一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34524

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 11

累積人氣： 34524

2016 年 8 月 7 日星期日


	失去回憶

今日十點幾就醒咗喇！有人收到我 whatsapp 後，返到公司就打俾我，不過今日嘅佢，已經唔係昨日嘅佢，因為啲人身邊有好多同事，所以打嚟嘅時候好正經，哈哈。。。其實我有啲唔習慣唔嗲嘅佢！

今晚煮定飯、留定湯等啲人收工返嚟！不過我今晚好唔開心，我個 ig account 無啦啦比人 delete 咗。。。其實 account 冇咗真係好唔開心，因為裡面充滿住我同低能仔呢三年幾嘅回憶！一直以嚟我都好緊張屬於我同佢嘅每一樣嘢、每一個可以保存嘅回憶，所以今次冇晒，我真係好想喊，嗚嗚。。。有人知道之後，返到嚟就不停氹我，仲話同我重頭再儲過我哋嘅回憶，同埋帶我去食放題添～雖然都係唔開心，但見你咁好氹我，咁就重頭再嚟啦！

低能仔，說好的 instagram 呢？

分類: 我們的生活點滴

[ 訪客留言(0) ] [ 編輯日誌 ]

2016 年 8 月 6 日星期六


	氹番我。。。

今日都係返寫字樓，都係要一早起身～好攰好眼瞓。。。今朝返工途中個胃同背脊又痛番～不過就有個傻佬打俾我氹我，嘻嘻。。。

原本今日收工後，我同家姐去旺角，但最後都冇去到，結果係買餸返去煮定飯等啲人收工～其實每一次為佢準備晚餐我都好幸福！特別係見佢食得好開心嘅時候。。。

今晚個傻佬收工去咗剪髮，搞掂就即刻返嚟。。。今晚我哋只係見咗一陣，雖然我口嗰句係叫佢快啲返去陪媽咪，但其實我係唔捨得見佢不停出汗，想佢快啲返去涼吓冷氣！低能仔，聽日都好熱。。。唔好再著咁多件衫喇！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 5 日星期五


	下半世

今日返寫字樓，朝早起身嘅時候個胃好痛，我遲返咗兩個鐘抖多陣，食完藥瞓多陣就起身返工～有個傻佬好 sweet ，十一點幾就打俾我，吩咐我有乜食得，有乜唔食得。。。仲好緊張我有冇帶藥添～我真係覺得好冧！

返到去食完飯，就開始好忙。。。不過有人食飯嘅時候都打俾我，搞到我好冧咁笑！低能仔，我真係真係越嚟越愛你！

收工之後，我就搭車落旺角接啲人收工！我買定濕紙巾等佢。。。個傻佬落到嚟摸到我個身好熱，佢嗰種眼神好緊張，我即時覺得就算有病都唔緊要，因為有佢錫我同緊張我！陪佢交收完，我哋就行去食飯，途中我哋都好多嘢講架！但食飯嘅時候，佢冇講過嘢，佢話佢諗緊嘢。。。其實我擔心佢唔開心～

食完飯行咗一陣我哋就返去！響車攬住佢嘅時候，我感覺到我呢世都冇可能揾到另一個我咁愛嘅人，我冇可能再揾到另一個我咁想下半世都同佢一齊嘅人！假如無咗佢，我真係唔知會點算～低能仔，唔好離開我呀！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 4 日星期四


	說好的二人世界

今朝十點幾就醒咗，一直灘響張床到等啲人起身～結果啲人12點幾就揾我喇！

啲人約咗我兩點響樓下等，不過佢遲咗成半個鐘，平時佢遲到落到嚟見到我，佢第一時間攬實我。。。但今日佢冇咁做過，而且仲冇乜心機，我估佢應該有啲嘢發生咗！響車嘅時候，有人比我迫佢講晒出嚟，個傻佬忍唔住喊咗出嚟，嗰一刻我個心真係好痛。。。好想快啲同佢搬出嚟住，快啲有一個屬於我哋嘅家！

今日全日我都好就佢，基本上佢想點就點。。。而我就陪住佢～我好想佢響屋企得唔到嘅温暖，我呢個女朋友都可以比到佢，令佢覺得有咩事都仲有我響身邊！

有人今日帶咗我去睇醫生，因為我個胃仲係唔舒服，醫生話有機會係胃抽筋同胃炎，依家開5日特效藥，但如果食咗都係咁，就有可能係胰臟炎！個傻佬知道咗之後，個樣好沉默。。。兼且仲好細心咁照顧我！其實我好驚係胰臟炎！

今晚我哋去咗睇戲“冰河世紀”……個傻佬成晚都攬實我，睇完就四圍行咗一陣，今晚我真係好開心，我扮傻嘅時候，佢又陪我扮傻。。。我想食嘢佢又帶我去買手卷食，傻佬，我真係覺得好幸福，好想永遠都咁開心！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 3 日星期三


	Mo 仔呢？

今日係假期嘅第二日，經過尋晚個胃同背脊痛咗成晚後，我今日瞓到兩點先起身～因為家姐臨出門口前，幫我開咗房部冷氣同風扇，我爽到瞓得好舒服。。。

晏晝個胃同背脊痛又係咁痛，原本諗住今晚唔煮飯，等啲人收工先返嚟食，但點知啲人4點幾同我講叫我今晚煮飯份量唔好咁多，見佢咁難得咁講。。。好啦！！就簡簡單單煮個卡邦尼雞扒飯俾佢啦～

啲人今晚收工就返咗嚟，食完飯按摩咗一陣就走喇！呢排見嘅時間都係好短。。。希望聽日最後一日假期，我哋會開開心心咁過啦！mo 仔，我好掛住你呀～嘻嘻。。

分類: 我們的生活點滴

[ 訪客留言(0) ] [ 編輯日誌 ]

« | 161 | 162 | 163 | 164 | 165 | 166 | 167 | 168 | 169 | 170 | ... | 384 | »