兩日一夜真係眨吓眼就冇咗喇！今朝我都係自己起身先，整埋啲嘢先叫醒佢∼尋晚佢冇好似響日本�H時候，叫我自己瞓先，而佢就自己上網∼今次佢同我同一時間上床瞓，兼且仲係攬住我瞓！有幾次我醒咗，見佢扎醒咗後都會過嚟攬番住我瞓。。。
尋晚臨瞓前我將佢送比我嗰隻星星介子還番比佢∼因為佢自己都知佢已經冇以前咁愛我喇！我冇諗過自己流住眼淚咁還番比佢，其實我個心好痛。。。坦白講要咁樣還番隻介子比一個自己愛�H人，係一件好難受�H事！佢想我帶番架。。。但我要佢變番好似以前咁愛我，先將隻介子還番俾我∼其實我冇信心可以帶得番嗰隻介子架！
Check out 之後，我哋去咗大三巴行街、食飯∼呢兩日我做咗啲平時唔會做�H嘢，就係一坐低就拎個電話出嚟玩，其實我冇嘢睇，但都不停拎住個電話撳，我諗係我太怕寂寞∼
原本有人堅持要同我去禮記食雪糕，但今日條街真係太熱，我唔想佢陪我四圍曬，所以我就揀咗佢想試嗰間餐廳食香蕉船，然後就去八百伴行街，有人一直追住我，要我做佢老婆豬帶番嗰隻介子，但我依然唔肯帶，我就叫佢揾扎花先算，點知佢真係四圍揾，或者天意啦。。。最終係揾唔到架！搭船返香港我攰到瞓著咗，而佢就攬住我俾我瞓∼我哋食埋飯就返去！
低能仔，我希望有一日，你真係會好似以前一樣咁愛我，甚至更愛我！我更希望死咗心�H我，會變番好似以前咁∼
「每個人要走的路都不同，有人一直向前行，有人兜兜轉轉，有人倒後行，但是無論朝著哪個方向走，都會有機會遇上。感情的世界，其實也是個循環。」
分類: 我們的生活點滴 |
