一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34271

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 64

累積人氣： 34271

2016 年 7 月 28 日星期四


	Always be with you

終於都到咗二人世界嘅日子，今日有人十二點幾就 whatsapp 我，不過我呢隻懶瞓豬聽唔到 whatsapp 響，最後啲人點幾嘅時候，就打嚟叫醒我～但我唔知係咪發緊夢，除咗聽到佢叫我 bb 同錫咗我兩啖之外，我就聽唔到佢講任何嘢，仲收埋線添。。。

今日我哋食完嘢先出旺角，啲人帶我行咗好多地方，仲買Haagen Dazs 俾我食。。。可能呢排我食嘅嘢小咗，所以佢買雪糕俾我想我食番多啲～但我都係食咗小小就好快飽，最後當然係佢執我手尾啦！其實我真係鍾意一杯雪糕同佢兩份食，仲要係佢餵我食添。。。

去完旺角我哋就落深水埗食飯同行街，今晚好多人呀！我哋行咗好多地方都冇位，只係得一間漢堡包店先有位，雖然嗰間嘢有啲貴，同份量唔多，但只要佢食得舒服同食得好就得！佢叫咗個意粉，而我就叫咗個 all days breakfast ，我將我嗰份每樣都餵佢食一半，咁佢就應該夠飽，反正我都諗住減肥，所以份量就好足夠！

食完嘢啲人去洗手間，咁我就去呼吸。。。不過我唔記得咗佢響邊？我嗰刻好驚，佢知我蕩失路就叫企定定等佢，我一見到佢就攬實佢～低能仔，我認路真係好差，我好怕你揾唔到我，我驚見唔到你！

返去嘅時候，有個女仔好可憐，因為個女仔個男朋友攰到瞓著咗，個女仔怕佢中吓中吓會整到條頸，所以就好細心扶住男朋友塊面，等佢挨落個女仔個頭到瞓得舒服啲，點知個男朋友醒咗問佢響到做乜？個女仔就好無奈咁話想佢瞓好啲。。。之後個女仔就唔夠膽掂個男朋友，由佢鍾意點瞓就點瞓！結果我見到個女仔俾佢男朋友個頭挨落自己塊面到瞓，個女仔搞到面形扭曲好辛苦都唔出聲，由個男仔繼續舒服咁瞓，真係好偉大呀！低能仔，我估個女仔真係好愛佢男朋友，係咪呀？我諗換轉你應該拍醒咗我，仲要發我皮氣添呀！哈哈。。。

分類: 我們的生活點滴

[ 訪客留言(0) ] [ 編輯日誌 ]

2016 年 7 月 27 日星期三


	究竟。。。

終於都到星期三喇！今朝起身個人好攰。。。仲好眼瞓添～呢幾晚每晚都成兩點瞓，第二朝又一早起身，個人冇乜精神，啲同事今日見到我都話我殘咗好多！

今日啲人放假，我成朝都冇揾佢！等佢起身之後先揾我，或者因為我呢兩日響公司睇番我由啱啱識佢至今，自己所打嘅 blog ，原來以前我哋都好鍾意一張開眼就揾對方，只要見到係對方嘅 whatsapp ，就已經好冧咁笑！平時只要見到對方，我哋又會好開心咁攬實對方咁笑！好似分開一陣都唔得咁。。。但日子耐咗，呢種好開心嘅笑，已經唔再係成日出現喇！

佢醒咗之後同我 whatsapp 咗一陣就打俾我！今日佢打過兩次俾我，仲要去親邊都同我講。。。好耐都冇試過，我仲猶豫佢係咪做咗衰嘢，點知啲人話“要做咗衰嘢先會對你好啲？”坦白講，我一直都希望佢去邊我都知，但佢一直都冇做過，呢一刻佢突然咁，我其實覺得有安全感，亦覺得開心架！

今晚啲人要帶班學生去中環影相，而我收工後就搭巴士過去等佢。。。不過我個胃仲好唔舒服，我冇食過嘢，只係陪佢食！食完嘢我哋就搭車返去，響車嘅時候，我一直都冇乜點出聲，我好想嗲吓佢，但又好怕佢會嫌煩。。。。究竟我今日做乜呀？

分類: 我們的生活點滴

[ 訪客留言(0) ] [ 編輯日誌 ]

