一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39055

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 53

累積人氣： 39055

2015 年 9 月 22 日星期二


	Luna

今日返番 Luna 嘅第一日，好唔習慣～個人好攰！返一日 Luna 等於返兩日寫字樓，我唔想返去。。。我想快啲揾到工，快啲走！！

今日低能仔冇乜揾過我，我好掛住佢～Lunch 嘅時候，我試咗佢上次佢話好味嗰間餐廳，原來又真係幾好味喎！但如果有佢同我一齊食咁就好喇～

夜晚佢嚟咗接我收工，我哋去咗食吉野家，好好味呀！我好鍾意同佢一齊打邊爐，因為我覺得打邊爐都好浪漫架～食完飯就搭車返去，響車上面有人俾咗幾首歌我聽，呢幾首都係啲令人覺得好冧嘅歌，我好想對号入座架～只係唔知啲人點諗，哈哈～其實呢幾首歌講嘅嘢，都係我諗緊嘅嘢！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 21 日星期一


	哥師奶

放咗一日假，今日又要返工喇！今朝一早又落狗屎～好似我嘅心情咁，一諗到返工就好似行刑咁，陰公豬！幸好朝早有隻 bb 豬同我 whatsapp 咗一陣啫！

今日返到公司就俾 Irene 捉住咗傾計，一傾就傾咗成粒鐘，當我哋傾緊嘅時候，我發現我身邊有隻嘢 bear 住我兼西面，嗰個就係哥師奶！我終於發現一山還有一山高，佢衰嘅程度俾起 Eric 仲要賤十倍有多，真不幸！！！！不過都唔緊要，正如低能仔所講，我暫時幫住 Maggie 一排，到揾到嘢做就走～

今日食飯嘅時候，我響 Facebook 睇到一篇嘢，我即時諗起低能仔，我 tag 咗佢個名俾佢睇，個傻佬覆咗我一句嘢，令我成日都不停傻笑，兼且心情變得大好！低能仔，唔止你愛到死咗，其實我都係一樣！

夜晚本來有人嚟接我收工，但因為嚟緊兩個星期有人都冇得放假，所以我叫咗佢去行啲自己鍾意嘅嘢，我哋就約響旺角等！幸好佢今晚冇過嚟咋～結果有人終於都揾到自己鍾意嗰部相機，個傻佬開頭十五十六，要帶埋我過去一齊睇，仲會問我意見添，嘻嘻。。。咁耐以嚟第一次咁樣咋，你都咪話唔冧！買完嘢我哋又去咗食日本嘢，雖然冇上次嗰間咁好味，但我都食得好開心，因為有你！

你今晚記得早啲瞓喇！你個樣真係好攰呀～有人會心痛架！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 20 日星期日


	我們的二十八個月

我們的28個月

今日係我哋拍拖第二十八個月嘅日子，有人特登拎假陪我，好開心呀！

今日我哋過咗一個同之前唔一樣嘅紀念日，有人下晝響屋企陪咗我一陣，跟住就同我去旺角食下午茶，然後就係戲玉喇！我哋去咗一個我哋冇一齊去過嘅地方～荃灣～因為我想睇一套叫“燈塔下的戀人”嘅戲，有人就 seach到荃灣有啱嘅時間睇，所以就上網買咗兩張驗證票同我去睇～

今晚我哋去到荃灣真係好開心，種感覺有啲似響台灣咁，嗰到地方我哋唔熟悉，就好似得我哋兩個人咁～行到邊都拖到實，同時亦對嗰到充滿新鮮感，就連睇戲、搭地鐵返嚟嘅時候，佢都攬實我，冇放開過我！其實有時去啲我地冇一齊去過嘅地方都唔錯吖！不過有人話我為食，睇戲要食爆穀，嗚嗚。。。

