今日星期日，依然要返工∼捱埋今日，聽日終於可以好好休息一日！
今日5點�H時候，有個傻佬不停問我收工未？我覺得有啲奇怪，佢平時根本唔會咁∼我就一廂情願咁企響鋪頭門口，以為會見到佢。。。直到收工都見佢唔到，我就諗佢應該都係收6點，點知行行吓，有人話佢已經響地鐵站等緊我，真係勁 surprise 。。。surprise 過佢突然響我鋪頭出現！一見到佢我已經攬實佢嗲佢，而佢亦細心咗好多，一拖我隻手就問做乜隻手咁凍？我乜都未講佢已經用佢雙手，整暖返我雙手∼
食完飯我哋響旺角行咗一陣，今晚我唔小心打到佢一個唔應該打到佢�H地方，佢個樣好痛。。。其實嗰一刻我已經好驚，之後佢講咗一句說話就自己行咗去，我就更加驚。。。以為佢嬲咗我，我嚇到企咗響到喊，因為我唔知應該點？！佢當然出嚟不停氹我，但我冇講佢知其實我係驚，只係話佢掉低我，要佢氹番我咋！
今晚我過得好開心架∼佢去買完濕紙巾時，突然拎盒麥提沙出嚟，原來佢靜雞雞買嚟氹我，個傻佬呢啲小驚喜令我覺得好浪漫，浪漫過買啲名貴�H嘢！我哋又會諗假如中咗一憶又會點？雖然係妄想，但都已經好開心。。。今晚我偷食糯米糍，又食到成咀都係，突登逼佢錫我，今次佢終於都錫落嚟，我開心到傻咗。。。的而且確！只要佢做少少嘢，我都已經會好滿足∼
不過有開心亦有唔開心！錯�H真係唔係佢。。。而係我！！我硬頸唔肯講對唔住∼我明知係自己唔啱，但見佢個樣開始憫、唔耐煩同感覺到佢嫌我煩時，我就更硬頸。。。平時如果我真係知自己唔啱，我會好快知衰，但今晚唔知點解我真係硬頸到咁，佢叫我講對唔住時，我竟然答佢“我唔講！！”，對佢我冇試過咁架∼當然最後我都有講對唔住啦。。。但會唔會我真係太攰？定還是。。。。
分類: 我們的生活點滴 |
