尋晚發咗個惡夢，夢見有人背住我收埋個小三，嚇到我瞓瞓吓覺喊咗出嚟。。。起身�H時候枕頭濕晒，好慘呀！
今日啲人同我一齊放假，我哋過咗一日好甜蜜�H假期！醒咗之後就覺得好肚餓。。。整埋啲嘢之後，佢就帶我去咗海怡食嘢，好多日都冇試過食得咁飽喇！有人終於都比飽飯我食喇（其實只係因為我之前完全冇胃口）食完飯行咗一陣就去咗MCL買飛睇寒戰，啲人見未夠鐘，而我又冇帶外套就帶我返屋企拎同休息一陣！
套戲啲人想睇好耐，所以我都好期待！入到戲院，啲人已經即刻響我袋拎件外套（嬲）住我，佢話唔好冷親，呢一刻�H佢真係又温柔又細心！而且套戲又真係好好睇。。。不過我哋前面啲人好嘈，搞到低能仔睇到好憫，而我就係咁笑，因為佢呢個樣好可愛！
睇完戲我哋就出灣仔。。。整完晒嘢啲人就帶我去188食嘢，仲皇恩浩蕩俾我食咗3粒魚蛋同我最鍾意�H魷魚添！嗰到啲魷魚真係好好味架∼依家已經好掛住。。。
夜晚我哋搭電車去銅鑼灣，佢問我做乜咁浪漫？其實係因為我哋剛開始拍拖，最開心、最浪漫就係搭電車，我記得啲人嗰時仲幫我影咗張相，所以我今晚都係企番響當日嗰個位，你仲記得嗎？
響銅鑼灣我哋四圍行，行到HMV我哋玩到好癲，啲人專登激我響我面前拎咸片睇，搞到我咬佢。。。我哋兩個又打嚟打去，兼且當我食埋響188買嗰啲魷魚後啲人又嫌棄我，我就走去攬住佢係咁錫，最後當然俾人逼我食咗粒香口膠，原來佢唔鍾意魷魚架！
低能仔，我今晚過得好開心，我睇到你真係改變，但呢個改變可唔可以係永遠架？其實響你改變緊�H同時，我都有改變緊架！你又感唔感覺到？
分類: 我們的生活點滴 |
