一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39049

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 47

累積人氣： 39049

2015 年 10 月 22 日星期四


	休息日

今日終於都係我哋一齊休息嘅日子，不過我哋都選擇咗唔出街，留咗響屋企一齊休息～

晏晝我出去拎完嘢之後，就返嚟同低能仔食嘢，食完嘢有個傻佬帶我去百佳買嘢飲，因為屋企冇屬於我嘅嘢飲，所以就買咗四支橙汁俾我，等我響佢到都有嘢飲，哈哈。。。我哋今日響屋企咁耐就瞓足咁耐，啲人攰到唔願起身！不過佢仲有功課要做，所以7點嘅時候，我摷醒佢起身落街食嘢，然後俾佢返去做功課，而我就自己返屋企～我只想佢可以靜靜哋咁做功課！加上我個頭真係好痛好痛。。。

分類: 我們的生活點滴

[ 訪客留言(0) ] [ 編輯日誌 ]

2015 年 10 月 21 日星期三


	阿信的故事

今朝十點幾就醒咗，個人依然好攰，隻眼依然好唔舒服～尋晚成晚瞓得唔好，成晚都瞓吓醒吓。。。

今日同爸爸、家姐食完嘢之後，我就去咗濕平。。。買咗啲日用品就返咗低能仔屋企，因為今日要“阿信的故事”……或者因為今日執嘢執到有啲攰，加上佢又冇乜理過我，所以搞到個人有啲憫憫哋！其實我想佢理我多一啲～

今晚同家姐響屋企食生日飯，我哋食我至愛嘅 pizza ，當然低能仔都係食呢啲啦～食完嘢就等低能仔返，佢收工就返嚟接埋我先返屋企，服侍埋佢食晚餐後，就一齊睇咗陣男親女愛！不過我今晚發咗佢皮氣，其實我都會攰、我都會想人理我感受、我都想我係最重要，係比起任何一樣嘢都重要，我唔想做第二，你明唔明呀？

分類: 我們的生活點滴

[ 訪客留言(0) ] [ 編輯日誌 ]

2015 年 10 月 20 日星期二


	我們的29個月

今日係我哋拍拖29個月嘅日子～我十點幾就醒咗，一直期待住今日嘅約會！

點幾嘅時候，我出咗旺角等佢，我知道佢冇咁早出嚟，我就自己行住等佢！唔知點解我好想令佢覺得有新鮮感，所以我買咗件新衫著～唔知佢鍾唔鍾意呢？平時出街我好少睇自己嘅嘢，今日等佢嘅時候，我行咗好多書店，睇咗好多我鍾意嘅文具同手工材料，好開心！所以今日等佢嘅時候，除咗攰之外，時間都總算易過！

有人今日5點就出咗嚟，我哋雖然過得平淡，只係食咗餐飯同行咗一陣就走，但我都覺得開心，我知道佢真係好攰～尋晚搞份功課搞到瞓得兩個鐘，我仲邊可以咁自私要佢陪我喎～所以返到嚟，我冇上佢到就走咗喇！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 19 日星期一


	一個人放工

尋晚發惡夢，零晨5點幾就扎醒咗，好驚。。。真係好驚呀！到咗依家都仲好記得個夢係乜～醒咗之後一直都好掛住低能仔，好想攬實住佢！

今日返鰂漁涌，係我最討厭嘅地方，因為每次返到去都要執餐死，兼且要企足一日冇得抖，個人真係好攰好攰～

今晚低能仔冇嚟接我，佢尋晚已經同我講咗今晚自己返去先，不過我好傻，到收工嘅時候，我不停望住出面，睇吓佢會唔會俾個 surprise 我，因為7點幾嘅時候，佢話佢仲未返去，所以我先以為佢會嚟接我，始終我唔知佢去咗邊嘛～

收咗工我 whatsapp 佢問佢食乜，但等咗一陣都冇揾我，我見有車就冇等佢上咗～最後都冇買到嘢俾佢食，相反佢就響樓下等埋我去食飯，食完就一齊返咗屋企！今晚佢陪咗我一陣，但我已經好開心～有時當你掂都唔想掂到我時，我真係會亂諗好多嘢，我真係會好怕架！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 18 日星期日


	懶瞓豬

今日放假，但9點幾就俾爸爸叫咗起身。。。醒咗之後，我就Whatsapp我嘅 BB Chu，但等咗好耐佢都冇揾我，直到十一點佢開工嘅時間先揾我，原來啲人瞓到十一點先起身！食完早餐就同家姐去咗銅鑼灣～

今日響銅鑼灣成5點先走，個人好攰呀！但依然都有買餸返去，因為就算我唔食啲人都要食吖嘛！始終都係嗰句，為咗佢乜都可以！

今晚有人收工就返咗嚟屋企等我，我就拎埋啲嘢過咗佢到，我哋睇咗一陣 you tube，就攬住瞓咗一陣。。。今晚我哋過咗一個開心嘅一晚，佢陪我玩，陪我傾計，陪我瞓，真係好 sweet ！呢種簡單嘅感覺好舒服～好鍾意好鍾意好鍾意。。。

低能仔，你尋晚話我跟住你就冇好嘢食，其實唔係咁架！響我未識你之前，我食嘅嘢真係好少，平均一日食一至兩餐，但識咗你之後，我食嘅嘢真係多咗好多，而且食多咗好多唔同嘅嘢，茶餐廳又好、掃街亦好、甚至麥記都好，我都食得好開心，我都覺得好滿足～我對食真係冇要求，好多時我都唔捨得自己食得好貴，但同你一齊我只係想你食得好啲～我想你同我一齊係感覺到幸福架！呢個亦係我會堅持煮飯嘅原因。。。你明白嗎？

希望你鍾意我今晚為你預備嘅一切～

分類: 我們的生活點滴

[ 訪客留言(0) ] [ 編輯日誌 ]

« | 219 | 220 | 221 | 222 | 223 | 224 | 225 | 226 | 227 | 228 | ... | 384 | »