一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34518

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 5

累積人氣： 34518

2016 年 12 月 20 日星期二


	我們的四十三個月

我們的43個月

不經不覺已經嚟到第43個月喇！我依然好慶幸能夠遇到你～

今日一早啲人就打嚟叫醒我，因為要開始今日嘅節目。。。響我哋去到彩虹嘅時候，佢突然發生咗件小意外，望住前面嘅佢，我驚到傻咗！我好驚佢會整親，我好驚佢會有事～嗰一刻我好想行上前，但佢已經一支箭咁走咗～直到佢搞掂啲嘢，我先可以睇吓佢有冇受傷，幸好只係擦損咗小小！低能仔，你要記得以後去邊都要拖實我，我有事總好過你有事呀～因為我發現呢件事之後，我係幾咁怕冇咗你！

搞掂晒啲嘢我哋就去觀塘，本來想去唱K，但點知 full 晒！跟住諗住去食韓燒，但又得一個鐘。。。然後諗住食小丸子，不過一來太多人，二來又太貴，我唔捨得！最後食我好想食嘅肉醬意粉加檸檬茶～好味道👍低能仔，貴嘢同平嘢都係放落肚，我寧願同你食平啲，咁就可以試到多啲唔同嘅嘢啦！都係嗰句有你響身邊，就算係咖喱魚蛋我都好滿足～

去完觀塘就返深水埗，今日啲人好細心，拖住我嘅時候，突然問我係咪仲係好痛？原來佢察覺到我唔舒服，佢帶咗我去買藥食。。。低能仔你真係細心咗好多～我哋響深水埗四圍行，仲去咗玩添呀😁夜晚仲響麥記食我最鍾意嘅雞翼同 shake shake 薯條，好開心！基本上啲人話我有得食就得😂😂

今晚啲人帶咗我返屋企二人世界，我最享受就係咁，因為可以幫你按摩，你攬住我瞓，係最最最幸福嘅時候！

分類: 我們的生活點滴

[ 訪客留言(0) ] [ 編輯日誌 ]

2016 年 12 月 19 日星期一


	有你就足夠！

今日返觀塘。。。一早就起咗身，不過唔知係咪呢幾日嘔得太勁，搞到左邊背脊好痛，手都舉唔高！有人尋晚好早就瞓咗，今朝醒咗就 whatsapp 我，仲講埋啲令我好 sweet 嘅嘢添！

今日返工成日都心不在焉，因為好掛住啲人，好想快啲放工去揾啲人！收工就即刻過咗銅鑼灣，啲人一見到我就攬實我～個傻佬又話同我食韓燒當係“我們的43個月嘅禮物”我梗係唔肯啦～我陣係食美心都已經夠飽喇！食完飯我哋四圍行咗一陣，我知佢已經好攰，但都要同我行街，仲同我四圍影相自拍添。。。低能仔，我真係覺得好開心～有你就足夠架喇！

分類: 我們的生活點滴

[ 訪客留言(0) ] [ 編輯日誌 ]

2016 年 12 月 18 日星期日


	保持温度

今日都仲係又屙又嘔～朝早起身冇同爸爸出去食嘢，因為係咁出冷汗同睇到好多雪花。。。爸爸就買腸粉同藥俾我，不過食完啲腸粉同藥之後，我又嘔返出嚟～最後下晝我連同四嬸飲茶都冇去！

響屋企抖到4點幾，我就落街買餸，今晚啲人收9點，所以我煮定飯等佢返～今晚煮咗咖喱雞扒珍寶腸飯、芝士焗大蝦、XO 醬炒雜菇、蝦醬五花腩同節瓜粉彩湯！好想佢同爸爸收工返嚟都有餐好餸食～

今晚啲人收工就返咗嚟，我帶埋啲飯同埋“我們的44個月禮物”俾佢，有人睇完份禮物喊咗出嚟。。。。其實我堅持每年都整一本相簿俾佢，係希望佢會記起我哋之間嘅甜蜜嘢，希望我哋嘅感情唔好冷卻落去，可以繼續 keep 住呢段感情嘅温度！低能仔，希望你鍾意呢份禮物😘

分類: 我們的生活點滴

[ 訪客留言(0) ] [ 編輯日誌 ]

2016 年 12 月 17 日星期六


	Oreo 布朗尼

今日都仲係又屙又嘔。。。基本上都係冇乜食過嘢！瞓到下晝嘅時候，我就起身整oreo布朗尼，好想啲人開心吓～

今晚同 win win 佢哋去食飯，我食咗個熱狗叫“秋田犬”😂其實我的確係比佢個名吸引，不過又真係幾好食，好想帶低能仔去試吓呢隻“秋田犬”呀！

食完飯嗱嗱臨去揾啲人，啲人帶我去香港仔換 bello 個煲同暖水壺～去到香港仔海旁見到啲燈飾超靚，係我最愛嘅紫色～好浪漫呀！我梗係要捉住啲人自拍啦，哈哈。。。搞掂啲嘢就陪啲人食飯，我買定嘢等佢響屈臣屎出嚟有得食～我呢個老婆算係咁喇掛……

分類: 我們的生活點滴

[ 訪客留言(0) ] [ 編輯日誌 ]

2016 年 12 月 16 日星期五


	又屙又嘔

尋晚開始又屙又嘔，成晚都冇瞓過～

今日成日都響屋企抖，而啲人就返九龍灣。。。陰公豬一定好攰！

今日睇完醫生之後就去買餸俾啲人食。。。佢收工交收埋就返嚟！我上到佢到就即刻攬住佢，唔舒服到想嗲佢！服侍埋佢食飯、按摩同開埋爐，我就走喇！低能仔，我真係好掛住你，好想每晚都有你氹我瞓！

分類: 我們的生活點滴

[ 訪客留言(0) ] [ 編輯日誌 ]

« | 134 | 135 | 136 | 137 | 138 | 139 | 140 | 141 | 142 | 143 | ... | 384 | »