今日終於都到咗我哋�H二人世界，等咗咁耐低能仔今日真真正正咁屬於我，成日都陪住我！
佢媽咪今日返日本，朝日有人要同媽咪食早餐，然後就返咗屋企整嘢，到兩點幾就出嚟陪我！我哋去咗深水埗食返上次我好鍾意嗰間酸辣湯，今次仲試埋生煎鍋貼，原來都係咁好味∼低能仔食得好開心，見佢開心我就覺得開心！食完嘢見到有爆穀，個傻佬知我鍾意食，就買咗嚟氹我∼臨食之前，我一伸隻手出嚟，佢就好自然咁拎濕紙巾幫我抹，呢種應該可以叫做默契，同時佢亦寵我，寵到我飄飄然，嘻嘻。。。
夜晚就到咗我期待已久�H節目∼祖兒克勤演唱會，其實我覺得呢個演唱會唔算太精彩，真係冇 c allstar 嗰場咁好睇∼但佢兩個都係唱得之人，加上我同低能仔睇咁多次，都冇見過佢會好似今次咁，一路聽唱得咁開心∼
唔知點解今晚睇睇吓演唱會睇到尾段時，突然由頸開始痛到上個頭到，越嚟越痛。。。仲要成個人突然好熱，不停出汗同抖唔氣，我一直都冇出聲，因為我好想低能仔可以睇落去，點知都你被發現。。。唱到臨尾兩首歌，有人就帶咗我走！響車到我痛到忍唔住攬住佢係咁喊，第一次會響佢面前咁∼兼且我痛到超想嘔，我唔想俾佢見到我咁辛苦，我求佢返去先唔好理我，但佢依然唔肯，仲買埋藥俾我，送埋我返去！
結果忍到返到屋企終於都頂唔順，嘔到七彩。。。十五分鐘嘔咗超過十次∼冇晒力喇！沖埋個涼食埋粒藥，就返咗上床瞓∼有人擔心我，見我冇覆佢，就帶電話俾我！低能仔，你令我好窩心呀∼但對唔住呀。。。今晚搞到你咁唔開心！
分類: 我們的生活點滴 |
