一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34250

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 43

累積人氣： 34250

2016 年 10 月 31 日星期一


	我們的萬聖節

今日要返工喇～依然係返觀塘。。。又要一早起身，不過醒咗就見到啲人 whatsapp ，我已經好開心！

今日返工都係好忙，但就唔係忙公司嘢，而係忙住上網睇嘢，睇吓 Facebook ，睇吓東京，睇吓大大與小妹，又睇吓王貽興咁啦～得閒又同低能仔 whatsapp 同傾電話，又同丸尾同學、💩人佢哋吹吓水，仲做吓生意咁就過一日，時間真係唔夠用呀😂😂

收工有人嚟咗接我～我哋今晚過得好開心。。。不過我食咗藥同打咗針個人其實有啲攰～但我依然好開心！食完嘢我哋去咗行一陣，比我哋見到大大與小妹個紙牌，啲人同我一齊影呀😍兼且佢玩電話時我冇黑面，我嗲佢叫佢陪我呢個可愛嘅女朋友，啲人好似冇嫌我煩，仲響到笑添！搭車返去我哋見到好多人扮鬼，我拖住佢跑去睇，大家又一齊笑～種感覺真係好開心！其實我好鍾意呢個佢～

分類: 我們的生活點滴

[ 訪客留言(0) ] [ 編輯日誌 ]

2016 年 10 月 30 日星期日


	希望

今日係星期日，又係放假嘅一日，不過我冇同爸爸飲茶，瞓到成十二點先起身～一起身就見到啲人 whatsapp 我，真係好呀！但我啲鼻水依然倒流，搞到個喉嚨好痛……

起身之後就見爸爸已經買咗份早餐俾我，我仍然冇乜胃口，成份雞扒蛋連餐包，我陣係食咗個包就唔想食喇！食完嘢就食埋啲止鼻水同消炎藥就返番上床，瞓咗一陣我嘅 bb 就打俾我，嘻嘻。。。啲人知我又陣係食咗小小嘢，想我食番多啲～但我真係唔想食呀！唔知點解呢排都係咁嘅😩個傻佬陪我傾咗一陣，就繼續開工，而我就繼續瞓～

今晚依然有煮飯，啲人夜咗收，陰公，一定好攰～佢返嚟食完飯，我哋就一齊睇電視同幫佢按摩。。。啲人今晚都係好攰，我哋都好靜冇乜點講嘢！希望佢瞓醒會好啲啦～

分類: 我們的生活點滴

[ 訪客留言(0) ] [ 編輯日誌 ]

2016 年 10 月 29 日星期六


	辛辣麵

今日又要七點起身。。。每個星期最辛苦就係星期五同今日，因為真係好忙同好攰，除咗要早起身之外，仲要同人鬥 EQ 高，其實真係會精神崩潰！

今朝有人一早就 whatsapp 我，唔係陣係簡單一句 miss you 就算，而係陪我傾咗一陣，仲要係好關心我♥晏晝又打俾我睇我有冇食番多啲嘢，傻佬呢種感覺令我覺得好暖～我要嘅就只係咁樣😘其實我都好易氹架！

今晚收工我去咗買韓國嗰隻豬屎午餐肉俾啲人獎勵佢對我咁好，因為我應承咗佢今晚煮辛辣麵俾佢做晚餐～原本佢只係要兩個麵同一隻蛋，但我想佢食得有番啲營養，所以我加埋金菇同豆腐落去，煮完我就拎去佢到！

第一次煮麵俾佢食，其實好緊張～因為佢對公仔麵好有要求架！所以我好怕唔啱佢心意。。。望住佢食嘅時候，我覺得自己好似嗰啲等派成績表嗰啲小朋友，好想佢會話我知好唔好味～個傻佬食晒成碗，嘻嘻。。。

食完嘢幫佢按摩咗一陣，我又好快就走咗！因為佢好攰。。。我就叫佢瞓一陣～希望佢乖乖哋唔好再咁夜瞓啦！有人真係會心痛佢架～

分類: 我們的生活點滴

[ 訪客留言(0) ] [ 編輯日誌 ]

2016 年 10 月 28 日星期五


	眼紅紅

尋晚瞓得好差，不停瞓吓醒吓。。。瞓嘅時候流住眼淚瞓😭扎醒咗又流住眼淚瞓番😭

今朝我搭車返工時，上到巴士見到佢響企咗巴士站，我 whatsapp 完佢，一路拎住個電話等佢打俾我，但都等唔到。。。直到我架巴士去到銅鑼灣，我又再見到佢一落車跑咗去，見佢消失響我眼前，我忍唔住諗起“這麼近那麼遠”，眼淚又滴咗出嚟～

今日早餐都冇胃口食就返咗公司，我心情好差冇笑過～阿容見到我咁有啲驚！但我依然都係冇表情～加上佢冇乜點揾我，結果我連 lunch 都冇乜胃口食，食得好小好小（我諗可以瘦啲喇）

佢食飯嘅時候打電話俾我，我真係好開心架！因為我想佢記得我～直到收工我就趕落灣仔揾佢！今晚依然唔係好想食嘢，佢帶我去食麥當當，佢仲買埋雪糕氹我。。。其實只要你個心有我，我已經足夠喇！食完嘢行咗陣就返去，響車雖然各有各玩電話，但佢都會留意我睇乜，兼且都會陪我睇吓，咁已經好滿足～

分類: 我們的生活點滴

[ 訪客留言(0) ] [ 編輯日誌 ]

2016 年 10 月 27 日星期四


	。。。

今日放假嘅一日，我好期待今日，因為有人尋晚話今日會帶我去 relax 一吓～

朝早我化定晒妝，去揾些娜整埋指甲，我就出去等佢～佢放咗學就出咗嚟！原本有人話想去睇戲，我亦冇所謂，只要係同佢一齊，去邊都冇問題！不過最後都係冇睇到，因為佢呢排嘅情緒好難捉摸，有時講一句笑話都足以令佢黑面～又或者係對住我嘅時候，佢往往都會好攰，但當佢自己一個嘅時候，佢又會變得唔願瞓兼且好精神！可能我哋真係好耐都冇一齊放過假，甚至根本冇正常嘅生活，面對住咁其實我好失望，我有体諒佢、我有叫自己唔好亂諗嘢，但每次都係咁真係好難唔亂諗～我都想我諗佢感受嘅時候，佢都可以諗吓我。。。

今晚我拎完飯俾佢，坐咗一陣，就好失望咁走。。。以為佢瞓咗一陣會好啲，但原來都係一樣！

誰須要日後被誰記住　

誰貪你想起我的好處

我用施予當作賭注　

難博到轟烈地同住

為何被銘記於心　

全壞在很好相處

存在為了　

可給你避雨

分類: 我們的生活點滴

[ 訪客留言(0) ] [ 編輯日誌 ]

« | 144 | 145 | 146 | 147 | 148 | 149 | 150 | 151 | 152 | 153 | ... | 384 | »