jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：39152 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ October 2026 ›»
SMTWTFS
123
45678910
11121314151617
18192021222324
25262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 49
累積人氣： 39152
RSS Feed
2016 年 2 月 4 日  星期四   晴天
既然
今日可以瞓到十一點先起身，醒咗之後就去咗整指甲，之後就要開始今日要做�H嘢∼

整完指甲就返屋企沖個涼先出去，因為有人今晚話帶我去行年宵∼最近我哋之間多咗矛盾，我好想可以令我哋之間多啲新鮮感，所以我今日好努力咁打扮，我想佢會鍾意，佢會望多我一眼！

我哋約咗響深水埗等，幫爸爸買完嘢就去咗食雪糕，跟住就去咗食飯，響深水埗�H時候，我哋真係好開心，簡簡單單咁響埋一齊係最舒服！去完深水埗我哋就落銅鑼灣，我專登揀搭巴士，等佢可以抖吓。。。我等咗同佢行年宵好耐，因為我鍾意同佢一齊感受唔同�H節日，我享受同佢一齊�H時候！不過呢幾日我的確唔係好開心∼

低能仔，我知道你有時可能係講笑，但每次當你話我�H時候，我都覺得唔知點！開頭我都仲覺得 OK ，不過日子耐咗，我開始覺得無地自容∼我更響到諗，既然我咁差、既然我�H出現令你咁唔開心、既然咁辛苦點解仲要咁落去？響呢段感情，我已經好努力。。。盡晒力！
 
我竟然講得出，叫你揾另一個∼



 


分類: 我們的生活點滴
 [ 訪客留言(0) ] [ 編輯日誌 ]

2016 年 2 月 3 日  星期三   晴天
低落
今日返銅鑼灣，可以瞓到十點半先起身，不過個人依然好攰∼

今日佢冇乜點揾我，我好掛住佢。。。好想同佢一齊放假，一齊揾大阪酒店，一齊去街，一齊攬住瞓，乜都一齊∼好唔容易先等到佢放工，但佢都一樣冇揾我>.<直到我收工前5分鐘，我都見唔到佢先 whatsapp 佢，不過啲人遲到囉！我收工後過咗 muji 自己行，突然有人響後面衝過嚟攬實我，我好驚∼好驚無咗佢∼食完飯有人帶咗我行一陣先返去，我知佢係想我開心，但我唔知點解今晚心情好低落∼


 


分類: 我們的生活點滴
 [ 訪客留言(0) ] [ 編輯日誌 ]

2016 年 2 月 2 日  星期二   晴天
大阪

今日過咗一日非常攰�H一日，上晝返康怡，晏晝返寫字樓∼兩邊都好忙，根本冇時間停，兼且連晏晝都冇得食，最後 Irene 要 gigi落街買外賣俾我！

收工之後，我過咗旺角揾低能仔，陪佢交收完，有人就帶咗我去食日本嘢，跟住就同我行咗一陣，可能因為我今晚太攰，我有啲扭眼瞓（由細到大都係咁）。。。所以當佢講咗啲嘢令我唔開心，我發咗佢皮氣。。。不過有個傻佬買雪糕氹番我開心，傻佬，愛你呀！

尋晚過咗一個好緊張�H夜晚，但緊張得嚟又好興奮∼終於都買到大阪機票喇！雖然唔係最平，但都叫買一送一∼所以都慳咗一半！唔知點解今次訂咗機票去大阪，我興奮過第一次同低能仔去台北，甚至我自己第一次去東京�H時候！我諗係因為呢個地方都算係佢想去�H地方，台北只係為咗就我。。。





 


分類: 我們的生活點滴
 [ 訪客留言(0) ] [ 編輯日誌 ]

2016 年 2 月 1 日  星期一   晴天
好想
尋晚瞓得唔係幾好，成晚俾媽咪睇電視啲光整醒，今朝未夠鐘起身，又俾家姐整嘢返工嘈醒咗∼今日真係好攰。。。

今日返觀塘，雖然唔係成日都好忙，但一忙起上嚟就冇得停∼但我其實好掛住低能仔，好想見到佢！

今晚收工之後，我就過咗灣仔揾低能仔，有人原本帶我去食雪糕先，不過我怕食完雪糕之後，就冇胃口食飯，所以最後都冇食到，去咗食晚飯∼食完飯雖然只係行咗一陣，但返到嚟有人上咗我到陪我一陣！呢排見�H時間真係唔多，我好想同佢行街，好想佢有一日係成日都屬於我呀∼


 


分類: 我們的生活點滴
 [ 訪客留言(0) ] [ 編輯日誌 ]

2016 年 1 月 31 日  星期日   晴天
越來越。。。
今日我休息，有人要返工！我今朝冇同爸爸去食嘢，響屋企繼續瞓∼瞓到十二點幾，就走身食爸爸買俾我�H早餐，之後就再繼續瞓。。。一瞓就瞓到成6點！

晏晝瞓到三點幾，有人打電話俾我∼起初以為啲人掛住我，點知係話我知，佢調過尖沙咀，所以今晚要夜返，我以為佢收9點，所以就大安止意繼續瞓！

醒咗之後就返咗阿麻到！今晚姑姐都過咗嚟∼食完飯就返咗屋企！我知有人今日應該會攰，諗住叫佢返屋企休息，而我就諗住佢會打俾我氹我，但個傻佬冇，反而係返嚟睇我！

唔知係咪佢今日太攰，見到佢有啲燥燥哋，我就憫憫哋。。。又開始唔耐煩！直到佢見到我隻手瘀晒，佢好緊張咁問我做乜事？我先開始好啲。。。我真係怕自己會越嚟越唔耐煩∼




 


分類: 我們的生活點滴
 [ 訪客留言(0) ] [ 編輯日誌 ]


« | 198 | 199 | 200 | 201 | 202 | 203 | 204 | 205 | 206 | 207 | ... | 384 | »