一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34389

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 28

累積人氣： 34389

2017 年 1 月 25 日星期三


	是日收爐

今日係新年前最後一個工作天，過埋今日就放假放到 3-2-2017 先開工！

今日返銅鑼灣，一早預咗會好忙，但冇諗過由返工忙到收工都冇停過，仲要中間有新人嚟 train ，可以抖氣嘅時間都冇！

有人今日原來返銅鑼灣，臨返工前上咗嚟睇我，不過我返咗貨，忙到一頭煙😭結果佢好快就走咗。。。食飯嘅時候，我去咗揾對鞋俾佢，我知佢好鍾意但又唔捨得買，假如我今日唔買俾佢，要等到過咗年先買得～希望佢鍾意呢份禮物啦！

收工有人過咗嚟接我，我哋食完嘢買埋紙巾就返屋企，今晚我哋冇乜嘢講。。。其實我好想嗲佢架 😖

分類: 我們的生活點滴

[ 訪客留言(0) ] [ 編輯日誌 ]

2017 年 1 月 24 日星期二


	我需要你

今日都係放假，條腰都仲係好痛～本來諗住瞓響床休息，但爸爸唔俾，要我起身行吓。。。咁樣先會快啲好！

有人今朝又趕返學，結果又冇食到早餐。。。既然係咁，而爸爸又叫我郁吓，咁我就出去買嘢整大判燒俾啲聽朝做早餐，兼且買埋餸煮飯俾佢今晚食～

有人今晚收工就返咗嚟～我哋都係響樓梯口食飯。。。我終於都可以嗲佢同攬佢喇！呢幾日我哋都陣係見得好小，我真係好掛住佢～好想攬實佢嚟嗲！特別係整親條腰咁痛嘅時候，我更加需要佢～

分類: 我們的生活點滴

[ 訪客留言(0) ] [ 編輯日誌 ]

2017 年 1 月 23 日星期一


	受傷

尋晚半夜去洗手間時，唔小心咁跣咗落地，撞咗落個廁所到，結果痛到抖唔到氣，仲要行又痛、企又痛、坐又痛、瞓又痛，就連抖啖氣都覺得痛～我只係想低能仔如果呢一刻可以響我隔離咁就好！好想試吓有事嘅時候，佢響我身邊照顧我。。。

今日成日都瞓響床冇郁過，一直等啲人揾我～今晚啲人要去婆婆到食生日飯，我就自己去睇醫生！林德华話我整親條根同肌肉，幫我打咗支針，同開咗一堆藥俾我，仲要我聽日都要休息。。。

今晚啲人食完飯就返咗嚟揾我，仲帶咗我最鍾意嘅阿默蛋糕俾我，原來啲人叫豪b響台灣帶番嚟俾我～走嘅時候，有人好細心咁扶起我，如果一世都有人照顧我就好喇！我想嗲啲人一世～

分類: 我們的生活點滴

[ 訪客留言(0) ] [ 編輯日誌 ]

2017 年 1 月 22 日星期日


	吉士大判燒

經過尋日嘅黑色星期六，今日過咗一日寧靜嘅星期日～尋晚因為冇去接啲人，啲人成晚冇乜點理我。。。我個心其實好痛！

今日成日都響屋企休息，因為呢排真係忙到癲，個人好攰好攰～但我都有好努力咁去整定嘢食等啲人返！今日除咗煮飯外，仲整啲人最想食嘅“吉士大判燒”……原來大判燒唔係好難整，因為我上 YouTube 做咗好耐功課，只係好想整啲人鍾意食嘅嘢，只係好想啲人開心、覺得幸福～

今晚啲人收工就返咗嚟，我哋響樓梯口食飯，我以為我哋尋日成日冇見，啲人見到我一定會好開心咁攬實我，點知係冇架囉😭😭食完嘢啲人陪咗我一陣就走咗喇！

低能仔，我好驚過咗一晚就冇咗個男朋友、冇咗個老公～我唔想再同人分享你。。。你陣係可以屬於我一個人！

分類: 我們的生活點滴

[ 訪客留言(0) ] [ 編輯日誌 ]

2017 年 1 月 21 日星期六


	黑色星期六

今日絕對係我嘅黑色星期六，從未試過咁黑仔，從未試過嬲到差啲問候人媽咪，從未試過唔開心到唔夠膽見啲人。。。

今日返工好忙，個人好攰亦好嬲。。。收工後就趕落灣仔食團年飯，不過我都係冇乜點講嘢，心情依然好差～原本啲人收工後話剪完頭髮嚟接我，但因為我知自己會黑面，結果我冇見到啲人，其實我好掛住佢！

唔知點解今晚冇見到啲人，我竟然覺得距離即時遠咗，除咗我 whatspp 佢嘅已讀不回外，當佢答我嘅嘢好似得個單字，甚至明明 online 但又唔理我，我突然覺得我好似冇咗佢咁！

分類: 我們的生活點滴

[ 訪客留言(0) ] [ 編輯日誌 ]

« | 127 | 128 | 129 | 130 | 131 | 132 | 133 | 134 | 135 | 136 | ... | 384 | »