一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39144

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 41

累積人氣： 39144

2016 年 4 月 19 日星期二


	心靈雞湯

今日返觀塘，個人好攰好攰。。。夜晚又瞓唔好，日頭又嘔～真係成個散晒！今日響公司都算忙，但幸好都抽到時間上網睇旅行嘅嘢。。。

收工之後就過咗旺角等低能仔，見到佢我即時攬實佢。。。或者因為今日響公司有啲嘢令我好唔開心，好想攬實佢俾自己有啲支撐！食完飯我哋行咗一陣，可能太耐冇去過旺角，今晚好想行吓。。。但我太大意唔記得有人好攰，結果又好似搞到佢唔開心咁！其實我知佢已經好好。。。

今日返工gigi揾我訴苦，令我對感情嘅睇法有少少唔同咗！原來每個人對感情嘅睇法真係好唔同，有啲人會認為每星期見兩個鐘已經好足夠，仲要完全將你改變成自己心目中想要嘅人，又或者會覺得要對方單方面咁付出，自己就做享受嗰位，兼且你唔讀心靈雞湯，唔使止意同自己有將來！呢種咁獨特嘅愛情，又有幾多人接受得到呢？

而我對感情首要一定係專一，除咗我，唔可以有另一個，因為同人分享自己嘅另一半係一件好難受嘅嘢！我唔需要另一半讀乜鬼心靈雞湯，心靈雞湯對我嚟講就係對方，“佢願意用心聽我講任何嘢，而唔係 hea 我”，我已經覺得好開心，就算嗰日有幾難受都好，我都已經覺得温暖！不過呢樣係低能仔做唔到嘅嘢！所以有好多時我同佢講嘢，都覺得好似自己同自己講嘢咁，最終亦唔想再講。。。其實好多嘢佢都做得好好！

陪伴與懂得又有幾多人明白？

分類: 我們的生活點滴

[ 訪客留言(0) ] [ 編輯日誌 ]

2016 年 4 月 18 日星期一


	當正印遇上二奶

今日返世貿，又可以瞓到十點幾先起身！而我嘅 bb 今日又要好早起身，唔知佢尋晚又做到幾多點呢？

今日唔算忙，時間過得特別慢～或者因為我個心已經唔響到，飛咗去大阪喇！仲有一個月，就可以二人世界，好想快啲可以攬住佢6日5夜。。。

食飯嘅時候，因為仲係咁嘔，所以晏晝冇食過嘢，只係四圍行同幫我bb帶咗12pack老婆返去，希望可以響呢段時間幫佢分擔一吓，等佢專心做嘢！

7點幾嘅時候，Lousia過咗嚟探我，我哋好耐冇見過喇！咁啱低能仔又 whatsapp 我佢唔嚟接我，我就好大模私樣咁繼續傾。。。點知8點幾，突然見到個傻佬行出嚟，我開心到傻，仲要帶咗我好想試嘅台灣爆穀俾我。。。其實我只要有你，就已經好滿足！今晚就係咁正印同二奶正式相遇！我一直都好想佢哋可以見面，因為我想我正印知我二奶係咩人，同時我二奶一直都好想見我正印係咩樣！

收工後低能仔就帶我去食飯，食我最愛嘅蕃茄通粉！食完嘢行咗一陣就返屋企。。。有人今晚就算攰響車都唔瞓，一直陪我傾計～我知道佢係覺得最近陪小咗我，所以增取時間陪番我多啲，希望我會開心！

低能仔，多謝你！

分類: 我們的生活點滴

[ 訪客留言(0) ] [ 編輯日誌 ]

2016 年 4 月 17 日星期日


	麻麻 B-day

今日係星期日，可以同啲人一齊放假，不過我哋冇二人世界，因為佢今日都仲要去拍片。。。原本佢尋晚話今朝帶我去食早餐，不過我估佢仲忙緊，所以我就同爸爸落咗街食，最後我買埋早餐上去佢到！

見咗一陣佢就趕住出去，而我就返屋企食咗藥就瞓著咗～瞓到5點幾就起身，今晚要落香港仔同阿麻食生日飯，當然佢咁忙，我身邊嗰個位一定唔會係佢！

食完飯我就買外賣返去俾佢，或者呢個就係我唯一能做嘅只有呢樣～但我大頭蝦唔記得買濕紙巾俾佢。。。我好冇用呀！返到佢屋企陪佢食埋嘢，就佢有佢剪片，我有我煲劇～我都有搞搞震嘅時候，我響佢剪緊片時，我就去將個電話放響佢對腳上面，攬住佢嚟睇。。。我仲偷偷影咗佢張相放咗上 facebook，其實我只係好想嗲吓佢！

仲有三日就係我哋嘅三十五個月喇！唔知佢到時忙完未呢？

分類: 我們的生活點滴

[ 訪客留言(0) ] [ 編輯日誌 ]

2016 年 4 月 16 日星期六


	Busy

今日返寫字樓，又要好早起身！不過鬧鐘未響，我就已經醒咗。。。今朝個肚仍然好痛，仍然想嘔。。。有人今日放假，但要出去拍片。。。所以今日我哋冇乜 whatsapp 過，我好掛住佢呀！

今日收工後，我就自己返屋企。。。有人尋晚話今晚會返嚟陪我，但佢拍完之後，都已經好夜～今晚我哋都係冇見過！

其實我知佢真係好忙，每年呢個時間佢都有排忙，雖然知佢忙，但我都忍唔住好掛住佢，好想見佢。。。兩日冇見過佢，我好唔習慣呀！我只係好想佢會氹吓我。。。。

分類: 我們的生活點滴

[ 訪客留言(0) ] [ 編輯日誌 ]

2016 年 4 月 15 日星期五


	希望

今朝6點幾就醒咗，不過一張開眼開始就係咁嘔，嘔到家姐起身返工，我都仲嘔緊。。。最後嘔到個人好攰冇晒力，就請咗今日假！有人今朝好早就醒咗剪片，我以為佢未起身，點知佢知我 sick leave 就同我 whatsapp 咗一陣～之後我就嘔到冇晒力，不知不覺又瞓番！

今日完全冇晒力，落去睇醫生嗰時好辛苦。。。當然嗰一刻我好想佢響我身邊，但佢今日要返工！我睇完醫生就自己返咗去。。。佢收工之後，我亦叫咗佢返去，我知佢已經好攰喇！唯有咁先可以俾佢抖吓。。。希望呢啲日子快啲捱過啦！

分類: 我們的生活點滴

[ 訪客留言(0) ] [ 編輯日誌 ]

« | 183 | 184 | 185 | 186 | 187 | 188 | 189 | 190 | 191 | 192 | ... | 384 | »