一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39162

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 59

累積人氣： 39162

2016 年 5 月 19 日星期四


	倒數

終於都嚟到19号喇！十幾個鐘之後，我哋就響大阪過我哋三週年紀念～希望到時可以開開心心咁過我哋嘅520啦！

今朝爸爸叫醒我去食嘢，然後就去睇醫生。。。因為尋晚又咳到隻狗咁！睇完醫生有人就出嚟接我去食嘢，仲帶咗我去銅鑼灣行咗一陣～雖然只係四圍行吓，但我已經好開心，不過如果佢話少啲我，我會更開心。。。今日我自己返屋企，啲人要去按摩。。。夜晚就各自各響屋企，我好掛住佢呀！可能仲未習慣佢媽咪返咗之後，佢響屋企嘅時候會少咗好多揾我～

好耐都冇咁齊人響屋企食飯，爸爸今晚仲特登去咗買豆腐班腩俾我食！我執行李時佢仲緊張過我，不停問我有冇帶呢樣？有冇帶嗰樣？嗰種感覺好 sweet 呢。。。6日之後先再見到爸爸、家姐，希望到時爸爸已經好番晒啦！

分類: 我們的生活點滴

[ 訪客留言(0) ] [ 編輯日誌 ]

2016 年 5 月 18 日星期三


	好怕

尋晚又冇乜點瞓過，成晚都咳同發冷，咳到成個身都好攰同好痛。。。今朝一早就起身返尖沙咀，一起身又咳咗一輪～

返埋今日就放8日大假，所以今日響公司好忙，有好多嘢要處理，成日都冇停過，加上又食咗藥，個人就攰上加攰～收工之後已經冇晒力喇！

一直以為有人今日返旺角，原來俾人調番去銅鑼灣。。。結果搭地鐵去到旺角諗住接佢，最後又要搭番過銅鑼灣！今晚有人買咗爆穀氹我，不過依然係冇嘢講，我知道佢都攰，但我真係好怕去到大阪都係咁～

分類: 我們的生活點滴

[ 訪客留言(0) ] [ 編輯日誌 ]

2016 年 5 月 17 日星期二


	喪咳

今朝一早爸爸就叫醒我去食嘢同睇跌打，其實隻手今日已經好番好多，起碼已經郁得番先～不過醫生話仲好腫囉！

睇完醫生就嗱嗱臨返工，晏晝除咗個蛋膠之外，就乜都冇食過喇！諗住等埋低能仔夜晚收工先一齊食～整親隻手返工其實好唔方便，有好多嘢都要人幫……幸好今日家姐同 win win 大部份時間都響到，加上阿森又等埋我收工，所以今日返工都唔算好麻煩，不過個個都叫我小心啲阿森對我咁好，我自己反而乜都冇諗，只係想有人都會緊張！

收工後我就返銅鑼灣等低能仔，有人已經企咗響 sogo 門口，我襯佢唔為意就走去攬實佢，哈哈。。。食完飯我哋就去咗 plan 大阪嘅行程，不過我又不停咳，仲要好難先停到～見到佢見我係咁咳，個樣好似好唔耐煩咁，嗰一刻我好無奈，因為有少少感覺好似被人嫌棄咁，亦都會諗當佢不停咳同打乞嗤時，我都未試過有呢種反應。。。

搞掂晒啲嘢我哋就返去，途中我冇乜講過嘢。。。一來我怕自己又會咳，二來我怕大家又會唔開心，真係有少少難適應呀！

分類: 我們的生活點滴

[ 訪客留言(0) ] [ 編輯日誌 ]

2016 年 5 月 16 日星期一


	中、西醫。。。

尋晚又係咁咳。。。咳到今朝都冇停過，兼且尋日響公司整親隻手，今日郁唔到，擰左又唔得，擰右又唔得～爸爸見我咁就嗱嗱臨帶我睇醫生，一個朝早睇晒中、西醫～

睇完醫生就返咗去揾低能仔，有人一見到我包住隻手先知我整親！其實我今朝專登唔講佢知，因為我唔想佢擔心我～不過見佢咁心痛嘅樣，乜都抵番晒啦！食完嘢同買完日用品之後，我哋就返咗屋企。。。原本有人諗住今晚帶我去行吓，但爸爸今晚要拎報告，所以最後佢自己出去，搞掂啲嘢先返嚟陪我！

爸爸報告終於都拎咗，幸好乜事都冇。。。只係感染到一隻菌，而我都感染埋！原來佢一早已經打定輸數可能係肺癌，但最擔心同放唔低嘅係我。。。因為我由細到大身體都唔好，佢怕佢有乜嘢事，我就冇人照顧，兼且怕我照顧唔到自己！聽完之後，我的確覺得好感動，可能細個同佢關係唔好，到大咗我癡佢係多啲，依賴佢亦係多啲！爸爸真係老咗好多。。。我係時候要照顧返佢，同佢去玩吓，陪佢多一啲！旅行返嚟要更努力揾工至得～

分類: 我們的生活點滴

[ 訪客留言(0) ] [ 編輯日誌 ]

2016 年 5 月 15 日星期日


	浪漫的星期日

尋晚食咗啲藥好快就瞓著咗，終於都冇咳醒，而且就算俾爸爸啲咳聲嘈醒咗，我都好快瞓得番，因為我攰到連起身倒杯水俾佢嘅力氣都冇。。。

今朝7:30am就起身，見到啲人 whatsapp 7:30am online 過，我已經覺得好愕然，因為佢今日返 2:00pm，加上佢又傷風咳，個人咁攰應該好好瞓。。。我見我揾完佢，佢都冇覆我，我就估佢瞓番，就將個電話掉番落袋冇理過！點知一出門口就見到佢～好 surprise 同好浪漫呀！

我一直以為呢啲情節只有愛情小說或者電視劇先有，現實中發生響自己身上嗰種感覺好特別，我開心到攬到佢好實唔捨得放開～我覺得好幸福呀！今朝有人帶我食早餐，我全程只係拖實佢，佢幫我切好晒啲嘢食俾我，兼且有人仲送我搭車，第一次睇住我上車、坐好，直到架巴士開佢先走～幸福同浪漫真係好簡單。。。我明白要維持住熱戀嘅感覺，其實係好難，特別係我哋拍咗拖都三年，但有時對方只要付出少少心思同時間，都已經可以令大家嘅感情唔好淡落去，保持響適當嘅温度中！低能仔，多謝你。。。我好鍾意呢個 surprise 呀<3

收工之後，我就搭車落旺角等啲人收工，但因為又係咁咳同食咗啲藥，搞到係咁出汗，啲人一見到我就好細心咁幫我抹。。。不過我估到啲人應該都好攰！但我又忍唔住係咁同佢講嘢又嗲佢，搞到佢有啲唔開心～食完嘢行咗一陣，我哋就返去！響車個傻佬攰到瞓著咗，我見佢咁攰就幫佢鍊，可惜我整親嗰隻手唔夠力，如果唔係佢咪可以唔使咁辛苦囉。。。對唔住呀低能仔，我咁冇用！！！

分類: 我們的生活點滴

[ 訪客留言(0) ] [ 編輯日誌 ]

« | 177 | 178 | 179 | 180 | 181 | 182 | 183 | 184 | 185 | 186 | ... | 384 | »