一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34646

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 6

累積人氣： 34646

2017 年 2 月 14 日星期二


	我們的情人節

今日係情人節，有人神神秘秘咁約我響中環等，但又唔講帶我去邊，原來係去愉景灣～

呢個地方真係好靚，我咁大個女第一次去，雖然愉景灣冇乜嘢行，但我都已經好滿足～因為佢第一次咁有心思咁預備一個節目俾我！

夜晚我哋返咗銅鑼灣，啲人帶我睇 c allstar 我終於可以好近咁見到安仔喇～安仔真係好靚仔呀！不過啲人呷醋話我發姣呀。。。

行咗一陣我哋就去食嘢，只係簡簡單單咁食咗餐麥記，今晚食麥記真係舒服，因為個個去晒食情人節大餐，結果個麥記冇乜人，哈哈。。。

低能仔，多謝你帶咗一個浪漫嘅情人節俾我！

分類: 我們的生活點滴

[ 訪客留言(0) ] [ 編輯日誌 ]

2017 年 2 月 13 日星期一


	最後一日

今日係我響呢間公司嘅最後一日，起身嘅時候，我依然好病同好燒，但我都有返工～

返到去其實我冇乜特別大嘅感覺，好似冇乜唔捨得，不過今日都有好多同事都過咗嚟揾我～總算都過咗一日開心嘅一日。。。而且最後一日生意亦特別好，就係咁就華麗結束咗呢幾年嘅工作！

今晚有人嚟接我收工，上到嚟一模我個頭知我個頭好罄。。。不過有人特別攰，我明白佢都有攰嘅時候，但我真係好心痛，我唔想佢咁夜瞓，因為每次佢攰我都會唔知點，只有唔出聲～

今晚我哋提早食情人節大餐，我哋食意粉～我諗過埋今晚應該都冇乜機會嚟觀塘，所以食完嘢我哋就響 APM 行咗陣，跟住就搭地鐵返屋企～

低能仔，多謝你今日份禮物，以後我又可以煮多啲嘢俾你食喇！

分類: 我們的生活點滴

[ 訪客留言(0) ] [ 編輯日誌 ]

2017 年 2 月 12 日星期日


	大傷風

今日終於都放假，連踩六日可以瞓晏啲，瞓到十一點先起身～不過依然都係大傷風，個人比尋日更攰。。。

難得一日放假，買埋返工啲鞋同襪，我就去買餸整俾啲人食，本來諗住下晝可以瞓一陣，但想整大判燒俾啲人聽朝做早餐，所以忙咗一個下晝。。。夜晚又返阿麻到食飯，跟住又趕返屋企煮飯俾啲人，結果我成日都冇瞓過！

啲人收工就返咗嚟，我拎完啲嘢過去服侍啲人食飯之後，我哋就一齊睇電視，不過我好唔舒服，坐咗一陣就走咗喇！我真係好唔舒服呀。。。嗚嗚～

分類: 我們的生活點滴

[ 訪客留言(0) ] [ 編輯日誌 ]

2017 年 2 月 11 日星期六


	我們的元宵

今日返觀塘，一早就起身！不過又傷風同發燒，但我都有返工！響公司好辛苦，又發冷又傷風同係咁咳。。。下晝仲要開始發燒！

今晚返咗阿麻到做節，因為係元宵～啲人見我發燒就叫我唔好煮飯，起初佢話今晚唔返嚟睇我，我即時好唔開心～我好想元宵同佢一齊過！因為佢係我最愛嘅人。。。最後我決定坦白同佢講今日係情人節，結果個傻佬話返嚟同我去食湯丸，嘻嘻。。。

今晚啲人返嚟我就即刻嗲佢，陪佢食完嘢，啲人就帶我去大街食糖水，雖然冇湯丸食，但都食咗碗好甜嘅糖水，因為我哋一碗糖水兩份食！食完嘢啲人仲帶我去百佳濕平，個傻佬諗住買好多嘢俾我食，但最後我陣係揀咗我最愛嘅 apple 😍兼且啲人仲送埋我返屋企添！呢個元宵過得好 sweet sweet ~

低能仔今晚你同我講嘅嘢其實我一直都知，我有叫自己唔好亂諗嘢，但呢排當你同我見面再冇點理我嘅嘢，再冇點睇我嘅嘢，甚至好小揾我時，我就控制唔到諗你係咪唔再愛我？其實咁樣我都覺得好辛苦，可能越在乎越愛就係咁～就正如我好想感受你仲好愛我，我今朝 send boss whatsapp 俾你聽，只係想再一次感受一吓你對我嘅緊張。。。不過～

分類: 我們的生活點滴

[ 訪客留言(0) ] [ 編輯日誌 ]

2017 年 2 月 10 日星期五


	辭職

今日終於都簽約，同時亦辭咗職！所有嘢都好似定晒落嚟，但又好似好唔穩定咁。。。其實我個心好唔知點，我唔知我個決定有冇錯，我將來又會點？我只知我今日成日都陣係響到“唉”～

今日辭職嘅時候，波屎所講嘅嘢令我有啲猶豫，我知道佢同 Irene 都一直好錫我，對我好好！我都好慶幸自己遇到呢個老闆～只可惜我知道我響呢到根本冇可能有出路，想將來可以好啲，只有學做美容師先可以繼續行落去，其實我唔係想放棄化妝，我真係好鍾意化妝，但化妝呢一行真係已經飽和，競爭實在太大，想可以收入穩定，根本係一件難事！

今晚收工我就去銅鑼灣揾啲人，但啲人忙住約交收嘅嘢，所以我哋都冇乜點好好傾過。。。甚至上到車連我都只係望住個電話，大家嘅話題真係越嚟越小～我開始擔心喇！

分類: 我們的生活點滴

[ 訪客留言(0) ] [ 編輯日誌 ]

« | 123 | 124 | 125 | 126 | 127 | 128 | 129 | 130 | 131 | 132 | ... | 384 | »