一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39119

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 16

累積人氣： 39119

2015 年 11 月 11 日星期三


	兩日後。。。

今日返觀塘，8點幾就起身返工～起身嘅時候，都覺得好似好番啲，不過都係冇胃口，而且一食完藥又開始嚟料，勁眼瞓、勁暈同勁想嘔～完全企響到都瞓得著！

今日完全冇心情做嘢，做乜都好似提唔起心機，陣係覺得攰、攰、攰同埋攰……兼且我仲好似俾錯蛋糕個客，但我真係諗唔番起個客其實想要啲乜？！收工嘅時候，我行到一半去地鐵站，先記得自己冇拎電話，又要行返轉頭。。。上咗地鐵先記得冇倒垃圾，但已經返唔到轉頭喇！我今日成日都記唔到嘢，成日都好呆滯～啲藥真係好勁！

收工有人響銅鑼灣等我，兩日冇見，一見到佢緊係要攬實佢嗲吓佢！今晚我只係飲咗碗湯，乜都冇食過～食完嘢我哋行咗一陣，就搭車返去！今晚有人買咗兩包粟米片俾我氹我開心～

低能仔，我好想你陪我耐啲呀～

分類: 我們的生活點滴

[ 訪客留言(0) ] [ 編輯日誌 ]

2015 年 11 月 10 日星期二


	只想

今日依然都係病假，我成日喱咗響屋企冇出過去，食完藥就瞓，瞓醒又食藥再瞓。。。瞓到有啲 wing wing 哋！不過依然好攰～

第二日冇見過低能仔喇。。。唔知當我唔響佢身邊呢兩日，佢有乜感覺呢？而我就覺得差緊啲嘢咁～好想好想我病嘅時候，佢會照顧我、關心我，緊張我！只可惜根本冇可能，佢要忙嘅嘢實在太多喇！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 9 日星期一


	過敏

今朝鬧鐘都未響，我就已經起咗身，隻眼好痛，兼且連 con 都帶唔到～朝早有人打電話俾我，同我傾咗一陣我就返工！

返到公司眼越嚟越痛，仲越嚟越腫！而且開始抖唔到氣～最後返咗公司一陣，就頂唔順走咗！醫生話我應該對大閘蟹有過敏，所以氣管先腫晒，仲燒到104度，好辛苦先返到屋企～一返到去就瞓咗！

今晚我哋冇見過，佢有佢返屋企，而我就繼續喱響屋企瞓響到！我掛住你。。。

分類: 我們的生活點滴

[ 訪客留言(0) ] [ 編輯日誌 ]

2015 年 11 月 8 日星期日


	可惜

今日係假期嘅最後一日，又唔知要等幾耐先可以再放一個長假喇！雖然放咗四日假，但就冇真正瞓過一日係好，冇一日可以瞓得晏，好攰～

今朝同爸爸、家姐食完嘢之後，就去咗買餸整俾低能仔今晚晚餐，然後就去買咗一大堆嘢～幸好有家姐響到，如果唔係都唔知點拎！

夜晚返咗阿麻到同姑姐、爸爸食生日飯，姑姐買咗大閘蟹俾我食，好好味呀～一食就愛上咗……不過阿麻話我唔可以食咁多，因為真係好寒涼，好易會咳。。。但依家我已經好掛住喇！

低能仔收工就返咗嚟，今晚食咖喱雞扒漢堡焗飯，湯同蛋膠～返到屋企我隻手插咗刺，佢好細心咁幫我整番出嚟！食完飯幫佢按摩咗一陣就走咗，其實有時望住佢會好憫，我好想佢好，我好想佢早啲瞓，我唔想佢每晚都只係瞓兩三個鐘，因為每次見到佢攰嗰個樣，我都會好心痛，我真係好在乎佢，但可惜。。。。假如你連自己都唔愛惜自己，你身邊嘅人都好難愛落去！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 7 日星期六


	有人生日 ocean park

🎉🎉Happy birthday to u...

Happy birthday to u...

Happy birthday my dear 🎊...

Happy birthday to u ~🎉🎉

有人生日 ocean park ~

今日係同低能仔過嘅第三個生日，我哋去咗個我哋冇一齊去過嘅地方“海浪公園”～我哋兜兜轉轉先去到，入到樂園已經兩點幾喇！第一次同佢去，好難唔覺得興奮囉！

入到去我好似癲咗咁，見到啲公仔可愛就係咁玩，難得有人又陪我一齊傻喎，嘻嘻。。。我哋今日冇點玩過玩機動遊戲，只係隨便咁行吓睇嘢，我好想同佢睇啲平時冇乜機會見到嘅嘢，我好想我哋可以一齊見多啲唔同嘅嘢，其實平時我哋多數行旺角嗰啲，根本唔會去啲特別地方，難得今日佢生日可以免費入場，所以我先想同佢去～

今日俾人捉我去玩咗個唔算好恐怖，但轉得好快嘅機動遊戲，如果唔係佢想玩，我自己一定唔會玩😂玩完之後，有人補償包魷魚絲俾我，好好味呀！行完所有嘢，我哋就坐纜車落山，因為佢未坐過，所以我唔理自己畏高，都一定要同佢坐一次，始終我想我哋有好多唔同嘅回憶～

原來夜晚坐纜車好驚架！唔止我驚，我發現我身邊嗰個都冇郁，因為有人都好驚～個傻佬係咁叫我唔好亂郁，怕架纜車會跌落去，我就問佢假如依家架纜車真係會跌落去，你有乜嘢係最想做？佢答我係想攬實我同埋同我結婚生bb～低能仔，你知嘛。。。聽完之後，我真係覺得就算呢一刻架纜車真係跌落去，我都覺得無遺憾，因為我最愛嘅人，想娶嘅係我～只要有你，就算跌到粉身碎骨我都願意！

去完海浪公園，我哋就返香港仔食飯，之後就去咗冒險樂園到玩，我玩得好開心，佢陪我玩擲彩虹～仲換咗個 bello 嘅叉俾我，以後有人有私家叉用喇！玩完就返咗屋企二人世界，低能仔，我好希望你今年嘅生日會過得開心！

分類: 我們的生活點滴

[ 訪客留言(0) ] [ 編輯日誌 ]

« | 215 | 216 | 217 | 218 | 219 | 220 | 221 | 222 | 223 | 224 | ... | 384 | »