一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34347

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 74

累積人氣： 34347

2015 年 10 月 7 日星期三


	特別

今日係一個好特別嘅日子，因為。。。今朝6點幾扎醒咗嘅時候，見到有人零晨4點幾 whatsapp 我 send 咗尋晚嘅日記俾我，其實我叫佢尋晚唔好寫住架！因為佢整冷氣整到好夜，已經好攰～點知個傻佬依然寫埋先瞓，傻佬！

今朝返工前有人同我食早餐，我好鍾意買定早餐、幫佢杯奶茶落定糖等佢！我會覺得係一個幸福嘅早餐～兼且今日有人仲同我一齊搭車送我返工添～呢個幸福嘅朝早，令我覺得係好特別嘅日子，特別幸福嘅一日～

今日得我一個人響世貿，由開鋪忙到收鋪。。。加上無咗一個鐘頭休息，個人就攰上加攰！幸好返埋今日，聽日可以抖吓，仲要係同低能仔一齊放假，所以今日響公司就算有幾忙、幾攰，我都覺得好開心。。。

眨吓眼好快就收工，有人準時嚟接我。。。今晚我哋近近哋響公司樓下食飯，食完飯後有人要去食格仔餅～今日真係好滿足，除咗個午餐外，早餐晚餐都有人陪我食，返工放工都有人接送！低能仔，多謝你呀～期待聽日同你嘅假期！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 6 日星期二


	快過你

今朝醒咗見唔到低能仔 whatsapp ，我揾佢又等咗好耐都冇覆我，我覺得好驚。。。驚唔係因為怕佢陪另一個，而係我好怕佢會有啲咩事。。。點知原來有人今日冇返上晝囉！嚇屎禾呀！

今日返寫字樓，由開工一直對住部電腦到收工，雖然係忙，但其實個人冇咁攰，兼且今日都過得好開心，因為有 Louise 上咗嚟陪我玩同傾計，時間易過好多！

今晚收工有人過咗深水埗等我，好開心呀～有人帶咗我去食韓燒，好好味呀～同佢一齊可以食唔同嘅嘢，我就最開心，加上搭車返去時，有人冇瞓覺，冇掛住玩電話，全程都陪住我傾計，所以我今晚成晚都笑唔停～

返到屋企我第一時間訂咗佢份生日禮物，雖然早咗成個月，但我怕夜長夢多～始終要諗送乜俾佢實在好有難度，好難先揀到佢鍾意，而佢又未買嘅嘢架！所以一定要快過佢訂至得，嘻嘻。。。下一步就係要計畫佢生日點過喇！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 5 日星期一


	爆粗

尋晚點幾就瞓咗。。。點知半夜差唔多三點嘅時候，俾公司 whatsapp 個 group 嘈醒咗，一見到係公司，我忍唔住不停爆粗。。。其實點解佢自己唔使瞓，唔諗吓人哋究竟使唔使瞓呢？！俾佢嘈一嘈，最後瞓唔番～

今朝8點幾就起身返工，有人一早就打俾我，好温柔，好 sweet ～有佢真係乜都好！返到觀塘食埋個早餐後，就返寫字樓拎鎖匙，點知條鎖匙唔係我要嗰條，最後又要返過尖沙咀拎，我嘅粗口又忍唔住爆出嚟。。。今日真係超 down ！幸好有低能仔氹我咋～如果唔係我真係癲咗！

收工有人嚟咗鋪頭接我，我哋去咗食好好味嘅意粉，不過個份量好細，我知個傻佬唔夠飽，所以我只係食咗一半就俾咗佢，只要佢食得飽，食得開心就乜都冇所謂啦！食完嘢我哋就搭車返去，因為有人好攰，我唔捨得要佢咁攰都陪我！低能仔，其實有你響我身邊，我真係可以乜嘢唔開心都忘記到，你真係好重要！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 4 日星期日


	橡筋

今朝較咗鬧鐘7點幾起身，就係為咗睇天文台。。。當然我今日放假，就算打風落雨都唔關我事，但有人今日要返工，所以我就睇吓今朝會唔會打8号風球？會唔會有黑雨？咁我就可以提佢要帶遮，佢就唔會好似尋日咁喇！

如果每個人都好似條橡筋咁，拉得越緊會越容易斷，我諗我嗰條應該就快斷開喇！我返工返到每晚發夢都響公司，我返工返到好想逃避，我返工返到好有恐懼，個人覺得好攰。。。我返工返到好驚再返去！今日我攰到成日都冇出過街，陣係喱咗響屋企冇郁，好似條死屍咁～陣係好想一直瞓一直瞓一直瞓落去！嗰種攰就連平時我最鍾意做嘅嘢，我都提唔起興趣去做，平時無論幾攰，我都會好享受煮飯俾低能仔食，但今日我連煮都唔願意。。。夜晚有人收工返咗嚟，我哋響樓下食咗個晚餐，就返咗屋企！響佢到我依然係攬住佢瞓咗響到唔願郁，我好似冇晒活力咁～一諗到聽日要返工，我竟然好想打風又或者係黑色暴雨>.<我未試過咁架！

攬住你，依然係最舒服嘅時候！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 3 日星期六


	沒甚麼

今日返寫字樓。。。依然7點幾起身返工！好眼瞓～今朝等車等咗好耐，出到觀塘都已經9：45，搞到趕唔切食早餐！

今日都係忙，但就冇響 luna 嗰種攰，只係食咗啲藥比較眼瞓，不過返呢到都算叫做可以舒服啲！收工之後，我過咗尖沙咀 Mandy 嗰間鋪，拎完盒曲奇餅同傾咗一陣，就過返旺角接低能仔收工～今晚我哋只係簡單食咗餐飯，行咗個星際就搭車返去～

分類: 我們的生活點滴

[ 訪客留言(0) ] [ 編輯日誌 ]

« | 222 | 223 | 224 | 225 | 226 | 227 | 228 | 229 | 230 | 231 | ... | 384 | »