我，起初我乜都唔肯講陣係攬住佢喊，直到佢氹咗我好耐我先肯講！

有人知我心情唔好，佢帶我去食、食、食、玩、玩、玩😂😂佢夾咗好多公仔俾我，兼且食咗好多嘢，我知佢係想氹我開心，所以我都盡力扮冇嘢，盡力笑唔俾佢擔心！其實我好攰。。。




 


分類: 我們的生活點滴
 [ 訪客留言(0) ] [ 編輯日誌 ]

2017 年 1 月 4 日  星期三   晴天
投資
今日休息。。。我瞓到成十二點先起身∼醒咗我就出去買餸煮飯俾啲人食！

唔知點解今日個人好攰，好想瞓但又瞓得唔好∼每次醒咗雙手都好攰，呢排仲要瞓覺�H時候，除咗雙手拳頭“呃”到好實外，最近呢兩日啲牙都咬到好緊，所以醒咗連牙骹位都好攰，搞到連頭都好痛！四嬸話我精神緊張得滯。。。其實我都想 relax 一吓！

今晚啲人收工就返咗嚟，我拎埋啲嘢就過咗去，不過我冇乜點講嘢，我依然都係拎住個電話睇嘢，因為我真係好想煮唔同�H嘢俾人食，特別係“大判燒”！不過啲人話我成日睇囉∼仲話我同佢�H分別就係我睇嗰啲唔係賺錢。。。但我想講整好嘢食俾你，對我嚟講都係一種投資，投資響你�H健康身上！ 


分類: 我們的生活點滴
 [ 訪客留言(0) ] [ 編輯日誌 ]

2017 年 1 月 3 日  星期二   晴天
唔想再係咁
今日返銅鑼灣，真係好又可以瞓得晏一啲∼

今日返工唔算太忙，所以個人都好得閒。。。而啲人就返旺角，佢今日雖然好小揾我，但就打咗兩個電話俾我，夜晚收工就過嚟接我！

今晚我哋食完飯就去咗買日用品，然後就搭車返去∼搭車�H時候，我冇乜講過嘢，陣係拎住部電話睇嘢！我知佢都感覺到我有啲嘢，但我寧願連我都拎住部電話，總好過見住佢掛住睇二手嘢而黑面，我真係唔想再為咗咁而令到大家都唔開心！ 


分類: 我們的生活點滴
 [ 訪客留言(0) ] [ 編輯日誌 ]

2017 年 1 月 2 日  星期一   晴天
錯過
今日係2017年首個工作日，我要返觀塘。。。好早好早就起身∼個人都係好眼瞓！響車�H時候，有人已經醒咗打俾我，兼且返到公司仲收到“幾”日一篇添！

睇完佢嗰篇“幾”日一篇，其實我係感動架！佢終於都知原來會因為交收而冷落我，亦因為交收而忽略咗我好多嘢∼好多時我會放嘢上 facebook 、tag 佢睇啲嘢、煮唔同嘢俾佢食，甚至攰都會幫佢執屋，就係想佢會留意我一啲，想佢知道我�H存在。。。其實我返工同屋企已經好大壓力，每一晚都瞓唔好，瞓醒同返工時，雙手永遠都係握實拳頭，再面對住佢咁，我壓力其實更大，個人覺得更寂寞😭

今日響公司時間過得好快，因為好多人返嚟陪我，加上又好忙，眨眼就收工，而啲人就嚟接我。。。不過都係因為交收而遲到！今晚有人請我食飯，仲請我食抹茶雪糕同布甸……我哋食完嘢就行咗一陣，當我望見佢錯過咗兩件二手嘢而唔開心時，我個心即刻沉咗落嚟∼我都好想如果佢錯過咗我任何一樣嘢，佢都會有一樣感到唔開心�H時候！ 


分類: 我們的生活點滴
 [ 訪客留言(0) ] [ 編輯日誌 ]

2017 年 1 月 1 日  星期日   晴天
第一日
除夕、新年假期話咁快就完結，聽日又要返工喇！而啲人聽日就放假。。。

今朝同爸爸飲完茶就去買餸，因為今晚啲人收9點，所以我就煮定嘢等佢返嚟食，2017年�H第一餐真係豐富，煮啲人最愛�H辛辣麵！

今晚十點幾先過佢到，陪佢食完嘢，我哋睇咗一陣電視我就走咗喇！其實我好想癡佢耐啲，但我仲要返去洗埋啲嘢，同埋聽日又返早∼唯有乖乖哋咁返去做阿四😞 


分類: 我們的生活點滴
 [ 訪客留言(0) ] [ 編輯日誌 ]


« | 131 | 132 | 133 | 134 | 135 | 136 | 137 | 138 | 139 | 140 | ... | 384 | »