今日係突如期來�H假期，因為今日要見工∼而啲人今日都係放假，咁都好�H。。。咁佢就可以好好抖番夠，下星期佢媽咪返咗，佢就好難可以瞓得好架喇！
今日都瞓到成點先起身，個人仲係好攰，冇乜力咁！見完工就返香港仔等啲人，不過等極都等唔到啲人覆我，我落到香港仔又見佢冇聽電話，我又覺得好凍，我就 whatsapp 佢同佢講我唔等佢，直到我臨上車前，佢先打俾我，不過佢講嘢特別細聲，同平時好唔同，我好驚真係好驚∼
啲人唔使20分鐘就出咗嚟，之後就帶我去食最愛�H車仔麵，同去咗冒險樂園玩∼我突然攬住佢咬咗佢一吓，佢好痛�H時候，我行過去同佢講對唔住時，佢推開咗我。。。我驚到喊咗出嚟∼嗰一刻佢係咁氹我，我好想佢氹我一世，氹足我一世！
夜晚我返咗屋企先，我搞掂埋啲嘢就煮嘢俾佢食，因為我好想慳錢，我今個月都冇乜錢可以用，我只可以慳得就慳，所以唯有難為低能仔食我煮�H嘢∼嚟緊只要我放假，我諗都要辛苦你食我煮�H嘢！
今晚有人真係好專心咁陪我，得番兩晚可以二人世界∼我好唔捨得。。。假如每一晚都可以攬住瞓，每一晚都可以煮定飯等佢返，每一晚都可以俾佢抱我上床瞓，係我最大最大�H希望！
低能仔，其實假如我中咗六合彩�H，我唔係想識過另一個，而係想即刻同你結婚，有屬於我同你�H一個家∼
分類: 我們的生活點滴 |
