一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34708

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 4

累積人氣： 34708

2016 年 12 月 15 日星期四


	二人世界

今日係我同啲人真真正正二人世界嘅日子～原本啲人今朝要去銀行，平時嘅佢，多數都會自己出去先，然後返嚟接我……但今日啲人帶埋我去，嘻嘻！！搞掂啲嘢就開始今日嘅旅程。。。

有人去完銀行，就帶我去食車仔麵，我真係好鍾意食車仔麵，因為真係好好味！食完嘢我哋就去尖沙咀喇～今日有人買咗好多嘢俾我，特別係我最愛嘅小丸子，個傻佬本身想買埋嗰套小丸子加花輪同學俾我，雖然好鍾意，但我唔捨得佢買，所以睇咗當買咗。。。我哋仲揾到小丸子同小玉同學嗰個影相嗰張櫈，啲人話因為係補祝我生日，所以先同我自拍囉！其實咁樣我仲開心過收禮物～因為呢啲合照係一生一世嘅禮物！

去完美麗華，我哋去埋海港城睇企鵝（其實係雪人😝）不過啲人整喊咗我，每次俾佢話我都忍唔住喊～但我冇嬲佢架！只係唔知點解對住佢會特別易喊。。。尤其係佢話人哋啲女朋友點點點點～去完尖沙咀就去旺角～啲人同我去食好多嘢，本來佢死都要帶我食韓燒，咁貴梗係唔去啦！雖然我成日扭計要食，但都唔係真係要食，我食魚蛋已經好滿足啦～

低能仔，我今日真係好開心好開心好開心，多謝你俾咗我開心嘅一日！

分類: 我們的生活點滴

[ 訪客留言(0) ] [ 編輯日誌 ]

2016 年 12 月 14 日星期三


	失眠呀！！！

尋晚明明好攰。。。但都瞓唔著！成個腦陣係諗住低能仔～期待電話會響，會有每日一篇嘅出現，結果當然係冇啦！

今日返銅鑼灣。。。又可以晏啲先返，而啲人就放假～我落到街食早餐嘅時候，啲人打電話俾我，佢話我唔叫佢陪我食早餐喎～其實我好想架！但見佢尋晚又冇提起，我以為佢唔會想同我食，點知啲人即刻落嚟揾我，我梗係嗱嗱臨去買多份早餐啦！真係好，一早就見到佢～

今日返工都忙同多嘢做，好快就食飯！啲人知我放飯就打嚟陪我傾咗一陣。。。低能仔，我好鍾意今日咁嗲嘅你！收工之後有人嚟咗接我，我哋去咗食大餐“麥當當”！個傻佬叫咗好多嘢俾我食，全部都係我最鍾意食嘅嘢，坦白講食乜都冇所謂，最緊要係你笑住同我一齊食！不過我又痛番得好緊要喇。。。

食完嘢我哋就行咗陣～我發現到咗依家，我都仲係好鍾意嗲佢買嘢食，但每次嗲完就算，到佢諗住買俾我嘅時候，我又放番低拖佢走！其實每次嗲佢買嘢食我都好開心，一來見到啲嘢食已經好興奮，二來就係每次咁樣，佢都會陪我癲同氹我～講真我又點會捨得要佢買吖！

聽日就係二人世界喇！有人話同我補祝番生日，我好期待～

分類: 我們的生活點滴

[ 訪客留言(0) ] [ 編輯日誌 ]

2016 年 12 月 13 日星期二


	一個人

今日依然係一個人嘅假期～今朝喊醒咗。。。因為尋晚發惡夢，夢到佢收埋咗個小三俾我發現咗～唔知係咪因為佢最近小咗理我，個人冇乜安全感，所以潛意識發咗個咁嘅夢！低能仔，我好愛你～

醒咗之後，我就去買餸煮飯俾啲人今晚返嚟食。。。我好想氹啲人開心，諗住俾個 surprise 佢～我決定整薯餅俾佢，我想佢知屋企有個人永遠都將佢放響心到！

啲人收工就返咗嚟。。。我見佢又攰，應該又餓，所以我飯都冇食，就拎咗俾佢先！我肚餓冇所謂，只要佢食得飽就得喇。。。服侍完佢食飯同幫佢按摩，我自己先返去食飯～低能仔，你永遠都係第一位！響你心目中嘅我又係咪呀？

分類: 我們的生活點滴

[ 訪客留言(1) ] [ 編輯日誌 ]

2016 年 12 月 12 日星期一


	壽喜燒

今日返觀塘，又要一早起身～好攰呀！

響公司睇咗好多課程嘅資料，我知道如果我想自己有更好嘅將來，呢條暫時係唯一嘅出路，始終依家呢間公司唔會係我想行嘅路～轉咗工之後，就算將來發生啲乜嘢事都好，又或者有人要離開我，起碼我都可以照顧到自己先！雖然依家都唔係佢照顧我😂

今晚收工我過咗旺角等佢收工，尋晚有人話買隻介指同我求婚，我預咗佢講吓，所以我冇乜特別失望～只係諗其實會唔會有呢一日？如果有嘅話，個情景又會係點呢？

有人今晚帶我食壽喜燒，我終於可以好舒服食餐飽飯喇！但肉嗰方面，始終都唔係好食到，只係食得好小～不過我已經好開心。。。如果每晚都係笑住食飯咁就好！

食完嘢我哋行咗一陣就走，我不停咁咳。。。咳到要啲人帶我買藥！上咗食咗啲藥好攰，瞓到唔知醒起身，對唔住呀！要你陪我行返上嚟，仲搞到你粒聲都唔出。。。

分類: 我們的生活點滴

[ 訪客留言(0) ] [ 編輯日誌 ]

2016 年 12 月 11 日星期日


	發皮氣

今朝有啲人一早就 whatsapp 我，仲有每日一篇添。。。佢返工前打咗個電話俾我，我就去買餸今晚煮俾佢～

其實有啲嘢我知架！但有時真係需要實質嘅肯定，實質嘅感覺。。。今晚我發咗佢一個好大嘅皮氣，以前我唔會捨得咁對佢，就算有乜都吞晒落肚～但今晚我真係心攰到忍唔到！我有諗過就咁走咗就算。。。我有諗過俾佢感受吓再冇我響佢身邊係咪更適合佢？！咁樣係咪會好啲？

謎似是你看似沒法一起

就算收不到訊號仍找你

難極都不放棄遲早可給你看得起

誰是你？有愛就有傷悲

但我更加想親近你

進入了禁地別貪生怕死

難關必須勇氣

分類: 我們的生活點滴

[ 訪客留言(0) ] [ 編輯日誌 ]

« | 135 | 136 | 137 | 138 | 139 | 140 | 141 | 142 | 143 | 144 | ... | 384 | »