2016 年 7 月 26 日星期二


	保持愛你

今日成日都好唔舒服個肚好痛。。。起身之後成日都周身唔自然，個人憫憫陣陣咁～好想有人比我嗲吓！今日響公司依然冇乜胃口，兼且雙腳腫得好緊要仲好痛，搞到個人更加唔舒服！好辛苦先捱到收工。。。

收工之後我落咗銅鑼灣接埋佢，臨見佢之前，我買定魚形餅等佢，想佢開心吓！一見到佢就好想攬住佢嗲佢～有人帶我去食叉燒飯，之後又同我行咗陣！但今晚我成晚都憫憫陣陣，有人好好冇黑我面，仲氹我添～見佢咁好，我緊係要做番啲嘢啦！返到嚟我就幫佢按摩咗一陣先返去。。。

低能仔，今晚我響 Facebook tag 你嗰篇莎比亞，係真係想你睇。。。因為我好想大家都記得當日我哋響埋一齊嘅時候係點？我唔想你對我嘅只係習慣，我希望可以繼續咁温馨，繼續好似大家當日一樣咁愛大家～

每一對情侶，都希望搵到甜蜜一世、白頭到老嘅方法。但去到某段時間，兩個人之間嘅快樂逐漸消失。

一次約會中，明明你哋十指緊扣，大家互望微笑，不過眼底裡，竟然發現對方已經唔再係嗰個，曾經令你朝思、令妳暮想嘅戀人，而只係一個「慣咗生活入面有佢，冇咗又有啲可惜」嘅身邊人。

只可惜呢份心思，得咗手，發芽後，就日復日咁埋藏心底，由佢自然生長，但要「愛情」自然生長，都需要養份，要有陽光要有水，否則最終只會枯萎，埋葬心底。

到底係幾時開始我唔再畀心機愛佢？

分類: 我們的生活點滴

[ 訪客留言(0) ] [ 編輯日誌 ]

2016 年 7 月 25 日星期一


	愛情真相

今日都係返寫字樓，尋晚個頭好痛，瞓得一啲都唔好，搞到今日成日都冇乜精神，加上天氣好熱，抖氣又開始好辛苦。。。。而啲人今日要教班，仲要響室外，我真係擔心佢會中暑呀！

之前嘅抽血報告已經有喇！其實最近身体差咗咁多，而且又成日覺得攰同暈，我都估到係咩事～拎報告時，一切都係如我所料。。。白血球下跌！因為咁我先會病親到病咁耐，同時亦係急性病毒引起！打咗支針已經開始好攰。。。

今晚收工有人做咗啲嘢令我好感動，佢竟然 msg 王貽興，同佢講因為尋晚遲咗去唔到佢簽名會，令我好失望，所以想佢可以幫我簽番本書！傻佬，其實簽唔簽又有乜所謂？只要你對我好，就已經大過晒所有嘅嘢！我要嘅係你，而唔係王貽興！我想陪我一世嘅都係你，而唔係佢呀！況且我依家已經好感動，根本唔使要個簽名！食完飯有人帶咗我去 Jason ，買咗 pack 我想試好耐嘅韓國水蜜桃俾我，我好開心！開心唔係因為有得食，而係有人將我放響個心到～我諗呢啲就係“愛情真相”喇！

分類: 我們的生活點滴

[ 訪客留言(0) ] [ 編輯日誌 ]

2016 年 7 月 24 日星期日


	王貽興

尋晚又響不知不覺瞓著咗，瞓到有人揾我我都唔知。。。今朝一早啲人就叫我打俾佢同我傾咗一陣，之後我就帶阿豬去沖涼！搞掂晒啲嘢就返屋企瞓咗一陣，就起身整嘢出去接啲人收工！

有人今晚收七點，因為要陪我去書展。。。每年一次都一定會去架！因為有王貽興，嘻嘻！不過今晚啲人遲咗收工，成8點先落到嚟～我已經預咗見唔到，因為個簽名會到9點鐘，而且830就唔會俾人再排～所以我諗住唔過去，但佢堅持要過去睇吓，最後當然係我預料之內啦！坦白講失望一定有，但都唔關佢事，我諗佢都唔想咁。。。我哋今晚好簡單咁行完個書展，就去食飯返屋企！就係咁簡簡單單咁過咗個星期日喇。。。

分類: 我們的生活點滴

[ 訪客留言(0) ] [ 編輯日誌 ]

« | 163 | 164 | 165 | 166 | 167 | 168 | 169 | 170 | 171 | 172 | ... | 384 | »