一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39113

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 10

累積人氣： 39113

2015 年 12 月 21 日星期一


	我也喜歡你～

今朝起身個人好攰，周身都好痛，兼且仲好暈添！呢個時候我更掛住我嘅 bb chu ～食完早餐就有人打電話俾我，令我今日有個 sweet sweet 嘅開始！

今日返返吓工，個傻佬打俾我，問我今晚會唔會同佢啲同事一齊食飯？其實我覺得開心，因為佢依家去邊都諗住帶埋我～但我諗我真係好慢熱，所以起初我推咗，點知我唔去，個傻佬都唔去！

收工後佢響灣仔等我，我就即刻趕過去，有人一見到我就攬實我話好掛住我，我鍾意咁樣，呢種感覺好實在～食完嘢又有人買咗兩包紙菜俾我，嘻嘻。。。多謝bb！今晚我哋一齊返咗屋企二人世界，好耐都冇咁 sweet 。。。因為有人好耐都冇錫過我喇！

低能仔，你真係願意一世都俾我囚禁住？真係好似“我也喜歡你”嘅歌詞咁愛我？

有你粉飾我人生
我願被囚禁
有你陪添我靈感
我是自然慶幸
互相粉飾了人生
似綠地藍天合襯

分類: 我們的生活點滴

[ 訪客留言(0) ] [ 編輯日誌 ]

2015 年 12 月 20 日星期日


	我們的三十一個月～相依為命

我們的三十一個月

今日係我哋拍拖三十一個月，我哋去咗一個我想去好耐嘅地方～迪住嚟～我一直覺得迪住嚟係一個好浪漫嘅地方，咁耐以嚟我都希望同自己好愛嘅人去呢到，今日終於都可以同佢嚟呢到，我真係好開心好開心！

去到迪住嚟，我哋冇同米奇米妮影相，只係四圍行，玩咗少少機動遊戲～不過我已經覺得好開心，我真係好鍾意呢到，好想將來 pre-wedding 可以響呢到影！臨走嘅時候，美國小鎮大街落緊雪，呢一刻更加浪漫，好靚呀～我好想呢一刻永遠停留落嚟。。。好想一直都咁浪漫！

響迪住嚟走之後，佢帶咗我落銅鑼灣，因為佢朋友響時代唱歌，但原來係有另一個 surprise ，就係佢響時代送咗首歌俾我“相依為命”……聽到佢朋友講我哋今日三十一個月紀念時，我已經好愕然，直到佢再講有首歌送俾我時，我即時 feel 到自己塊面紅晒！感動到眼淚想流出嚟，但又唔敢流出嚟，因為佢班朋友企晒響我隔離。。。低能仔，多謝你今日俾咗呢個驚喜我～相依為命係我好鍾意嘅一首歌，亦係我好想屬於我同你之間嘅一首歌。。。相依為命，一直到老！

低能仔，你要記得你應承過我明年同我再去多一次迪住嚟架！

分類: 我們的生活點滴

[ 訪客留言(0) ] [ 編輯日誌 ]

2015 年 12 月 19 日星期六


	一個人

今日返早，朝早真係好凍～凍到唔想起身！好想繼續瞓落去～

今日響公司好忙，忙到冇時間揾低能仔～不過下晝嘅時候，有人打電話俾我話好掛住我。。。即時冧晒！

今晚原本有人帶我去佢奶媽到食飯，不過我個胃唔舒服，食完嘢就想嘔，最後我冇去到。。。收工就自己返去食飯盒！今晚屋企得我一個人，我好掛住佢～但因為佢仲有功課要做，所以我叫咗佢返屋企！

聽日就去迪住尼喇～希望同佢有個開心嘅拍拖紀念日啦！

分類: 我們的生活點滴

[ 訪客留言(0) ] [ 編輯日誌 ]

2015 年 12 月 18 日星期五


	累了

今日返寫字樓，每逢臨近聖誕節返親貨都執到隻狗咁，今日都唔例外～

有人今日返 emax ，我收工之後，就過九龍灣接佢，原本係諗住過埋去接佢，但我又怕我呢頭過緊去，佢嗰頭就出緊嚟，所以我唯有響德福廣場坐住等，點知個傻佬未收得工，叫我響佢樓下等佢，我就乖乖哋過咗去！可能因為今日成日都胃痛，加上又忙，所以個人特別攰～企響到等佢嘅時候，真係感覺到成個人唔屬於我咁～

佢收工後我哋搭小巴落咗旺角食飯，個傻佬搭小巴時，好嗲咁瞓落我到～佢好小會咁樣，我知佢真係好攰……但見到佢咁嗲，我又覺得好 sweet ！食完飯我哋就搭車返去，響車到我個胃越嚟越痛，兼且好想嘔，所以我冇出過聲，亦冇話俾佢知～我唔想佢咁攰都仲要擔心我，就正如佢整親隻手都唔同我，係唔想我擔心一樣！

分類: 我們的生活點滴

[ 訪客留言(0) ] [ 編輯日誌 ]

2015 年 12 月 17 日星期四


	保暖衣

今日依然好凍，我瞓響張床到唔願起身，唔知你著咗件保暖衣，有冇覺得暖啲呢？不過如果有你響我隔離攬實我瞓，我應該會覺得更加暖同瞓得更舒服～

尋晚有人買俾我專用嚟煲劇部機壞咗後，我喊到癲咗。。。有人知道之後，今日就即刻幫我搞掂晒～今晚有番部機陪我瞓喇！

今日響屋企 hea 咗半日，就出咗去接我嘅低能仔，搞埋部機後，有人就帶咗我去深水埗食飯同行街～不過我知佢攰，所以食完飯行咗一陣，我就搭車返去！佢響車瞓著咗，我就靜靜哋坐響到唔敢騷擾佢～由佢瞓吓。。。

期待同你20号過一個浪漫嘅迪住尼！

分類: 我們的生活點滴

[ 訪客留言(0) ] [ 編輯日誌 ]

« | 207 | 208 | 209 | 210 | 211 | 212 | 213 | 214 | 215 | 216 | ... | 384 | »