一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39114

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 11

累積人氣： 39114

2015 年 12 月 31 日星期四


	除夕

今日係大除夕喇！第三個同低能仔一齊過嘅除夕～

第一個除夕，係我哋最唔開心，亦差啲分手！第二個除夕，係我最難捱嘅一個除夕，因為工作、感情。。。令我辭咗職，甚至有諗過跟第二個走！今年係第三個，係我哋過得最舒服、最温馨嘅一個除夕～雖然有個不速之客打電話嚟，但都冇影響到我哋，簡簡單單咁響屋企二人世界，我已經覺得好足夠～

假如要回顧2015年，我諗我除咗工作唔順利之外，其他都過得好好～特別感情！今年我哋之間矛盾少咗，雖然有時會鬥吓氣，但我哋相處得好開心！

2015年佢成熟咗好多，好多事都會為我諗，細心咗好多好多～兼且亦開始為我作出承諾，我真係好希望2016年，我哋會更加愛對方，學識更珍惜我哋之間嘅感情，甚至可以一齊期待2017年嘅來臨！

分類: 我們的生活點滴

[ 訪客留言(0) ] [ 編輯日誌 ]

2015 年 12 月 30 日星期三


	惡

今日返康怡，可以9：30先起身～不過依然都係咁攰。。。雖然攰，但今朝有個突如其來嘅早餐！因為有人打電話俾我時，我咁啱響100％食早餐，啲人就入咗嚟同我一齊食，兼且仲請埋我食！好耐都冇食過幸福早餐喇～

今晚放工有人嚟咗接我，我哋諗緊食啲乜，最後啲人要我唔準食咁貴，就去咗大快活食～今晚俾佢話咗幾句，我忍唔住爆喊。。。平時只係滴幾滴眼淚，我就好快冇事～但今晚唔知點解喊到咁勁。。。就連佢氹我，我都依然收唔到聲！唔知係咪因為呢幾日都好病？！

食完飯啲人為咗氹番我，就帶我去行街。。。又買咗糖、朱古力俾我，兼且仲差啲買埋阿愁俾我陪我瞓！雖然我想換過隻攬住瞓嘅公仔，但咁貴我真係唔捨得佢買。。。

低能仔，你以後都唔淮一輪咀咁惡閙我呀！我個心真係好痛。。。

分類: 我們的生活點滴

[ 訪客留言(0) ] [ 編輯日誌 ]

2015 年 12 月 29 日星期二


	虛榮心

今日返寫字樓，朝早食完早餐又覺得想嘔～我 whatsapp 佢想嗲佢，但我等咗佢好耐都冇揾我，我開始覺得驚。。。好驚好驚會無咗佢！

忙咗一日，終於都收工～我過咗銅鑼灣揾低能仔食飯，有個傻佬同我食完飯之後，就帶我去 sogo 行街，個傻佬諗住帶我去 longchamp 個專門店買袋俾我，我當然唔肯啦！坦白講你話唔冧就假，但我唔捨得要佢亂用錢，我用啲乜又算得係啲乜？簡簡單單就已經足夠～

如果讚美係令人有一種虛榮感嘅，坦白講我都有～而呢種虛榮感我從來都冇，但對住低能仔我會有呢種感覺，每次身邊嘅人響我面前讚低能仔，我都會覺得好 sweet ，兼且覺得自己無揀錯人～唔知呢啲係咪叫傻呢？假如你身邊有人讚我，你又會唔會咁呢？不過我諗你身邊應該冇人會讚我～

分類: 我們的生活點滴

[ 訪客留言(0) ] [ 編輯日誌 ]

2015 年 12 月 28 日星期一


	灰心

今日要返工～而啲人就放假，約咗人'ssss影相。。。過一日屬於佢自己嘅假期！

今日有人影完相 whatsapp 話我知，我問咗佢一個平時我唔會問嘅問題～係因為我覺得佢兩個今日唔係影風景，應該係影女仔。。。佢當然唔知我感覺到，直到我收工見到佢後，我就再問佢今日究竟影啲乜？最後有人從食蕉來，坦坦白白咁講晒出嚟～

其實係女朋友都唔鍾意自己男朋友暪住自己去影第二個女仔！！就正如冇男朋友接受到自己女朋友暪住自己去俾第二個男人影一樣！嗰種感覺有啲唔知點咁，我真係有嬲，因為我失望。。。點解又係咁？！點解連坦承都唔可以有？每次當我感覺完啲嘢，到最後又真係發生咗後，我都會覺得灰心～

分類: 我們的生活點滴

[ 訪客留言(0) ] [ 編輯日誌 ]

2015 年 12 月 27 日星期日


	小王子

一直以嚟我都好鍾意童話故事，每一個童話故事對我嚟講都係完美架！或者因為我好鍾意童話嘅關係，所以我一直都覺得呢個世界會好似童話咁，只有黑同白，甚至王子同公主係會幸福快樂咁生活落去！

今晚我哋去咗睇小王子，我心目中嘅小王子一直陪住我睇～其實我明白要小王子嘅世界，只係得玫瑰一個，係一件好辛苦嘅事，耐咗亦會有想離開嘅一刻，縱使小王子依然好愛玫瑰！但要用失去去換取自由，到你明白到玫瑰嘅重要時先發現自己徹底失去咗一個好重要嘅人，咁又係咪值得呢？

我寧願揾到自己鍾意嘅小王子後，就永遠都唔離開佢。。。即使外面有狐狸同蛇吸引住，我都唔願意用一時賠上一生！因為代價實在太大，就算話回憶響心裡面，我哋都可以保持嗰種感覺，又或者話嗰個依然住響我哋個心陪住自己都好，我都唔願意咁～体温俾回憶嚟得更温暖。。。冇咗你響我身邊，我就唔會再覺得温暖！

分類: 我們的生活點滴

[ 訪客留言(0) ] [ 編輯日誌 ]

« | 205 | 206 | 207 | 208 | 209 | 210 | 211 | 212 | 213 | 214 | ... | 384 | »