jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34299 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 26
累積人氣： 34299
RSS Feed
2016 年 1 月 30 日  星期六   晴天
团年
經過尋晚 OT 後，今日成個人簡直唔屬於自己咁，成個人散晒∼今朝又要早起身返 K11 ，有種感覺好似自己拖住條屍咁返工！

今日個同事買咗個愛心“蘋果雪梨羅漢果水”俾我，真係好好飲呀∼我愛上咗呢隻味道，加上真係好滋潤，我好想學煲呢種嘢俾低能仔，等佢都可以滋潤一吓嘛！不過首先要整咗燉花膠同桃膠先，嘻嘻。。。

今晚收工之後，就返咗香港仔同婆婆食团年飯，起初我猶豫咗好耐究竟去唔去，因為對我嚟講，無嘢俾低能仔重要∼但最後都係去咗。。。原來我除咗平時會同婆婆飲茶外，我起碼有三年冇同佢哋一齊做過任何節日喇！

食完飯就拿拿臨返咗海怡揾低能仔，佢收工就返咗嚟∼有佢係我笑得最開心�H時候，個傻佬同我食完 KFC ，就帶我去行咗一陣，低能仔，你知唔知每次你帶我行街，就算只係百佳都好，我都覺得特別 relax 同舒服！



 


分類: 我們的生活點滴
 [ 訪客留言(0) ] [ 編輯日誌 ]

2016 年 1 月 29 日  星期五   晴天
OT
今日真係超級攰。。。OT 到1030先收工∼今日係臨近農曆年最後一次返貨，啲人好似前世未買過嘢咁，一次過買好多，結果執到隻狗咁！

收工之後，就即係趕過銅鑼灣，幸好我過到去時，佢都係剛收工落嚟，如果唔係又要佢等我轉頭！見到佢我忍唔住攬實佢，好想好想嗲佢。。。個傻佬就攬實我同我講“錫番”∼好冧呀！我哋今晚食日本嘢，好好味呀！

其實今晚雖然攰，但我過得好開心∼有佢陪住我，我真係覺得好安心同好窩心。。。低能仔，多謝你咁就我呀！ 


分類: 我們的生活點滴
 [ 訪客留言(0) ] [ 編輯日誌 ]

2016 年 1 月 28 日  星期四   晴天
過敏
今日開始，每逢星期四都會係一個人的假期，雖然冇得一齊休息，但有樣嘢都幾好，就係以後我休息都可以煮飯煲湯，又或者係好似今晚咁等佢返嚟接我食飯，再唔係就我出去接佢又得！

今日瞓到十二點幾，就聽到 whatsapp 響，係低能仔揾我，我覆完佢之後就再瞓過，一瞓就瞓到三點∼好耐好耐都冇試過咁好瞓。。。醒咗就等我�Hbb返嚟！

今晚有人帶我去咗香港仔食飯，仲要幫爸爸買嘢。。。食飯�H時候，有人同我講起將來，但嗰個將來冇提過我，我有啲唔開心∼結果我嬲得滯將佢隻碟嗰隻蝦吞咗落肚！佢嗰刻要我即刻吐返出嚟，因為我對蝦有過敏∼可惜隻蝦已經響我個肚裡面喇！

其實我自己知自己事，結婚真係一件遙不可及�H事！就算想有一個屋企，都可能好難。。。




 


分類: 我們的生活點滴
 [ 訪客留言(0) ] [ 編輯日誌 ]

2016 年 1 月 27 日  星期三   晴天
K11
今日返尖沙咀。。。又要好早起身！而啲人就今日放假，真好！咁凍可以喱響張床到暖笠笠∼

今日返工好攰。。。幸好收早！加上啲人嚟咗接我∼但唔知係咪我太攰，我竟然有啲唔耐煩，成晚都冇乜點講嘢∼而佢成晚都對我好温柔，其實今晚我想食乜，佢都同我食。。。響尖沙咀時，我突然想食雞蛋仔，佢又帶我四圍揾！食魚蛋我講咗一句係咪辣魚蛋？佢明明唔食辣都走去買。。。仲怕我唔夠飽，同我食埋紫薯雪膠。。。。就係因為咁我好驚自己係咪同佢一樣變得冇咗耐性！希望只係因為我太攰啦。。。。



 


分類: 我們的生活點滴
 [ 訪客留言(0) ] [ 編輯日誌 ]

2016 年 1 月 26 日  星期二   晴天
好好休息
今日返寫字樓，又要好早起身∼好凍呀！

今日返到去一直都好忙，又係玩數字遊戲。。。睇到眼都花埋喇！當我做到個人癲癲哋�H時候，有人就打電話俾我，即時醒神咗啲∼不過今日輪到啲人皮膚敏感，陰公豨，一定好辛苦喇！你記得乖乖哋食藥同擦藥糕，咁先會快啲好架！

原本今晚收工啲人嚟接我，但觀塘真係特別凍，加上我想佢行吓、輕鬆一吓，所以就約咗響旺角等，我知道你食咗啲藥好攰同好憫，但都仲陪我行一陣。。。我真係覺得好開心架！其實我同你都一樣，今日食咗啲藥都好攰同憫∼

今晚你早啲瞓喇！好好休息一吓。。。 


分類: 我們的生活點滴
 [ 訪客留言(0) ] [ 編輯日誌 ]


« | 199 | 200 | 201 | 202 | 203 | 204 | 205 | 206 | 207 | 208 | ... | 384 | »