今日係星期日，得我同爸爸二人世界∼一早起身我就同爸爸去食嘢，之後就返咗屋企整嘢換床單、被鋪……唔知有幾時開始，屋企有個習慣，就係每逢我或者家姐去旅行，留響香港嗰個就要響對方返嚟之前換好晒所有嘢∼今次輪到我換喇！
食咗啲放鬆肌肉藥之後個人好攰，換晒兩張床啲床單、被鋪，個人更攰∼結果一瞓落床好快就瞓著咗！瞓到五點幾有人打電話俾我，真係好∼睜開眼就聽到佢把聲！
今晚得我同爸爸食飯，我哋落街食∼我就買定外賣等啲人返，但我驚佢唔夠飽，所以整埋啲雞扒俾佢食，個傻佬收工就返咗嚟∼今晚仲要等埋我先一齊返屋企添。。。服侍完佢食飯，就攬住一齊睇電視，簡簡單單咁已經好幸福！
有時我會怪女朋友，口口聲聲話幾愛我，咪又係發脾氣！成日話要珍惜對方，一生一世，咪又係鬧人！
「咁就嬲，唔好話愛我啦！」我會忍唔住咁講。
而通常，結果只有一個，就係令佢更加嬲。
「愛唔係大晒㗎，我都有感受！」佢會咁反駁。
呢個咁肉麻�H「愛」字，通常只有兩個情況講出口，第一真係情到濃時，第二，就係拎嚟做擋箭牌。
我知道明明係我唔啱呀，但我覺得妳「愛」我，就要表現得與眾不同，聖人上身，任何事都體諒，任何事都包容，唔可以有自己感受。
這是愛情中最大的邏輯錯誤，「Take it for granted」，覺得被愛係理所當然，正是如此。
愛係大晒，但大前提，係要值得。一時可以偉大到命都唔要，一時又可以因為枱面上一張亂扔�H紙巾、一時唔記得沖廁，遲到10分鐘，而嬲到飛起，憎到佢貼地。
有個鍾意種嘢�H朋友話過，一塊地面積有限，種�H嘢數量有限，但塊地好簡單直接，你畀夠養份佢，就回報返你，甚至一粒種子都可以變成一棵大果樹，生生不息。
愛情如是，一直苛索最後只會枯萎。
要一生一世，就要Give & Take。Give不是指物質上，而是你要求「愛」同時，亦要顯示出同等的氣度與尊重。
而對方也會很簡單直接，你花的一點點心，又會令愛變返大晒，仲會無限大。
他一時的情緒很傷人、她突然的大吵大鬧也很討厭，而在這些難堪的時候，就需要日積月累的養份，捱過冷戰的煎熬。
分類: 我們的生活點滴 |
