jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34213 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 6
累積人氣： 34213
RSS Feed
2016 年 12 月 25 日  星期日   晴天
我們的聖誕節
今日係聖誕節，可以瞓晏啲∼不過十點幾就俾爸爸叫醒咗。。。起身之後就係咁打乞嗤同流鼻水，個人仲好攰好攰。。。

本來諗住今晚煮聖誕大餐同啲人撐枱腳，不過我個人真係好攰，最後就返咗屋企瞓覺。。。但有人今日都有打電話俾我，仲話買咗啲我好鍾意�H嘢俾我，兼且有現金獎！最後當然係冇現金獎啦。。。。

今晚啲人收工就返嚟，佢買咗盒我之前扭計要買�H朱古力俾我，仲有  cream brulee 俾我。。。我哋仲去咗食麥記，又去夾公仔∼其實我覺得好開心，不過我仲係好攰，個鼻仲好唔舒服！

今晚響屋企二人世界咗一陣就返屋企，因為我聽日又要返好早∼好想擺脫呢到。。。。 
 
 

 


分類: 我們的生活點滴
 [ 訪客留言(0) ] [ 編輯日誌 ]

2016 年 12 月 24 日  星期六   晴天
我們的平安夜
今日係平安夜∼我哋上年一齊放假，但今年就一齊返工∼我仲要9：30返到公司做嘢，個人好攰好攰。。。

今日啲人都係冇乜揾我，好掛住佢呀！其實我仍然唔習慣啲人冇乜揾過我。。。好唔容易先捱到收工，本身“咩”住個士巴拿好重，個人又好攰∼但我好想好想俾個驚喜佢，我行咗好耐揾一份聖誕禮物俾佢，本來諗住請佢食餐好，但諗諗吓不如買份有用�H嘢仲實際，其實我睇中咗對 Adidas �H鞋俾佢，我好鍾意嗰對，但我怕佢唔鍾意，最後買咗對 all-star 俾佢，點知原來佢鍾意 Adidas 多啲。。。我又揀錯嘢！

我帶埋份禮物上咗啲人公司等佢，不過啲人掛住傾計遲咗出嚟∼今晚我哋簡簡單單食咗餐飯，啲人話買隻介子俾我做聖誕禮物，不過我唔想因為咁佢先送俾我，我好想嗰隻介子係佢自願，而且係有意思先買俾我！其實想氹我開心，佢應該知道點做架！

今晚我哋行咗一陣就走，因為啲人俾我更攰。。。 


分類: 我們的生活點滴
 [ 訪客留言(0) ] [ 編輯日誌 ]

2016 年 12 月 23 日  星期五   晴天
聖誕大餐
今日一早起身返工，又係好忙�H一日！結果又係好攰。。。好難先捱到收工∼

收工後就趕落銅鑼灣揾啲人，啲人今日冇乜揾過我，我好掛住佢！有人今晚提早帶我食聖誕大餐，本來佢話韓燒，但我死都唔肯。。。結果我哋就去食沙嗲王，不過都好貴呀！我有啲心痛∼

食完嘢我哋就返去，但有人唔記得上嚟拎士巴拿，佢想我聽朝拎俾佢，不過我每逢星期六都好趕，我根本趕唔切拎俾佢，我又唔想佢夜媽媽走上嚟，唯有我聽日袋埋返工，低能仔，我做�H依然都係為咗你！ 


分類: 我們的生活點滴
 [ 訪客留言(0) ] [ 編輯日誌 ]

2016 年 12 月 22 日  星期四   晴天
攰
今日係假期�H最後一日，我一早起身就要揾些娜豬 gel nail ~然後就要買餸，再幫低能仔買埋佢吩咐�H嘢，我就要做阿四喇。。。因為我今日要幫人執屋！

可能太耐冇執屋，所以都整咗好耐，個人好攰。。。。但為咗佢舒服啲，攰都冇所謂，不過啲人今日都冇乜點揾過我∼搞掂晒啲嘢我就趕返屋企整嘢煮飯，佢今晚收工就返咗嚟！

佢響樓下等埋我先返屋企，有人好乖咁飲晒啲湯同食晒啲飯∼兼且仲帶咗份小禮物俾我，個傻佬原來去咗揾我想要嗰支黑色唇膏，好靚我真係好鍾意∼低能仔，多謝你！

有人今晚係咁揾餐廳，諗住24号帶我去食餐好，傻佬，嗰日食飯真係好貴架！我唔捨得用咁貴去食餐飯。。。其實我真係簡簡單單就得架喇！ 


分類: 我們的生活點滴
 [ 訪客留言(0) ] [ 編輯日誌 ]

2016 年 12 月 21 日  星期三   晴天
冬至
今日係冬至，原來爸爸今日放假，佢好早就叫醒我去飲茶，我哋倆個撐枱腳食咗個冬至早餐∼之後就去買餸今晚煮俾低能仔！

返到屋企就嗱嗱臨換好自己同家姐�H床單被鋪，本來諗住可以瞓一陣，因為個胃同肚都仲好唔舒服，但姑姐打嚟叫我過阿麻到，結果都係冇得抖！過到去就落去接 bb 放學，跟住又買餸預備今晚哪冬至飯，其實我好攰。。。

今晚食完飯就返屋企整啲人�H晚餐，啲人收夜成十點先返到，我就拎埋啲嘢過去∼今晚個人好吽同好攰，我冇乜嘢講，但我又唔想佢發現，我就響到搞搞震！我知佢都好攰。。。所以我幫佢按摩埋同開埋爐就走咗！放心啦。。。聽日你返到嚟間屋就會香噴噴同有飯食架喇！ 


分類: 我們的生活點滴
 [ 訪客留言(0) ] [ 編輯日誌 ]


« | 133 | 134 | 135 | 136 | 137 | 138 | 139 | 140 | 141 | 142 | ... | 384 | »