一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39128

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 25

累積人氣： 39128

2016 年 1 月 10 日星期日


	二人世界

今日終於都同低能仔一齊放假喇！朝早同爸爸、家姐食完嘢，就返咗屋企抖咗陣～之後就返咗低能仔到。。。

今日有人買定東海堂我好想食嘅住多啤梨蛋糕俾我，我好開心呀！其實同爸爸出去嗰陣，我已經企咗響東海堂門口睇咗好耐，只係唔捨得買！但假如係佢鍾意嘅，我一定諗都唔諗就買咗～我冇諗過個傻佬唔止買俾我食，仲知我呢隻電視精，一睇啲鍾意睇嘅戲，就會眼定定郁都唔郁咁。。。而佢就一啖一啖咁喂我食！

今日我哋邊到都冇去，難得唔使返工，又唔使煮飯，我哋就響屋企二人世界，兩個人響屋企睇吓戲、傾吓計，甚至玩吓都已經好滿足～因為呢啲二人世界嘅日子所剩無幾，只係剩番三日可以一齊放假，佢媽咪返嚟之後，就乜都唔同晒喇！已經開始好唔捨得呢啲日子。。。

分類: 我們的生活點滴

[ 訪客留言(0) ] [ 編輯日誌 ]

2016 年 1 月 9 日星期六


	有苦自己知

今日返寫字樓，而啲人就繼續佢嘅假期～

今日返工都唔算太忙，一路都係想快啲收工。。。因為有人今日話會嚟接我！收工後佢響地鐵站等我，然後就帶咗我去旺角～食完飯我哋四圍行咗一陣！

其實一直以嚟，大家都各有各嘅負擔，我已經盡量將佢嘅負擔減到最低，兼且我亦好多嘢都自己一個面對，只係唔想佢要跟我一齊煩。。。但今晚佢一句說話將我心裡面嘅攰，一次過呼喚晒出嚟！我不停抬高頭，盡量唔俾自己嘅眼淚流出嚟，因為我好怕眼淚一流出嚟，有啲說話亦跟住一齊出嚟！

我只係想仍然將最好嘅俾你，我辛苦啲都會覺得值得。。。我好怕我哋之間會有“計較”出現～因為我怕到最後一切都好似一條數咁，原來係計出嚟架！

分類: 我們的生活點滴

[ 訪客留言(0) ] [ 編輯日誌 ]

2016 年 1 月 8 日星期五


	流行性感冒

今朝8點就起身，一起身就覺得好凍，不停咁咳同流鼻水，個頭痛到爆～最後同家姐商量，決定抖多一日！

一瞓瞓到下晝一點幾，個頭仍然都係咁痛，我打俾啲人想嗲佢，因為佢今日開始連放三日，但佢冇聽我電話，我嗰刻好灰。。。下晝佢同我去咗食嘢，之後佢就去交收，而我就自己去睇醫生，有人突然俾咗500蚊我睇醫生，但其實我寧願佢陪我睇醫生、照顧我，我都已經好開心！

返到屋企食完藥就即刻瞓，瞓到佢揾我先起身～有人又嘥錢買咗部電腦俾我，傻佬，我真係愛你個人，而唔係你俾我嘅物質……坦白講，冇嘢俾你對我更重要！

分類: 我們的生活點滴

[ 訪客留言(0) ] [ 編輯日誌 ]

2016 年 1 月 7 日星期四


	對唔住呀！

今日約咗些娜整指甲，整完就同婆婆去飲茶，好耐都冇陪過婆婆，婆婆隻腳越嚟越唔掂，要拎拐杖先行得到～原來我呢個孫女真係好差，我冇用多啲時間陪佢。。。

飲完茶我就去咗買餸，雖然今日成日都得自己一個人，好想見到低能仔，好想佢響我身邊，但可惜佢要返工，我唯有煮定飯、煲定湯等佢返！

今晚有人收工就返咗嚟食飯，食飯前個傻佬要我幫佢按摩先，見佢咁辛苦我緊係就佢啦。。。佢今晚明明好攰，但都為咗令我開心，而好辛苦咁就我。。。我真係覺得自己好自私，對唔住呀！

分類: 我們的生活點滴

[ 訪客留言(0) ] [ 編輯日誌 ]

2016 年 1 月 6 日星期三


	占卜

今朝十點幾先起身，醒咗有人話巧想念我，即時成個人好 warm ～加上臨返工前又有人再打俾我，我幸福嘅一日就咁開始喇！

今日要返新鋪，起初我都好擔心返到去唔知會點，因為我習慣咗一個人，兼且我係一個好慢熱嘅人，好難先可以同人熟，但幸好今日嗰個同事係一個好熱情嘅人，好快我就同佢熟咗～

其實今日我好開心架！唔係因為 boss & Irene 嚟到讚我（因為我根本唔care）而係今日 Tiffany 同我玩咗個占卜，響我乜都冇問嘅情況底下，佢講咗個我好想知嘅答案俾我聽，佢同我講低能仔應該係我嘅最後一個！聽到之後我心情大好，兼且好想即時攬住低能仔，所以我 whatsapp佢同佢講“I need u ”其實我係想講我呢世都咁需要你！點知呢個時候個傻佬就打俾我～

收工之後，我就過咗 sogo 嗰邊等佢，但有人剪髮剪到好晏，我哋成十點先見到～雖然見得嗰一陣，而且搭車嘅時候我哋又冇嘢講，但我都覺得滿足，因為有你響身邊～

分類: 我們的生活點滴

[ 訪客留言(0) ] [ 編輯日誌 ]

« | 203 | 204 | 205 | 206 | 207 | 208 | 209 | 210 | 211 | 212 | ... | 384 | »