低能仔，我今日過得真係好開心好滿足，你陪住我呢十一個鐘頭裡面，我覺得好放鬆，我完全冇諗起過公司嘅一切，多謝你安排咗一個咁浪漫嘅二十八個月俾我！坦白講，我真係唔需要名貴嘅禮物，好似尋晚你買俾我嗰盒零食，我已經好滿足～我更加唔需要好貴嘅晚餐，好似今晚掃街，甚至睇完戲時食嘅茶餐廳，我都覺得好浪漫～浪漫係在乎於嗰個人個心有冇你，如果冇，就算你送我好大粒鑽石，對我嚟講都只係一粒玻璃！希望我哋可以一生一世都咁愛對方～

我們的二十八個月快樂！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 19 日星期六


	I need u

今日返寫字樓。。。一早7點幾就起身返工，個人好攰呀！返到公司又要4樓、11樓兩邊走～令到個人攰上加攰！幸好今朝有人打俾我，等我可以提提神！

今日我終於發現自己一直都係逆來順受嗰啲人，響工作上我好似冇咗自己咁，佢哋要我做乜，我就做乜！我從來都冇諗過自己鍾唔鍾意？甚至係我冇諗過我都有權選擇唔鍾意！

其實我知道我響到留嘅時間唔會長，我亦唔希望再留得耐啲，縱使我過咗去 Maggie 嗰邊都好，我都希望可以快啲揾到工，我原來唔想再同呢到有任何瓜葛，少少都唔想再有～嗰種感覺就好似我 delete 咗 boss & Irene Facebook 同 wechat 一樣，我嘅嘢唔希望佢哋知，而佢哋嘅嘢，我亦都唔想再知咁！我只知我返錯咗嚟～

雖然工作上我唔係咁如意，但幸好我有低能仔、屋企人同埋阿容佢哋～呢段日子如果冇咗佢哋，我真係唔夠膽諗我會點？！可能已經癲咗～不過一諗到星期二，我又開始癲癲哋喇！低能仔，I need u <3

分類: 我們的生活點滴

[ 訪客留言(0) ] [ 編輯日誌 ]

2015 年 9 月 18 日星期五


	第二日

連放兩日假期，今日係最後一日！經過尋晚瘋狂咁嘔，同瞓吓醒吓後，今日好咗好多，不過可能嘔得太勁，今日成日都冇乜胃口，兼且仲係冇乜力！

今朝十點幾醒咗就見到某人嘅 whatsapp 。。。啲人明顯緊張咗我好多～或者係因為俾我尋晚嚇親，始終佢真係冇見過我咁樣！但今日我塊面瘀咗呀～個樣好醜樣，嗚嗚。。。好怕佢唔鍾意！

晏晝響屋企休息，我不停上網 seach 有冇20号容祖兒演唱會，因為尋晚佢驚我有事，我哋冇睇晒就走咗！但我好想佢開心，加上好想彌補番1314嗰次嘅唔開心，所以想同佢睇多次～不過真係好貴，原價＄780嘅門票，炒到＄3500兩張，我知道假如我買咗嘅話，佢真係會殺死我！！

今日有人放430，我哋約咗響旺角等，但我塊面就算化咗妝，都遮唔到瘀咗嗰到，結果我不停用頭髮遮醜～出到去有人 whatsapp 我話要630先走得，點知未到6點就出到嚟～surprise ！

今晚陪佢行完佢要去嘅地方，我哋就返咗深水埗食飯，行咗一陣就搭車返屋企！我知啲人好攰。。。所以我搭車嘅時候都唔夠膽攬住佢，由得佢舒舒服服咁瞓！低能仔，我知你媽咪唔響到你好 free ，但都唔好 free 到咁夜瞓！我想見到一個低能嘅你～

分類: 我們的生活點滴

[ 訪客留言(0) ] [ 編輯日誌 ]

« | 225 | 226 | 227 | 228 | 229 | 230 | 231 | 232 | 233 | 234 | ... | 384 | »